1 SAMUEL 20:5 - AMÜSÜH HÜM CL Bible (BSI)

⁵ Davidnü Jonathan ki tha, “Shido a khinu aso ah, tüsho yimtsühchoki I kiulongthsüpuh ki binpü mülakphahbeah; tüshe I tsoabahanü, junangde mahsam re khiungde I thulu ching jikbah.

1 SAMUEL 20:5 Iomraidhean Croise

2 KIULONG THSÜRÜ 4:23

Apinü tha, “Tümüde khihni api kilim yüpü? Ha khinu aso yungsho amuni yung.” Alibenü tha, “Ju atsübah.”

MUNGSHIKHÜN 55:12

I keangrümünerü ju I riri thsükhülaa, inü arüma labah; I kurungkheak kükheangrü ju I azhihrü thsükhülaa, api kheaknü inü jika labah.

MUNGSHIKHÜN 81:3

Khinu aso kim ching, khinu münichoki, isa arüngako anioji nimung hulipungpung mütang.

MÜCHITMUDU 22:3

Rük larünü atrebe ngübah jikchoh; tüshe lümlangrünü judü lang yüchoh tüsho thsünüa luchoh.

AMOS 8:5

ha tha, “ Küyimki khinu aso hobaki, junangde isanü hi yinbah; tüsho amuni hobaki, junangde isanü yukyinpü thsungkheak wheat hi jihbah? junangde isanü alü kheangbah, amülim adünara ahoribah, tüsho thülothiyirü ki akeara ching rük thsübah,

WÜHKHE 10:10

Nüsa asüh nimung she, thünio akhukhitkhi tüsho nüsa khinu aso ching, nüsa taka kingaünkhi tüsho mungtsü kingaün shuhmülanga jihkhi kheak nüsanü hulipungpung mütang; jurübo nüsanü Thrünpuh miki nüsa thsungkheak mümihbe labah; I Atungpuh nüsa Thrünpuh.”

WÜHKHE 28:11

Khinu aban akhuhbe nimung nüsanü Atungpuh kilim harü taka kingaünang: moshipung nunu 2, mihnupung 1, tüsho kam khülang bankhi lapha mükihkhi namfimihnunu 7;

JOHAN 8:59

Judüki arünü lung thrüa lubah api kheak king; tüshe Jisunü jikabah tüsho arü bolungnü hode yübah arüngyam chingnü wukhiuk, tüsho tsoabah.

YUNIRÜBO RHIMO 17:14

Keoniorübonü Paul ju niokheamde keto lim thiyia tsoshih; tüshe Sila le Timothi büne a Berea ching binlo.

KOLOSI 2:16

Jumonü atsühpü tüsho ayungpü yungsho thünio le khinu aso yungsho amuni dünkheak keokhikhibo ching shenü she nüsa kheak thiyudükhapshih.

1 SAMUEL 19:2

Jonathannü David ki tha, “I buh Saulnü nü laksahpü yimchoh; jumonü shido yapsu rhüngrhüngang; asük ching jikabahang.

1 SAMUEL 20:18

Jonathannü api ki tha, “Shido a khinu aso ah; nü mülakhi mütsanbah, tümütüsho nü binpung akeangkeang labah.

1 SAMUEL 20:19

Zhihdo, nü limro ashang ching yükibah; nü jikpü lakhi dangpung ching nahde yüang, tüsho ju ching lung-mutrung mubuhbah binang.

1 SAMUEL 20:24

Jumonü Davidnü thulu ching jikabah. Küyimki khinu aso thünio arükhea, yimtsühpü thsüde kiulongthsüpuhnü bin.

1 SAMUEL 20:27

Khinu aso mahne nipü, David binpung akeangkeang lakheah. Tüsho Saulnü atsührü Jonathan ki tha, “ Tümü thsükhi Jesse tsührü yini le khihni thünio ching marü le?”

1 SAMUEL 20:4

Judüki Jonathannü David ki tha, “Nünü tümüpürü thachonü, inü nü thsungkheak rhimobah.”

1 SAMUEL 20:6

Apinü I khide mürheangsho, thaang, ‘David a api kiuto Bethlehem lim niokheamde ayüpü I ki mushude kheangdo; tümüde ju ching yamkhün alala thsungkheaknü kam abande laksah-a kingaünpü lah.’