1 SAMUEL 19:1 - AMÜSÜH HÜM CL Bible (BSI)

¹ Saulnü atsührü Jonathan tüsho ayamlarü alala ki David laksahpü dünkheak tha. Tüshe Saul tsührü Jonathannü David kheak khide asühde alakheah.

1 SAMUEL 19:1 Iomraidhean Croise

THRÜNTAN 37:18

Küyimki api limshu ching arüde arünü angükhea, arü ki api thüninde marüyide arünü api laksahpü rük asah.

2 SAMUEL 4:8

Anenü Ishboshet ku Hebron ching David kilim hande arü tüsho kiulongthsüpuh ki tha, “Nü rhangdung yimbuh nü riri, Saul tsührü Ishboshet ku lah; khihni Atungpuhnü Saul tüsho api tsührü kheak I tungpuh kiulongthsüpuh royimjihdo.”

1 SAMUEL 18:1

Küyimki Davidnü Saul ki asukachihkhamkhea, Jonathan menü David me kheak lümshede kam, tüsho Jonathannü nihbuh me nangde api muzho.

1 SAMUEL 18:25

Judüki Saulnü tha, “Nüsanü David ki ha thaang, ‘ Kiulongthsüpuhnü yihlukhi dünkheak tümü mulune tüshe Filistiarü küp 100 lang lunelah, junangde apinü kiulongthsüpuh riri kheak royimbah.’ ” Kheakü Saulnü David ju Filistiarü khah hode akeamshihpü lümkhi thsü.

1 SAMUEL 18:3

Judüki Jonathannü David kheak tangzüng khülang thsü, tümütüsho anihbuh me nangde api muzho.

1 SAMUEL 18:8

Saulnü khide bukakhiuk, tümüde ha thakhinü api masühde kam. Apinü tha, “ Arünü David ki chithürü thürübo tha, tüsho I ki chithürübo tha; arünü api ju kiulongthsürü kamshihpü thsüchoh!”

1 SAMUEL 18:9

Jumonü Saulnü David kheak ju nimungnü mükthsüde kam.

1 SAMUEL 19:2

Jonathannü David ki tha, “I buh Saulnü nü laksahpü yimchoh; jumonü shido yapsu rhüngrhüngang; asük ching jikabahang.

1 SAMUEL 20:1

David a Rama ching lakhi Naioth chingnü shande tso. Apinü Jonathan miki arübah tha, “Inü tümü rhimoa la? I amülim tümü a? Tüsho nü buhnü I rhangdung lupü mürangpü thsüde inü api azhihkhi neak tümü a?”

1 SAMUEL 20:19

Zhihdo, nü limro ashang ching yükibah; nü jikpü lakhi dangpung ching nahde yüang, tüsho ju ching lung-mutrung mubuhbah binang.