1 SAMUEL 2:35 - AMÜSÜH HÜM CL Bible (BSI)

³⁵ Inü I thsungkheak athülünkhi amükeamrü khülang mokhitbah, apinü I mulong ching tüsho I lümkhi ching lakhi yande arhimobah. Inü api kilim amütsankhi thüyam thsüjihbah, tüsho apinü lünnü inü amüsühkhitkhi miki tsahbah.

1 SAMUEL 2:35 Iomraidhean Croise

2 SAMUEL 7:11

inü I mihtsürübo Israel kurungkheak mahkhaprübo mokhitkhi kim chingnü; tüsho inü nü nüsa riri alala kheaknü sühakhimshihbah. Junangde Atungpuhnü nü kilim thüyam khülang thsüjihbah de khipkhitchoh.

2 SAMUEL 7:27

Tümüde, O Wuto Atungpuh , Israel Thrünpuh nünü ha nü yamlarü ki amikheak akhiukde tha, ‘Inü nü khilim thüyam khülang thsüjihbah’; jumonü nü yamlarünü ha nü ki tamkhüntamnüpü mulong ato thsüdo.

1 KIULONG THSÜRÜ 1:45

amükeambuh Zadok tüsho wukihbuh Nathan anenü api kiulongthsürü thsüpü Gihon ching mujudemokhitdo; tüsho ju chingnü arübo asühachihde wutudo, jumonü kiuto ju alanajikhi ching lah.

1 KIULONG THSÜRÜ 1:8

Tüshe amükeambuh Zadok tüsho Jehoiada tsührü Benaia, tüsho wukihrü Nathan, Shimei, Rei tüsho David bonungrübonü Adonija kilim murung.

1 KIULONG THSÜRÜ 11:38

Nünü I yukhüm alala anide, I limrobo ching tsahsho, tüsho I yamlarü Davidnü arhimokhi nangde, I yakzanbo tüsho I yukhümbo anide I miki alungki rhimosho, I nü lung labah, tüsho inü David khilim thsüjihkhi nangde nü khilim atsüpbe yam thsüjihbah, tüsho inü nü kilim Israel jihbah.

1 KIULONG THSÜRÜ 2:35

Api müthri kiulongthsüpuhnü Jehoiada tsührü Benaia ju bonungrü kurungkheak yüzahshih, tüsho kiulongthsüpuhnü Abiathar müthri amükeambuh Zadok yüzahshih.

1 KIUTHSÜYUKHEAN 29:22

tüsho ju nimung arünü tode asühachihde Atungpuh miki tsühyung. Arünü mahnepü ching David tsührü Solomon kiulongthsürü kamshih; tüsho arünü Atungpuh miki api yakzanshuhrü tüsho Zadok amükeamrü thsüpü mujude-mokhit.

MUNGSHIKHÜN 18:50

Api kiulongthsürü kilim apinü abekhitkhi ato jihchoh, tüsho api yo mujude-mokhitkhi David, tüsho anihbuh tsühsoniusobo ki lünnü amüthsüm huhchoh.

MUNGSHIKHÜN 2:2

Alomi kiulongthsürübonü arü jing jungpung thsüa luchoh, yakzanshuhrübonü Atungpuh , tüsho apinü mujude-mokhitkhi kiulongthsürü azhihde rukhüh lümkhi asahde thachoh,

ABEKHIT 1:21

Zübe-mütrürübonü Thrünpuh trekhinü, apinü arü kilim nihbe yamkhünrübo jih.

EZEKIEL 34:23

Inü arü kurungkheak namfimihnu neakrü, I yamlarü David zojihbah, tüsho apinü arü yimkipbah: apinü arü yimkipbah tüsho arü namfimihnu neakrü thsübah.

WÜHKHE 25:13

tüsho ha api le anihbuh tsühsoniuso kheak akheam mülakhi amükeam trük thsüpü tangzüngkhi labah, tümütüsho apinü nihbuh Thrünpuh thsungkheak mulongkhit, tüsho Israel mihtsürü thsungkheaknü dünthsükhijih.’ ”

IBRI 2:17

Jumonü mihtsürübo neak dün shaklopü thsüde, api ju mihmüthsüm tüsho Thrünpuh tankihpü ching thiyuro achangbe amükeamrü kampü lüpdükhi ching keoniorübo nangde apinü kam.

1 SAMUEL 10:10

Küyimki arü ju chingnü Gibeath lim yüde alakhea, wukihrü boto khülangnü api shoru; tüsho Thrünpuh me api kheak la, tüsho api she arü bolung müchitmudude kam.

1 SAMUEL 10:9

Api Samuel bahbah anguhchoki, Thrünpuhnü api kilim mulong püpü jih; tüsho amütsan harü alala ju nimung dünjikham.

1 SAMUEL 12:3

I ha ching lah; Atungpuh tüsho mujude-mokhitbuh miki I azhihde thiyumütsan jihang. Inü shepü lude? Yungsho shepü donki inü lude? Yungsho inü shepü kheak mulomülap de? Shepü kheak junokhi rhimode? Yungsho I mük tukpü thsüde shepü khah chingnü inü buknim lude? I azhihde thiyumütsan jihang tüsho ju inü nüsa kilim shaklobah.”

1 SAMUEL 16:13

Judüki Samuelnü oliv müdangke pung lu, tüsho akhiungmungrü mikinü api mujude-mokhit; tüsho ju nimungnü Atungpuh me ju wu chingnü David kheak arü. Jushu Samuelnü tsahmusu tüsho Rama lim yü.

1 SAMUEL 2:36

Nü yamkhün ching aninga larübonü shotoyinchi kheam yungsho yikhap kheangde api ki mushude arübah, tüsho athabah, Muzhobah amükeamrü rhimo ching I yüzahshang, junangde inü yikhapkheam tsühanü.’ ”

1 SAMUEL 25:28

Muzhobah nü yamlaberünü alakmihkhi neak bahjang; tümüde Atungpuhnü tsükjide I tungpuh kiulongthsürü kamshihbah, tümütüsho I tungpuhnü Atungpuh thirithsü keochihchoh; tüsho nü lakhi amuyung nü kheak amütsü rhimo müngü.

1 SAMUEL 3:1

Kheakü azübuh Samuel Eli bukkhüp Atungpuh tankihde alakheah. Judüki Atungpuh yusheak nükde alakheah; tüsho michihbo mubuyi.

1 SAMUEL 7:9

Jumonü Samuelnü namfimihnunu lubah Atungpuh kilim abümnü taka kingaün; Samuelnü Israel thsungkheak Atungpuh ki zhi, tüsho Atungpuhnü api ki alojih.

1 SAMUEL 8:3

Tütüshe atsührübonü api ru müyan, tüshe alü thsüpü lim anguhabah; arünü buknim lu tüsho thiyuro thsungphülap.

1 SAMUEL 9:12

Arünü alo, “ Am, ju ching api nüsa müngüh lah. Niokheamang; api kheakü lang kiuto ching arüdo, tümütüsho khihni mihtsürübo kingaün sadam kheak laksah-a kingaünpü lah.

1 SAMUEL 9:13

Nüke kiuto ching yüzah akede, kingaün sadam lim yimtsüh muwutuyide api ngübah. Tümüde api marüchokia mihtsürübonü mütsüh, tümütüsho apinü laksah-a kingaünkhi ju müngühjihbeah; ju dunglim sherübo jiyuka lanü arübonü atsühbah. Kheakü wutuang, tümüde nükenü api nahde ashorubah.”