1 SAMUEL 2:5 - AMÜSÜH HÜM CL Bible (BSI)

⁵ Sherübo bukthsüde alakheanü arü zangrü tsühyungpü thsungkheak mulomüthsüdo, tüshe sherübo khümde alakheanü abahkhi tsühyungbenü arü shih kihdo. Aniungyüh liberünü thüne zübedo, tüshe tsührü hihde alakhi liberü dütsüpabahdo.

1 SAMUEL 2:5 Iomraidhean Croise

MUNGSHIKHÜN 113:9

Apinü tsührü lakhi asühkhi berü nangde bünkeang berü kilim thüyam lashihchoh. Atungpuh shiang!

MUNGSHIKHÜN 34:10

Kekhüzübo yiuhyiuhde akampü tüsho akhümpü kuklah, tüshe sherünü Atungpuh yimchonü atsü tümü she muzholüm.

ISAIA 33:9

Alonü mitripchoh tüsho thsünüde lah; Lebanon achihdo tüsho yiuhabahchoh; Sharon ju loshelo nangde lah; tüsho Bashan le Karmel kheak sangyübo aniungkhichoh.

ISAIA 54:1

Khün thsang, O bünkeang-berü; khün thsang, tüsho zhiang, nü khungarü müzübebe! Tümüde arhangrü tsührü kheaknü bahyuka lakhi tsührü ahihbe labah, Atungpuhnü thachoh.

JEREMIA 15:9

Alibe shepünü thüne zübekheanü sheabahdo. Animungnü anihbe ni yüzahbah; anihbe achih ngübah tüsho wüntre mülade alabah. Tüsho aningkhi inü arü riri miki nukshang kilim jihbah, Atungpuhnü thachoh.

LUKNÜ ATHRÜTKHI THIYUSHEAK-ATSÜ HUHTANYU 1:53

Apinü khümde alarü atsübonü bukthsüshih, tüsho alarü khah keangkeang tsoshih.

LUKNÜ ATHRÜTKHI THIYUSHEAK-ATSÜ HUHTANYU 16:25

Tüshe Abrahamnü alo, ‘I tsah-a, nü rhangdung atsü ngüdo tüsho Lazar amütsü ngüdo de lümkhitang, tüshe kheakü ha ching sühakhimde lah tüsho nü a thsümüchi ching lah.

GALATIA 4:27

Tümüde ha thrüta lah, “Asühang, O tsührü mülabe bünkeangberü; nü shepü tsührü zübe-thsünü ching mülanü asühde zhiang; tümüde arhangberü tsührü kheaknü a abahyukkhi liberü tsührü ahihbe lah.”

RUTH 4:15

Apinü nü rhangdung reangzahloshihbah tüsho ashinshu nü mütrübah. Tümüde nü tsühmeakbe shepü nünü muzhocho tüsho shepü tsührü athrürü thüne kheaknü atsübeanü, anihbenü api zübejih.”

1 SAMUEL 1:20

Kim dükdü ching Hanna mübünkeangde kam tüsho athrürü khülang zübejih. Anihbenü api mung Samuel de ji, tümüde alibenü tha, “Inü api thsungkheak Atungpuh ki kheangkheah.”

1 SAMUEL 1:6

Anihbe azhihbenü amulong zhipzhipshihpü müneah, tümütüsho Atungpuhnü alibe nuyam yihdoabahjih.