1 SAMUEL 21:7 - AMÜSÜH HÜM CL Bible (BSI)

⁷ Kheakü Saul yamlarü khürü ju nimung Atungpuh miki tukloa bin; api mung Doeg, Edomrü, Saul mihnu neakrü atobuh lakheah.

1 SAMUEL 21:7 Iomraidhean Croise

THRÜNTAN 26:20

Tüshe Gerar moshi neakrünü Isak moshi neakrü kheak rukachihde tha, “Ke ha isa yo ah.” Jumonü apinü kekhip mung ju Esek de ji, tümütüsho arünü api kheak rukachih.

1 KIUTHSÜYUKHEAN 27:29

Sharon ching akamkhi moshibo kurungkheak Sharonrü Shitrai. Jindükhünbo ching moshibo kurungkheak Adlai tsührü Shaphat.

1 KIUTHSÜYUKHEAN 27:31

Harü alala kiulongthsüpuh David lakhit-kukruk kurungkheak atorübo lakheah.

2 KIUTHSÜYUKHEAN 26:10

Apinü sunglo ching aheangsadam thsü tüsho kekungbo ahihdo kiu, tümüde Shephela tüsho adükhün ane chido ching moshibo hihde alakheah, tüsho api yo thulu-thsürü le kurungasolu wochakrü awungbo ching tüsho atsü lobo ching lakheah, tümütüsho apinü alo muzhode alakheah.

EZEKIEL 33:31

Mihtsürübo arüchoki arünü nü kilim arüchoh, tüsho arünü I mihtsürü nangde nü miki binchoh, tüsho arünü nü yubo anichoh, tüshe arünü jurübo mürhimo. Tümüde thiyu-ake arü münküpbo kheak lah, tüshe arü mulong a arü alü thsüpü kheak lah.

LEVI 22:10

Püpürü shenü she amüsüh kingaünkhi mütsüh; amükeambuh lung lakhi hanrü yungsho amulokhi yamlarübonü she mütsühbeah.

LEVI 22:13

Tüshe amükeambuh tsührübe ju khimoberü kamsho yungsho bah-a lasho, tüsho tsührü mülasho, tüsho abuh yam ching alode arübah anihbe athunu kim ching lakhi ruk api lung lasho, anihbenü abuh tsühyungpü tsühpü kuklah; tütüshe püpürünü a ju mütsüh.

LEVI 24:5

Tüsho nüsanü ayikangkang khahngak 12 lubah yikhap thürükheak mahne nungang.

LEVI 24:8

Israelrü mihtsürü thsung thsüde Aronnü ha yikhap lubah amuni aban mutukzhakde, lünnü tangzüngkhi amütsan Atungpuh miki zojihbah.

AMOS 8:5

ha tha, “ Küyimki khinu aso hobaki, junangde isanü hi yinbah; tüsho amuni hobaki, junangde isanü yukyinpü thsungkheak wheat hi jihbah? junangde isanü alü kheangbah, amülim adünara ahoribah, tüsho thülothiyirü ki akeara ching rük thsübah,

MATHI 15:8

‘Harü mihtsürübonü arü münbonü I ki wüntre jihchoh, tüshe arü mulongbo I kheaknü limshude lah.

1 SAMUEL 11:5

Kheakü Saul thulu chingnü moshipungbo dunglim alungde alakheah; tüsho Saulnü tha, “ Mihtsürübonü atripkhi ha tümü amütsan a?” Jumonü arünü Jabesh ching larü yusheak api ki thaa huh.

1 SAMUEL 14:47

Küyimki Saulnü Israel kurungkheak kiulongthsü ngükhea, apinü mühirü api riribo alala, Moab, Amon, Edom, Zoba kiulongthsübo, tüsho Filistiarü kheak keochih; kürü ching api yükheanü apinü arübo küpkhuk jih.

1 SAMUEL 21:8

Davidnü Ahimelek ki tha, “Nü lung ha ching thsüh yungsho nukshang müla de? Inü nukshang yungsho thsühnuk hanbah marü, tümütüsho kiulongthsüpuh rhimo ching I niokheamdo.”

1 SAMUEL 22:10

apinü David thsungkheak Atungpuh ki keokhi, tüsho apinü tsühyungpü tüsho Filistiarü Goliath nukshang api kilim jih.”

1 SAMUEL 22:22

Davidnü Abiathar ki tha, “Edomrü Doeg, ju ching lachoki, apinü tsükjide Saul ki thabah de inü ju nimung mükheah. Nü buhtsührü alala rhangdung thsungkheak I hahmülang thsübah.

1 SAMUEL 22:9

Edomrü Doeg, Saul yamlarü atobuhnü alo, “Inü Jesse tsührü ju Ahitub tsührü Ahimelek kilim Nob ching arükhi ngüdo;