1 SAMUEL 20:41 - AMÜSÜH HÜM CL Bible (BSI)

⁴¹ Azübuh tsoabahshu, Davidnü lung-mutrung khüpnü asürü tüsho amiro alo lim mükhümbah Jonathan ki mahsam ki khukning. Anenü müthsüpachih, tüsho tripachih; Davidnü alübe trip.

1 SAMUEL 20:41 Iomraidhean Croise

THRÜNTAN 29:11

Jushu Jakobnü Rachel müthsüp tüsho achangnü trip.

THRÜNTAN 29:13

Labannü aniurü tsührü Jakob dünkheak thiyusheak soakede apinü anihbuh shorupü niokheamde yü. Apinü api kap tüsho müthsüp tüsho api yam ching bede arü, tüsho alala dünjikhi Jakobnü api ki thaa huh.

THRÜNTAN 33:4

Tüshe Esaunü api shorupü alihde yübah kap, tüsho ahung kheak kapbah api müthsüp, tüsho arünü trip.

THRÜNTAN 42:6

Kheakü Josep ju alomi kurungkheak kovünor lakheah; tüsho lomi mihtsürü alala kilim apinü yinjih. Tüsho Josep keoniorübonü arübah alo lim arü miro thsübah api miki khukning.

THRÜNTAN 43:28

Tüsho arünü alo, “Nü yamlarü isa abuh phü tsüde lah; api kheakü khiungde lah.” Arünü arü kubo mükhüm tüsho akin jih.

THRÜNTAN 45:15

Tüsho apinü akeoniorü alala müthsüp tüsho trip, tüsho ju dunglim akeoniorübonü api ki asukachih.

2 SAMUEL 1:2

Nimung asampü ching mihtsürü khülang khim thorüpa tüsho aku kheak alo yihkihbah Saul binkheampung chingnü arü. Küyimki api David ki arükhea, apinü akin jihde alo kheak mükhüm.

2 SAMUEL 1:26

I nü thsungkheak mulong rozhaklah, I keonio Jonathan; nünü I kheak khide muzhodakde alakheah; nünü I muzhokhi amüyinsahbe, aliberü muzhokhi kheaknü alü lakheah.

2 SAMUEL 14:4

Küyimki Tekoa liberü kiulongthsüpuh ki arükhea, alibenü alo kheak khukning tüsho akin jihde tha, “Rungang, O kiulongthsüpuh!”

2 SAMUEL 19:39

Judüki mihtsürü alala Jordan ho, tüsho kiulongthsüpuh she ho; kiulongthsüpuhnü Barzillai kheak müthsüp tüsho api müngühjih, tüsho api nihbuh yam lim alode yü.

2 SAMUEL 9:6

Saul tsührü Jonathan tsührü Mephiboshet David kilim arü, tüsho amiro koyubah akin jih. Davidnü tha, “Mephiboshet!” Apinü alo, “I nü yamlarü ah.”

1 KIULONG THSÜRÜ 1:16

Bathshebanü khukningde kiulongthsüpuh ki akin jih, tüsho api ki tha, “Nünü tümü lümla?”

1 KIULONG THSÜRÜ 1:23

Kiulongthsüpuh ki tha, “Ha kheak wukihbuh Nathan lah.” Küyimki api kiulongthsüpuh ki azah khea, apinü alo kheak khukningde kiulongthsüpuh ki akin jih.

1 KIULONG THSÜRÜ 1:31

Judüki Bathshebanü alo kheak khukningde kiulongthsüpuh ki akin jih tüsho tha, “I tungpuh kiulongthsüpuh David lünnü laang!”

YUNIRÜBO RHIMO 20:37

Arü alalanü trip tüsho Paul kapde müthsüp.

1 SAMUEL 10:1

Judüki Samuelnü oliv müdangke lubah aku kheak dungkihjih, tüsho api kheak müthsüpbah tha: “Atungpuhnü api yamrüplurüp Israel mihtsürü kurungkheak yakzan shuhpü nü mujude-mokhitdo yung de?

1 SAMUEL 18:3

Judüki Jonathannü David kheak tangzüng khülang thsü, tümütüsho anihbuh me nangde api muzho.

1 SAMUEL 20:40

Jonathannü api thsühnukbo azübuh ki jihbah tha, “ Jurübo kiuto ching hanbah yüang.”

1 SAMUEL 24:9

Davidnü Saul ki tha, “ Tümü thsükhi Davidnü nü thsümünimpü yimchoh de atharü yu anicho?

1 SAMUEL 25:23

Küyimki Abigailnü David ngükhea, alibenü niokheamde yü tüsho donki kheaknü akibah amiro alo lim mükhümde David ki khukning.