1 SAMUEL 2:3 - AMÜSÜH HÜM CL Bible (BSI)

³ Khide kükheangde thiyu dütha, akükheang yu nü mün chingnü dakhiukshih; tümüde Atungpuh ju mükheahmudu Thrünpuh ah, tüsho apinü rhimobo adünchoh.

1 SAMUEL 2:3 Iomraidhean Croise

1 KIULONG THSÜRÜ 8:39

judüki nü lapung yinmi chingnü sojang, neak bahjang, rhimoang, tüsho nünü mulong mükheahkhi alala ki arü thülünkhi ayannü rungang, tümüde mihtsürü mulong abande tümü lanü nünü lang mükheahlah,

JOB HU H T ANYU 31:6

thiyuro-akearapung ching I adüna kheahang, tüsho I lungkikhi Thrünpuh nü mükheahshang!

MUNGSHIKHÜN 147:5

Isa Tungpuh ju ato, tüsho wu ching tolah; api anikhitkhi makebin.

MUNGSHIKHÜN 17:10

Arü kheak mihmuzho müla tüsho kükheangde asukchoh.

MUNGSHIKHÜN 31:18

Arünü kükheangde tüsho bahyukde thiyuro-lungkirü azhihde asukkhi dünkheak arü keangtha münküp zhikde kamshang.

MUNGSHIKHÜN 44:21

Thrünpuhnü ju müyimkhitba de? Tümüde apinü mulong ching rama lakhi mükheahlah.

MUNGSHIKHÜN 75:5

Nü juh achang kheak düshuhkih; hung chungthülangde dasuk.’ ”

MUNGSHIKHÜN 94:4

Arünü lülüshishi yubo thakhitchoh; amütsü rhimorü alala akükheangnü milah.

MÜCHITMUDU 16:2

Mihtsürü limro alala nihbuh mük ki atsangkhit lah, tüshe Atungpuhnü lümkhibo adünchoh.

MÜCHITMUDU 24:12

“Tsükjide isanü ha mümükheah,” de nüsanü thasho, shepünü mulongbo adünchonü lümamükheahba de? Shepünü nü me aheangchonü ju mümükheah de? Mihtsürü aban nihbuh rhimo ayannü apinü mathrihloba de?

MÜCHITMUDU 8:13

Atungpuh trekhi ju amütsü thraneanpü ah; lülüshishi le akükheang tüsho amütsü limro le mülapmüji mün inü thraneanlah.

ISAIA 26:7

Thiyuro-lungki limro arihlah; O Thiyuro labuh Khülang, nünü thiyuro-lungki limro arihde kamshih.

ISAIA 37:23

Nünü she kheak keangrümünekhea tüsho mükhemürangkhea? She azhihde nü düsheak zhikhea tüsho lülüshishide nü mük züngkihkhea? Amüsüh Israel Thrünpuh azhihde ah!

JEREMIA 17:10

I Atungpuhnü alala kilim arü limrobo ayannü, arü rhimobo ayannü ajihpü rükakichoh tüsho mulong yimchoh.

EZEKIEL 35:13

Tüsho nünü I azhihde nü münnü nü küdah thsüde kükheanga lu, tüsho I azhihde nü yubo alü kamshih; inü ju sodo.

DANIEL 4:37

Kheakü I, Nebukednezarnü yinmi kiulongthsüpuh shijih, wüntre jih tüsho müretahshih; tümüde api rhimobo alala alim tüsho api limrobo thiyuro; tüsho kükheangde atsahrü apinü thokheamkhuklah.

DANIEL 5:27

T E K E L, adünarabe kheak nü adünakheahdo tüsho mukhiukde ngüdo;

MALAKI 3:13

Nüsanü I azhihde thiyu amüküp asukdo, Atungpuhnü thachoh. Tütüshe nüsanü thachoh, “ Küde thsah isanü nü azhihde asukkhea?”

IBRI 4:12

Tümüde Thrünpuh yu ju arhang tüsho adukathri, khülim khülim ahüyuk nukshang kheaknü ayukbe, rhangdung le me chamnakkhi tüsho amüchinbo le khiuk khiungde achinkhitkhi, tüsho lümkhibo le mulong ching lümkhibo mütsankhitbe lah.

JIHUSUA 22:22

“Atungpuh ju thrünpuhbo kurungkheak Thrünpuh! Atungpuh ju thrünpuhbo kurungkheak Thrünpuh! Apinü mükheahlah; tüsho Israelrünü she mükheahshihnelah! Ha Atungpuh azhihde api kheak akin mülaa lasho, khihni isa dülashih!

AMIKHEAKAKHIUKKHI 2:23

tüsho inü anihbe tsührübo shika sheshihbah. Tüsho borübo alalanü lümkhi tüsho mulong yimbuh ju I ah de amükheahbah, tüsho inü nüsa aban kilim rhimobonü athülünkhi jihbah.

MAHKHAPRÜ 9:38

Judüki Zebulnü api ki tha, “ Atsütsü nü yu tode athakhi küching la, ‘Isanü api tankihpü thsüde Abimelek ju shepü a?’ Harü mihtsürü ha nünü ajunokhi yung de? Nünü lümsho wukhiukang, tüsho kheakü arü bede keochihang.”

1 SAMUEL 16:7

Tüshe Atungpuhnü Samuel ki tha, “ Api jak-ku yungsho trungdung dükheah, tümütüsho inü api bahyukdo, tümüde mihtsürünü akheahkhi nangde Atungpuhnü mükheah; mihtsürünü aleanglim kheahchoh, tüshe Atungpuhnü mulong kheahchoh.”