1 SAMUEL 2:4 - AMÜSÜH HÜM CL Bible (BSI)

⁴ Wuto sanglühbo zhakabahdo, tüshe sühmüh mülarübo reangzahchoh.

1 SAMUEL 2:4 Iomraidhean Croise

MUNGSHIKHÜN 18:39

Tümüde nünü thirithsü thsungkheak sühmühnü I züt thsüjih; I azhihde wusurü nünü I khüp juyuk.

MUNGSHIKHÜN 37:15

Arü nukshangbo arü mulong ching yüzahbah, tüsho arü sanglühbo zhakbah.

MUNGSHIKHÜN 37:17

tümüde mihbukmuyuk binbo zhakbah, tüshe Atungpuhnü thiyuro-lungkirü tholochoh.

MUNGSHIKHÜN 46:10

Zhikde laang, tüsho I Thrünpuh ah de mükheahang; trükshih bolung I shuhkihbah, alomi ching I shuhkihbah!

MUNGSHIKHÜN 46:9

Apinü alomiküp alala ching thirithsü tukloshihchoh; apinü sanglüh yihshakchoh, thsühbo thsümünimchoh tüsho monü tsungbo takchoh.

MUNGSHIKHÜN 76:3

Apinü ju ching aphürapkhi hühzobo, thirithsü tsung tüsho nukshang yihshak.

ISAIA 10:4

Nüsa keochih ching laksahbah yungsho aramrü nangde thobah ayübah. Ha alala thsungkheak api bukakhiukkhi rholode mutso; api khah kheakü khiungde chungkih-a lah.

ISAIA 40:29

Apinü sühkeakearü kilim wu jihchoh, tüsho sühmüh mülarü reangzahshihchoh.

JEREMIA 37:10

Nüsanü nüsa bede keochihrü Kaldearü bonungrü alala kukkuk she tüsho arü khimyambo ching yurirü lang aninga lalashe, arünü asürübah tüsho ha kiuto monü atakbah.

JEREMIA 51:56

tümüde athsümünimrü khülang Babilon azhihde arüdo; anihbe thirithsürübo luabahdo, arü sanglühbo zhaka lah; tümüde Atungpuh ju ashaklo Thrünpuh ah, apinü mide ajihlobah.

2 KORINT 12:9

Tüshe apinü I ki tha, “Nü thsungkheaknü I amüthsüm suhdahde lah, tümüde reangmüzahkhi ching I wu khiukdahde kamshihdo.” I reangmüzahkhi dünkheak inü alü asühde kükheangbah, junangde Khrista wu I kheak labah.

EFISIA 6:14

Jumonü thiyuronü nü chim rümang, tüsho thiyuro-lungki treangkhümbe yukbah zhipang,

FILIPI 4:13

I sühmüh jihbuh hode inü lüpdükhi thsükhuklah.

IBRI 11:32

Tüsho kheaküshe inü tümü thaba? Inü Gideon, Barak, Samson, Jephtha, David, Samuel tüsho wukihrübo dünkheak thapü kim müla,

IBRI 11:34

mo aniukhi zünmüt, nukshang chingnü tsokhi, yiuhyiuhde sühmüh lakhi kuk, thirithsü ching thrungde kam, khiungkerü thiriribo alihde tsoshih.