1 SAMUEL 22:10 - AMÜSÜH HÜM CL Bible (BSI)

¹⁰ apinü David thsungkheak Atungpuh ki keokhi, tüsho apinü tsühyungpü tüsho Filistiarü Goliath nukshang api kilim jih.”

1 SAMUEL 22:10 Iomraidhean Croise

WÜHKHE 27:21

Api amükeambuh Eleazar miki zhipbah anihbuh thsungkheak Urim mahkhapkhi yande Atungpuh ki keokhishihbah; Eleazar yukhüm hode api tüsho Israel mihtsürü boto wukhiukbah tüsho azahbah.”

1 SAMUEL 10:22

Jumonü kheaküshe arünü Atungpuh ki keokhi, “ Mihtsürü ha ching marüyi de?” Tüsho Atungpuhnü alo, “ Kheahang, api hah thsükhi bolung jiklah.”

1 SAMUEL 21:10

Davidnü asürübah ju nimung Saul kheaknü tsoabah; api Gath kiulongthsüpuh Akish kilim yü.

1 SAMUEL 22:11

Kiulongthsüpuhnü Ahitub tsührü Ahimelek tüsho api buhtsührü alala, Nob ching larü amükeamrübo jipü yüshih; tüsho arü alala kiulongthsüpuh ki arü.

1 SAMUEL 22:13

Saulnü api ki tha, “ Tümü thsükhi Jesse tsührü kilim yikhap le nukshang jihde nükenü I mulomülapde tüsho api thsungkheak Thrünpuh ki keokhide khihni ha ruk apinü I laksahpü jimshihkhea?”

1 SAMUEL 22:15

Inü api thsungkheak Thrünpuh ki keokhikhi khihni akhuhbea de? Küdüküdü she yung! Kiulongthsüpuhnü ayamlarü yungsho I buhtsührü shepü kheak she dümudo; tümüde nü yamlarünü ha alala, hihde yungsho nükde tümü mümükheah.”

1 SAMUEL 23:12

Judüki Davidnü tha, “ Keilah mihtsürünü I kilim arüabah tüsho I mihtsürünü Saul khah ching yüzahabahba de?” Atungpuhnü tha, “ Arünü nü khah ching azahbah.”

1 SAMUEL 23:2

Davidnü Atungpuh ki keokhi, “Inü yübah harü Filistiarü yanba shi?” Atungpuhnü David ki tha, “Yübah Filistiarü yanang tüsho Keilah khümkhitang.”

1 SAMUEL 23:4

Kheaküshe Davidnü Atungpuh ki keokhi. Atungpuhnü api ki alo, “ He, Keilah lim yükiang; tümüde inü Filistiarü nü khah ching jihbah.”

1 SAMUEL 30:8

Davidnü Atungpuh ki keokhi, “Inü thiriribo ha müshamanü de? Inü arü tholoba shi?” Apinü anihbuh ki tha, “Yande müshamang; tümüde tsükjide nünü atholobah tüsho aramrübo khümkhitbah.”