1 SAMUEL 20:13 - AMÜSÜH HÜM CL Bible (BSI)

¹³ Tüshe I buhnü thsümünimpü lümsho, tüsho inü nü ki thaa muhuhde nü thiyia tsoshihbah tsüde tsokhisho, Atungpuhnü Jonathan kheak alübe she rhimoshang. I buh lung lakhi nangde, Atungpuh nü lung lashang.

1 SAMUEL 20:13 Iomraidhean Croise

2 SAMUEL 19:13

Tüsho Amasa ki thaang, ‘Nü I shih tüsho I thiyih yung de? Jumonü kheakünü rünbah Joab müthri nü I yo bonungrü kurungkheak limthorü müthsüshihsho Thrünpuhnü I kheak alübe she rhimoshang.’ ”

2 SAMUEL 3:35

Judüki mihtsürü alala David ki arübah tümükhüh lang she atsühpü nimungroro tha; tüshe Davidnü thiyuchihchimde tha, “Ani müyüzahchoki inü yikhap yungsho tümükhüh lang she tsühpheansho Thrünpuhnü I kheak alübe she rhimoshang!”

2 SAMUEL 7:15

Tüshe nü mikinü luakhinkhi Saul kheaknü chamachihkhi nangde I amuzho api kheaknü müchamachih.

1 KIULONG THSÜRÜ 1:37

I tungpuh kiulongthsüpuh lung Atungpuh lakhi nangde Api Solomon lung lashang, tüsho api kiulongthsü-binkiu ju I tungpuh kiulongthsüpuh David kiulongthsübinkiu kheaknü atobe lashang.”

1 KIULONG THSÜRÜ 19:2

Judüki Jezebelnü Elija kilim thiyusheak yüshihde tha, “Mürangkhüh shido ha kim ching arü rhangdung nangde inü mürhimoa lasho, thrünpuhbonü I kheak alü she rhimoshang.”

1 KIULONG THSÜRÜ 20:10

Ben-hadadnü api kilim yüshih tüsho tha, “Mürangkhüh Samaria asungthulungnü I yanrü mihtsürübo müyi abansho thrünpuhbonü I kheak alü she rhimoshang.”

1 KIUTHSÜYUKHEAN 22:11

Kheakü, I tsah-a, Atungpuh nü lung lashang, junangde apinü nü ki thakhi nangde, Atungpuh nü Thrünpuh yam akuk ngüde thsang.

1 KIUTHSÜYUKHEAN 22:16

suna, shotoyinchi, müwayinchi, tüsho yinchi thsungkheak lah. Kheakü rhimo tankihang, tüsho Atungpuh nü lung lashang.”

MATHI 28:20

inü nüsa ki thiyukhüm jihkhi alala anipü arü ki thsangyuang; tüsho kheahang, I nüsa lung kamruhroro, lün akheam khiungde alabah.”

FILIPI 4:9

Nüsanü I kheaknü tümü anikhitde, leangkhide, sode tüsho ngüdünü rhimoang; tüsho Thrünpuh mungtsü nüsa lung labah.

JIHUSUA 1:5

Jihusua, nü rhangdung la khiungde shenü nü mazhihkhuk. Mosa lung lakhi nangde I nü lung labah, I lünnü nü lung labah; inü küyimkishe nü mübahyuk.

RUTH 1:17

Nü küching shebanü I she ashebah, tüsho ju ching kiuyuka bahbah. Ashenü lang müchamde inü nü kheaknü bahbah tsosho Atungpuh thsümüchi amütsübe I kheak akihshang!”

1 SAMUEL 10:7

Kheakü küyimki harü amütsanbo nünü ashoruba, nünü tsüde angükhi thsang, tümüde Thrünpuh nü lung lah.

1 SAMUEL 14:47

Küyimki Saulnü Israel kurungkheak kiulongthsü ngükhea, apinü mühirü api riribo alala, Moab, Amon, Edom, Zoba kiulongthsübo, tüsho Filistiarü kheak keochih; kürü ching api yükheanü apinü arübo küpkhuk jih.

1 SAMUEL 17:37

Davidnü tha, “Atungpuh , shepünü kekhüzü tüsho kuto münjak chingnü I khümkhitkheanü apinü ha Filistiabuh khah chingnü I khümkhitbah.” Jumonü Saulnü David ki tha, “Yüang, tüsho Atungpuh nü lung lashang!”

1 SAMUEL 18:12

Saulnü David tre tümüde api lung Atungpuh lakheah tüshe Saul kheaknü a chamkhiabah.

1 SAMUEL 19:3

Inü awukhiukbah tüsho nü jikpung thulu ching I buh rheang ki zhipbah, tüsho inü I buh ki nü dünkheak thabah; inü tümükhüh mükheahsho nü ki thabah.”

1 SAMUEL 20:12

Jonathannü David ki tha, “Israel Thrünpuh, Atungpuh thiyumütsan lah! Küyimki inü shido yungsho zhihdo I buh ki mün akhiukbanü, tüsho apinü David kilim lümkhi tsüsho, inü thiyia arü nü ki müthashihba de?

1 SAMUEL 20:14

I kheaküshe rhangdung lasho, Atungpuh thiyuro amuzho I ki huhang; tüshe I shesho,

1 SAMUEL 25:22

Yapsu mukhiungyide inü jurü athrürübo mülaksahkhama lasho Thrünpuhnü I kheak thsümüchishang!”

1 SAMUEL 3:17

Elinü tha, “ Apinü nü ki tümü thakhea? Ju I kheaknü dümüyim. Apinü nü ki asukkhi tümükhüh I kheak müyimsho Thrünpuhnü nü kheak rhimoshang tüsho alü she rhimoshang.”