1 SAMUEL 22:14 - AMÜSÜH HÜM CL Bible (BSI)

¹⁴ Judüki Ahimeleknü kiulongthsüpuh ki alo, “Nü yamlarü bolung shepü David nangde thiyuro la? Api kiulongthsüpuh tsühmeakrü ah tüsho nü aheangpü ching athrilah, tüsho nü yam ching alalanü wüntre jihchoh.

1 SAMUEL 22:14 Iomraidhean Croise

1 SAMUEL 17:25

Israelrübonü tha, “Nüsanü ha buh mihtsürü atua la ha ngünah? Tsükjide api Israel müneahpü atua lah. Shepünü ju buh laksahbanü kiulongthsüpuhnü thsambah ato jihbah, tüsho api kilim atsührü aliberü jihbah tüsho Israel ching api yamkhün zuzu lashihbah.”

1 SAMUEL 18:13

Jumonü Saulnü anihbuh mikinü api tsoshih, tüsho chithürü kurungkheak limthorü kamshih; tüsho Davidnü bonungrü thirithsü ching limbe.

1 SAMUEL 18:27

Davidnü amihtsürübo lungnü yü tüsho Filistiarü 200 laksah; tüsho Davidnü api kiulongthsüpuh tsühmeak thsüpü thsüde arü yoküpbo khemütsana kiulongthsüpuh kilim handarü jih. Saulnü api kilim yamkhünbe thsüpü atsührü Mikal jih.

1 SAMUEL 20:32

Judüki Jonathannü abuh Saul ki alo, “ Tümü thsükhi api asheshihpü? Apinü tümü rhimoa la?”

1 SAMUEL 21:2

Davidnü amükeambuh Ahimelek ki tha, “ Kiulongthsüpuhnü tümükhüh dünkheak I thiyi tüsho I ki tha, ‘Inü nü yüshihkhi tüsho thiyikhi dünkheak shenü she dümükheahshih.’ Hadürü tüsho ha dangpung thsungkheak inü athrününgtsüng shorupü tsüngdo.

1 SAMUEL 22:13

Saulnü api ki tha, “ Tümü thsükhi Jesse tsührü kilim yikhap le nukshang jihde nükenü I mulomülapde tüsho api thsungkheak Thrünpuh ki keokhide khihni ha ruk apinü I laksahpü jimshihkhea?”

1 SAMUEL 24:11

Abuh, nü yo shulünkhim münkheam I khah ching ha kheahang; tümüde atsütsü inü nü yo shulünkhim münkheam nipkhia lu, tüsho nü mülaksah, ha hode I kilim amülim yungsho azhihkhi müla de nünü amükheahbah. Nünü I rhangdung lupü jima lalashe, inü nü azhihde neak müyihbeak.

1 SAMUEL 25:28

Muzhobah nü yamlaberünü alakmihkhi neak bahjang; tümüde Atungpuhnü tsükjide I tungpuh kiulongthsürü kamshihbah, tümütüsho I tungpuhnü Atungpuh thirithsü keochihchoh; tüsho nü lakhi amuyung nü kheak amütsü rhimo müngü.

1 SAMUEL 26:23

Atungpuhnü nihbuh thiyuro-lungki tüsho khiukde alakhi aban thsambah jihchoh; tümüde khihni Atungpuhnü nü I khah ching jih, tüshe Atungpuhnü mujude-mokhitkhi kheak azhihde inü I khah muchung.