1 SAMUEL 2:30 - AMÜSÜH HÜM CL Bible (BSI)

³⁰ Jumonü Atungpuh Israel Thrünpuhnü thachoh: ‘Nü yamkhün tüsho nüsa jipürü yamkhün lünnü I miki yüzahbah tüsho awukhiukbah de inü thiyuchihchim thsü’; tüshe kheakü Atungpuhnü thachoh: ‘I kheaknü limshuabahang; tümüde shepünü I wüntrecho inü wüntrebah, tüsho shepünü I khenochonü junode arhimobah.

1 SAMUEL 2:30 Iomraidhean Croise

1 KIULONG THSÜRÜ 11:11

Jumonü Atungpuhnü Solomon ki tha, “Tümütüsho nünü ha rhimodo tüsho inü nü ki thiyukhüm jihkhi I tangzüngkhi tüsho I yakzanbo mani, tsükjide inü nü kiulongthsü nü kheaknü thorüpbah tüsho nü yamlarü kilim jihbah.

1 KIULONG THSÜRÜ 2:27

Jumonü Solomonnü Abiathar ju Atungpuh amükeamrü chingnü yana tsoshih, junü Atungpuhnü Shilo ching Eli yamkhün dünkheak thakhi yu dünjishih.

1 KIUTHSÜYUKHEAN 17:18

Tüsho nü yamlarü ki wüntre jihkhi thsungkheak Davidnü nü ki tümü thakhukba? Nünü nü yamlarü mükheahlah.

2 KIUTHSÜYUKHEAN 15:2

Apinü Asa shorupü wukhiuk, tüsho api ki tha, “I ki aniang, Asa, tüsho Juda alala tüsho Benjamin: Atungpuh nüsa lung lah, nüsa api lung lah. Nüsanü api yimsho, nüsanü api ngübah, tüshe nüsanü api bahyuksho, apinü nüsa bahyukbah.

2 KIUTHSÜYUKHEAN 26:18

arünü kiulongthsüpuh Uzzia azhihde zhip, tüsho api ki tha, “Uzzia, Atungpuh kilim nünü kingaünpü yung, tüshe kingaün jihpü müsühkhitkhi Aron tsühsoniusobo amükeamrübo thsungkheak ah. Arüngakopung chingnü wukhiukang; tümüde nünü amülim rhimodo, tüsho Atungpuh Thrünpuh kilimnü nü kilim tümü akinashu lude marü.”

MUNGSHIKHÜN 18:20

I thiyuro-lungki yande Atungpuhnü I kilim thsambah jih; I khahbo müsühkhi yande apinü I müngühjih.

MUNGSHIKHÜN 18:26

atsangkhitrü ki nünü tsangkhitde huhchoh; mihbukmuyuk ki nünü lungkhangchoh.

MUNGSHIKHÜN 50:23

shepünü makshe-jihkhi kingaün shuhmülanga hande arüchonü I wüntrechoh; alungki limro ching yürü ki inü Thrünpuh akhümkhit huhbah.

MUNGSHIKHÜN 73:20

Khürü asürüchoki milim khülang nangde, jumonü Atungpuh , küyimki nü asürübanü arübo kheamabahbah.

MUNGSHIKHÜN 91:14

Tümütüsho apinü nihbuh amuzho I kheak zo, jumonü inü api bekhitbah; inü api achang kheak lashihbah, tümütüsho apinü I mung mükheahdo.

MUNGSHIKHÜN 91:15

Apinü I ki jibah, tüsho inü api ki alobah; küpkhuk ching I api lung labah; inü api bekhitbah tüsho api wüntrebah.

ABEKHIT 28:43

Aron le api tsührübonü arü ashorupung khimyam ching yüzahchoki yungsho amüsüh dangpung ching tankihpü kingaün sadam ki yüchoki jurü yihbah, junangde arünü amülim müthsü tüsho müshe. Ha lünnü Aron tüsho api tsühsoniuso thsungkheak thiyuzüng labah.

ABEKHIT 29:9

tüsho arü ku kheak kuthran thranjang. Aron le atsührübo kheak chimrümbe rümjang. Amükeamrü thsüpü ju lünnü arü yo thsüpü thiyuzüng labah.

MÜCHITMUDU 12:8

Mihtsürü ju api lümlung ayannü shijihchoh, tüshe lüm amütsü mihtsürü a khenoabahchoh.

MÜCHITMUDU 4:8

Anihbe shuhkihang, tüsho anihbenü nü shuhkihbah; nünü anihbe kheak kapkihchoki, anihbenü nü kilim wüntrepü hande arübah.

MÜCHITMUDU 8:17

Sherünü I muzhochonü inü muzhochoh, tüsho sherünü düshihde I yimchonü I ngübah.

