1 SAMUEL 20:3 - AMÜSÜH HÜM CL Bible (BSI)

³ Tüshe Davidnü she thiyuchihchimde tha, “Nünü I muzholah de nü buhnü tsüde mükheahlah; tüsho ha Jonathannü dümükheahshih jude yungsho api mulong rozhakbah de apinü lümchoh. Tüshe tsükjide Atungpuh tüsho nü lale, I tüsho ashepü dükeak jingdükü zahlah.”

1 SAMUEL 20:3 Iomraidhean Croise

2 SAMUEL 15:21

Tüshe Ittainü kiulongthsüpuh ki alo, “Atungpuh tüsho I tungpuh lale, I tungpuh kiulongthsüpuh küching küching yüyüshe, ashepü thsüthsü yungsho arhang lapü thsüthsü, ju ching she nü yamlarü labah.”

2 KIULONG THSÜRÜ 2:2

Elijanü Elisha ki tha, “Ha kheak binang; tümüde Atungpuhnü I Bethel khiungde yüshihdo.” Tüshe Elishanü tha, “Atungpuh tüsho nü lale, inü nü mübahjih.” Jumonü ane Bethel lim yüki.

2 KIULONG THSÜRÜ 2:4

Elijanü api ki tha, “Elisha, ha kheak binang; tümüde Atungpuhnü I Jirikho ching yüshihdo.” Tüshe apinü tha, “Atungpuh tüsho nü lale, inü nü mübahjih.” Jumonü ane Jirikho ching arü.

2 KIULONG THSÜRÜ 2:6

Judüki Elijanü api ki tha, “Ha kheak binang; tümüde Atungpuhnü I Jordan ching yüshihdo.” Tüshe apinü tha, “Atungpuh tüsho nü lale, inü nü mübahjih.” Jumonü anenü yü.

MUNGSHIKHÜN 116:3

Ashebe thsününü I mükamdo, tüsho Ashe-lomi mihtrebenü I tholo; inü küpkhuk tüsho mulong rozhak ngü.

JEREMIA 38:16

Jumonü kiulongthsüpuh Zedekianü ramde Jeremia ki thiyuchihchim thsü, “Atungpuh lale, Shepünü isa rhangdung jihkhea, inü nü müsheshih yungsho nü yimrü mihtsürübo khah ching müjih.”

JEREMIA 4:2

tüsho nüsanü, “Atungpuh lale!” de thiyuro ching, jakmükheahkhi ching, alungki chingnü thiyuchihchimsho, apinü trükshihbo müngühjihbah, tüsho api lung arü müretahbah.

YUZÜNGTHALO 28:66

Nü rhangdung ju nü miki lümtrüp ching labah; nünü animung tüsho are trebah tüsho rhangdung ching mütsanmükhi mülade alabah.

YUZÜNGTHALO 6:13

Nüsanü Atungpuh nüsa Thrünpuh wüntreang, tüsho api tankihang, tüsho api mung ching thiyuchihchim luang.

IBRI 6:16

Mihtsürübonü arü kheaknü atobe hode thiyuchihchim thsüchoh, tüsho arü atsangachih alala ching adüngakhi thsungkheak thiyuchihchim ju arün lah.

1 SAMUEL 1:26

Tüsho alibenü tha, “O, I tungpuh! Nü rhangdung la khiungde, I tungpuh, I ha ching nü miki, Atungpuh kilim tamkhüntamnüde alakhi liberü ah.

1 SAMUEL 17:55

Küyimki Davidnü Goliath azhihde ayükhi Saulnü angükhea, apinü bonungrü limthobuh Abner ki tha, “ Abner, ha shepü tsührü a?” Abnernü tha, “O kiulongthsüpuh, nü rhangdung la khiungde, inü mümükheah.”

1 SAMUEL 20:2

Apinü anihbuh ki tha, “ Ju kheaknü limshuang! Nü müshe. I buhnü I ki müthadüa ato yungsho anini tümü she müthsüchoh; tüsho tümü thsükhi I buhnü ha I kheaknü arampü? Küyimkishe yung!”

1 SAMUEL 20:4

Judüki Jonathannü David ki tha, “Nünü tümüpürü thachonü, inü nü thsungkheak rhimobah.”

1 SAMUEL 25:26

“Jumonü kheakü, I tungpuh, Atungpuh tüsho nü lale, tümütüsho Atungpuhnü thiyih bukpü tüsho nü khahnü royimpü chingnü nü danlodo, kheakü nü riri tüsho sherünü I tungpuh ki amütsü rhimo yimchonü Nabal nangde kamshang.

1 SAMUEL 27:1

Davidnü amulong chingnü tha, “ Kheakü nimung khülang ching I Saul khah hode ku kheambah; I thsungkheaknü Filistiarü lomi ching tsokhide ayüpü kheaknü tümü atsüdakbe müla; jushu Israel lomi ching Saulnü I yimkhi chingnü atuklobah, tüsho I api khah chingnü atsokhibah.”