1 SAMUEL 20:30 - AMÜSÜH HÜM CL Bible (BSI)

³⁰ Judüki Saulnü Jonathan kheak bukakhiukkhi alü kam. Apinü anihbuh ki tha, “Nü akin mülakhi, azhihde awusurü aliberü tsührü! Nü tüsho nü be achih ngüpü thsüde nünü Jesse tsührü mokhitdo de inü mümükheah de?

1 SAMUEL 20:30 Iomraidhean Croise

JOB HU H T ANYU 5:2

Tsükjide mulong zhipzhipkhinü makharü laksahchoh, tüsho mükthsükhinü lümthülihrü laksahchoh.

MÜCHITMUDU 14:29

Shepü arünnü bukakhiukchonü anikhitkhi ato lah, tüshe asungsung mihtsürünü makhakhi huhchoh.

MÜCHITMUDU 15:2

Lümlung larü mulonü lungkide mükheahmudu ahorichoh, tüshe makharü münnü makhakhi thakhitchoh.

MÜCHITMUDU 19:12

Kiulongthsüpuh bukakhiukkhi ju kekhüzü arungkhi nangde lah, tüshe api muzho a rim kheak ayinke nangde lah.

MÜCHITMUDU 19:19

Mihtsürü khide bukmükekhi ju thsümüchi ngübah; tümüde nünü api dükhesho, nünü ju ruk lang athsülobah.

MÜCHITMUDU 21:24

Lülüshishi tüsho akükheang mihtsürü mung ju, “ Luhmünerü”; apinü lülüshishide kükheangchoh.

MÜCHITMUDU 25:28

Shepünü nihbuh müdanyuknü chipi keamabahkhi kiuto nangde lah.

MÜCHITMUDU 27:3

Lung ju mülanglah tüsho loyi adünkhitlah, tüshe makharü bukmükekhi ju ane chido kheaknü amülangbe ah.

MATHI 5:22

Tüshe shepünü nihbuh keoniorü ki bukakhiukbanü mahkhap ching bedarübah. Shepünü nihbuh keoniorü ki makharü de athabanü kiuthsü-binkiu miki bedarübah, tüshe shepünü aduhrü de athabanü thsümüchi motru ching atrebe labah.

EFISIA 4:31

Akhüh, mulong zhipzhip, bukakhiuk, alanaji tüsho dünthamungtha athsümünim alala bede bahang,

EFISIA 6:4

Buhrübo, nüsa tsührübo bukakhiukpü thsüde düthürüh, tüshe adanyukkhi tüsho Atungpuh thsangdankhi ching arü mütrükhitang.

1 SAMUEL 20:29

apinü tha, ‘I yüshang; tümüde isa yamkhünnü kiuto ching laksah-a kingaünpü lah, tüsho ju ching beshihpü I khiungnü I ki thiyukhüm jihkheah. Jumonü kheakü, nü miki I muzhoa lasho, I yüanü, tüsho I khiungmungrübo shoruanü.’ Hamonü api kiulongthsüpuh dükhüm kheak marü.”

1 SAMUEL 20:31

Tümüde alomi kheak Jesse tsührü rhangdung lakhi khiungde nü yungsho nü kiulongthsü mülakhuk. Kheakü yüshang tüsho api I ki bede arang, tümüde api tsükjide ashebah.”