1 SAMUEL 20:8 - AMÜSÜH HÜM CL Bible (BSI)

⁸ Jumonü nü yamlarü ki muzhode rhimoang, tümüde nünü nü yamlarü amüsüh tangzüngkhi ching nü lung bedarüdo. Tüshe I kheak amülim lasho, nünü I laksahang; tümü thsüpü nünü I nü buh ki bede ayüpü?”

1 SAMUEL 20:8 Iomraidhean Croise

THRÜNTAN 24:49

Kheakü nünü I putungrü ki amuzho tüsho thiyuro huhba shi yungnü I ki thaang, jude yungsho I tsülim yungsho huzulim anguhanü.”

THRÜNTAN 47:29

Küyimki Israel ashepü kim khiungkheanü, apinü atsührü Josep ji tüsho api ki tha, “Kheakü I nü miki amuzho ngüa lasho, muzhobah I pho dükeak nü khah yukang, tüsho I ki muzhode thiyuronü rhimoang. Muzhobah Ijip ching I mi dübah,

2 SAMUEL 14:32

Absalomnü Joab ki alo, “ Kheahang, inü nü kilim thiyu ha arüshihdo: Ha ching arang, junangde inü akeokhikhi ha mühahbah nü kiulongthsüpuh ki yüshihbah, ‘ Tümü thsüpü I Geshur chingnü arükhea? I ju ching lakhipünü atsübe thsüdo.’ Jumonü kheakü I kiulongthsüpuh miki yüzahanü; I kheak amülim lasho apinü I laksahshang!”

1 KIUTHSÜYUKHEAN 12:17

Davidnü arü shorupü wukhiuk tüsho arü ki tha, “Mürangkhüh nüsanü I ki mungtsü ching I rungpü arüa lasho, I mulong nüsa kheak ayebah; tüshe mürangkhüh nüsanü I azhihrü kilim I mülapyukjihpü arüa lasho, I khahbonü tümü amülim mürhimo le, isa jipürü Thrünpuhnü ngüshang tüsho mahkhapshang.”

MUNGSHIKHÜN 116:11

Inü niokheamde tha, “Mihtsürü alala akeangyu tharü ah.”

MÜCHITMUDU 3:3

Mihmüthsüm tüsho thiyuronü nü dübahyukshih; jurü nü hung mükamde rhükkihang, nü mulong kheak thrütkihang,

YUNIRÜBO RHIMO 25:11

I amülim rhimorü thsübah ashepü thülünde lakmihkhülaa, inü ashe tsokhipü müyim tüshe mihtsürübonü I müdamkhi ching tümü mülasho, shenü she I arü kilim müjihkhuk. Inü Kaesar ki mushuchoh.”

JIHUSUA 2:14

Anenü alibe ki tha, “Isanü athakhi nangde mürhimosho Thrünpuhnü isa rhangdung lushang! Isanü arhimokhi nünü lang she ki müthasho, küyimki Atungpuhnü ha lo isa kilim jihbanü isanü nüsa ki thiyuronü amuzho huhbah de alokhichoh.”

JIHUSUA 22:22

“Atungpuh ju thrünpuhbo kurungkheak Thrünpuh! Atungpuh ju thrünpuhbo kurungkheak Thrünpuh! Apinü mükheahlah; tüsho Israelrünü she mükheahshihnelah! Ha Atungpuh azhihde api kheak akin mülaa lasho, khihni isa dülashih!

RUTH 1:8

Tüshe Naominü atsühmeakne ki tha, “ Thüyam lim alode yüang tüsho nüke berü ki laang. I lung tüsho sheabahrü lung nükenü lade arükhi thsungkheak Atungpuhnü nüke müthsümshang.

1 SAMUEL 18:1

Küyimki Davidnü Saul ki asukachihkhamkhea, Jonathan menü David me kheak lümshede kam, tüsho Jonathannü nihbuh me nangde api muzho.

1 SAMUEL 18:3

Judüki Jonathannü David kheak tangzüng khülang thsü, tümütüsho anihbuh me nangde api muzho.

1 SAMUEL 20:16

Hanangde Jonathannü David yamkhün ki tangzüngde tha, “Atungpuhnü David riribo yimkhitshang.”

1 SAMUEL 20:9

Jonathannü tha, “ Ju nü kheaknü limshuabahang! Nü kheak amütsü rhimopü I buhnü alümkihkhi inü mükheahbah inü nü ki müthapü?”

1 SAMUEL 23:18

Judüki anenü Atungpuh miki tangzüng; David a Horesh ching la, tüsho Jonathan thüyam lim wulung.