1 SAMUEL 2:1 - AMÜSÜH HÜM CL Bible (BSI)

¹ Hannanü tamkhüntamnü tüsho tha, “I mulongnü Atungpuh lung asühchoh; I sühmüh Atungpuh lung shuhkihdo. Inü I riri ki münejihchoh, tümütüsho inü akukkhi ching I asühchoh. @SP ACE=

1 SAMUEL 2:1 Iomraidhean Croise

2 KIUTHSÜYUKHEAN 20:27

Jushu Judarü tüsho Jirusalem mihtsürü alala Jehoshaphatnü akuthsübah Jirusalem lim asühde alode yü, tümüde Atungpuhnü arübo arü riri kurungkheak asühachihshih.

NEHEMIA 11:17

Asaph kheaknü atrükkhitkhi, Zabdi tsührü Mika tsührü Mattania. Apinü arüngyam khün thsürü boto makshe-tamkhüntamnü khün thsükhi ching be. Mattania rungbuh ju Bakbukia. Jeduthun kheaknü atrükkhitkhi Galal tsührü Shammua tsührü Abda.

JOB HU H T ANYU 16:15

Inü I küp kheak shungliukhim thürekih, tüsho I ku asungthulung ching yap.

MUNGSHIKHÜN 118:14

Atungpuh ju I sühmüh tüsho I khün, tüsho api I akhümkhit kamdo.

MUNGSHIKHÜN 13:5

Tüshe inü nü amüthsüm ching kinchoh; I mulongnü nü akhümkhit ching asühchoh.

MUNGSHIKHÜN 148:14

Tüsho apinü api mihtsürü juh shuhkihdo, api amüsührü alalanü ashijihkhi– api thüninde alakhi mihtsürü, Israel tsührübo. Atungpuh shiang!

MUNGSHIKHÜN 18:2

Atungpuh ju I lungto, I chipi tüsho I bekhitrü, I Thrünpuh, I sühmüh, shepü kheak I tsoyukcho, I tsung, tüsho I akhümkhit juh, I chipi.

MUNGSHIKHÜN 20:5

Nü khümkhitkhi ching isanü asühachihbah, tüsho isa Thrünpuh mung ching isanü isa riphin khimbah! Atungpuhnü nünü amushukhi alala akuk ngüshang.

MUNGSHIKHÜN 21:2

Api mulongnü akünkhi nünü api kilim jih, tüsho apinü mushukhi nünü alojih.

MUNGSHIKHÜN 35:9

Judüki I menü Atungpuh lung asühachihbah, tüsho api akhümkhit ching asühbah.

MUNGSHIKHÜN 51:15

O Atungpuh , I münküp khimshuhjang, tüsho inü nü shibah.

MUNGSHIKHÜN 71:8

Nimung amuyung nü shikhi tüsho nü müretahnü I mün mishang.

MUNGSHIKHÜN 75:10

Mihbukmuyuk juhbo alala inü alipshakbah, tüshe thiyuro-lungkirü juhbo shuhkihbah.

MUNGSHIKHÜN 89:17

Tümüde nü a isa sühmüh müretahkhi lah, tüsho nü muzho ching nünü isa akuk ngüshih.

MUNGSHIKHÜN 89:18

Tümüde isa tsung ju Atungpuh yo ah, tüsho isa kiulongthsüpuh Israel Amüsüh Khülang kilim lah.

MUNGSHIKHÜN 89:24

Tüshe I thiyuro tüsho I mihmüthsüm api lung labah, tüsho kamruhroro inü api akuk ngüshihbah.

MUNGSHIKHÜN 9:14

junangde Zion tsührübebo miki inü zhipbah nü mung shikhi thabah, tüsho nü akhümkhit ching asühachihbah.

MUNGSHIKHÜN 92:10

Tüshe nünü I mütüm moshipung nangde sühmüh lade kamshih; müdangke asonü I mujude-müsühkhit.

ABEKHIT 15:1

Judüki Mosa tüsho Israelrünü ha khün thsü, “Inü Atungpuh ki khün thsübah tümüde apinü müretahde akuk ngüdo; khora tüsho api kheak binrü keto ching jipa yüzahshih.

ABEKHIT 15:21

Tüsho Mariamnü arü ki khün thsü: “Atungpuh ki khün thsang, tümüde apinü müretahde kukdo; khora tüsho aberü apinü keto ching jipyuk.”

HABAKKUK 3:1

Wukihbuh Habakkuknü Shigionoth bede tamkhüntamnükhi.

HABAKKUK 3:18

tütüshe inü Atungpuh lung asühachihbah; inü I khümkhitrü Thrünpuh lung tode asühbah.

LUKNÜ ATHRÜTKHI THIYUSHEAK-ATSÜ HUHTANYU 1:69

tüsho api yamlarü David yam ching apinü isa thsungkheak akhümkhit juh shuhkih,

ROMRÜ KILIM PAULNÜ ATHRÜTKHI KIHÜM HUHTANYU 5:11

Ju lang yung, tüshe shepü hode kheakü isa tsüarihkhi leangkhia la, isa Atungpuh Jisu Khrista hode Thrünpuh lung she isa asühachihchoh.

YUZÜNGTHALO 33:17

Api müretahkhi ju akhuh adrekhi moshipung kiphahlah, api juh ju mütüm moshipung kiphahlah; jurünü alomi akheam alala khiungde apinü trükshihbo khubah; Ephraimrü chithürü thürübo tüsho Manaserü chithürübo.” @SP ACE=

FILIPI 3:3

Tümüde isa ju me ching Thrünpuh kingaünrü, Jisu Khrista ching müretahrü, tüsho shih ching mulongram mülakhi thiyuro tsütabahkhi lah.

FILIPI 4:4

Atungpuh lung kamruhroro asühang; inü thalochoh, asühang.

FILIPI 4:6

Tümü thsungkheak she mulong düsansan, tüshe lüpdükhi ching tamkhüntamnüde tüsho makshe jihde amushukhibo Thrünpuh ki mükheahshang.

1 PETER 1:8

Api müngüngü she nüsanü api muzhochoh; api müngüngü she nüsanü api kheak kinchoh tüsho müthakhukbe asühachihchoh.

AMIKHEAKAKHIUKKHI 18:20

Anihbe kurungkheak asühachihang, O yinmi, O amüsührübo, amüsüh-thsangyurübo tüsho wukihrübo, tümüde Thrünpuhnü nüsa dünkheak anihbe azhihde mahkhapdo!

1 SAMUEL 1:6

Anihbe azhihbenü amulong zhipzhipshihpü müneah, tümütüsho Atungpuhnü alibe nuyam yihdoabahjih.

1 SAMUEL 1:7

Junangde kam abande dünjide yü; alibe Atungpuh yam ching wutu abande anihbe müneahde la. Jumonü Hannanü trip tüsho müyimtsüh.