ISAIA 29:13

Atungpuhnü tha: Tümütüsho harü mihtsürünü arü münnü phünide arüchoh tüsho arü münküpnü I wüntrechoh, tüshe arü mulong a I kheaknü limshulah, tüsho arü kingaünkhi ju mihtsürü yukhüm lümkangyunü anikhitkhi lah;

JEREMIA 29:32

jumonü Atungpuhnü ha thachoh: Inü Nehelamrü Shemaia tüsho api tsühsoniusobo thsümüchipü thsüchoh; inü I mihtsürü ki atsü rhimopü lakhi kheahpü thsüde ha mihtsürü bolung api a sheshe alapü yung, Atungpuhnü thachoh, tümüde apinü Atungpuh azhihde asukdo.

JEREMIA 49:15

Tümüde inü nü trükshih bolung aninibe kamshihde, mihtsürünü mükhemükimshihbah.

EZEKIEL 34:10

Atungpuh Thrünpuhnü ha thachoh, Inü namfimihnu neakrübo azhihde lah; tüsho inü I yo namfimihnubo arü khah chingnü akheangbah, tüsho arü namfimihnu yimkipkhi chingnü tukloshihbah; namfimihnu neakrünü kheaküa mütsüh. Inü arü mün chingnü I yo namfimihnubo khümkhitbah, junangde arübo ju arü thsungkheak jim müthsü.

DANIEL 4:34

Küyimki ju kim hokhea, I Nebukednezarnü yinmi lim abinkih-a kheah, tüsho I lümlung I kilim alodarü. Inü Khide Achangbuh müngühjih tüsho shijih tüsho lünnü alabuh wüntre jih. Tümüde api yakzan shuhkhi ju akheam müla yakzan shuhkhi lah, tüsho api kiulongthsü ju lün chingnü lün lachoh.

MALAKI 1:6

Tsührü khülangnü abuh, tüsho yamlarübonü arü putungrü wüntrechoh. Dale I abuh a sho, I ki wüntre jihkhi küching la? I aputungrü a sho, I akin jihkhi küching la? Wuto Atungpuhnü nüsa ki thachoh, O I mung mükhemürangkhi amükeamrübo. Nüsanü thachoh, “ Küde thsah isanü nü mung mükhemürangkhea?”

MALAKI 2:3

Inü nüsa tsührübo thürühbah, tüsho nüsa mirobo kheak nüsanü kingaünkhibo khih hiukihjihbah, tüsho nüsa ju inü I mikinü yankhita bahbah.

WÜHKHE 11:20

tüshe khinu khülang amuyung, nüsa mulongmüngüm arüde tüsho mumukhiukyi khiungde atsühbah, tümütüsho nüsa bolung lakhi Atungpuh nüsanü bahyukdo tüsho api ki tripde tha, ‘ Isa tümü thsüpü Ijip chingnü akhiukkheaki?’ ”

WÜHKHE 35:34

Jumonü nüsa lapung lo küpü ching I lanü ju dümünean; tümüde I Atungpuh Israel mihtsürü lung lah.

JOHAN 12:26

Khürünü I tankihsho, apinü I dunglim yanshang; tüsho I küching labanü I tankihrü she ju ching labah. Khürünü I tankihsho, I Buhnü api wüntre jihbah.

JOHAN 5:23

junangde arünü Abuh wüntre jihkhi nangde alalanü atsührü wüntre jihbah. Shepünü atsührü wüntre müjihbanü api thiyibuh Abuh wüntre müjihchoh.

JOHAN 5:44

Nüsa khülangnü khülang wüntre luachihchoh tüshe Thrünpuh kilimnü arükhi wüntre müyimde nüsanü küde thsah akinpü?

JOHAN 8:49

Jisunü alo, “I a amünean me müla; tüshe inü I Buh wüntre jihchoh, tüsho nüsanü I wüntre müjih.

1 KORINT 4:5

Jumonü kim mukhiungyide tümü thiyudükhap; Atungpuh arükhi khiungde aleangang. Amiting ching rama lakhi apinü ayin ching hande arübah tüsho mihtsürü mulongbo lahkhitbah. Ju kim ching mihbüm aban nihbuh mungshi Thrünpuh kilimnü aleangkhibah.

1 PETER 1:7

junangde Jisu Khrista amikheak akhiukchoki nüsa akin ju dükheakabahbe suna monü thsahakheahkhi kheaknü alü shoto mungshi, müretah tüsho wüntre ngübah.

MAHKHAPRÜ 9:10

Tüsho sangdungbonü khubasodung ki tha, ‘Nü arang, tüsho isa kurungkheak kiulongthsüang.’