1 SAMUEL 18:8 - AMÜSÜH HÜM CL Bible (BSI)

⁸ Saulnü khide bukakhiuk, tümüde ha thakhinü api masühde kam. Apinü tha, “ Arünü David ki chithürü thürübo tha, tüsho I ki chithürübo tha; arünü api ju kiulongthsürü kamshihpü thsüchoh!”

1 SAMUEL 18:8 Iomraidhean Croise

THRÜNTAN 37:11

Akhiung pürübonü api lungkhang, tüshe ju dünkheak abuhnü lüm ching zo.

THRÜNTAN 37:8

Akhiung pürünü api ki tha, “Nünü isa kurungkheak kiulongthsüpü? Yungsho nünü isa kurungkheak yakzan shuhpü?” Jumonü api milimbo tüsho api yubo dünkheaknü arünü alü api mükheahnede kam.

1 KIULONG THSÜRÜ 2:22

Kiulongthsüpuh Solomonnü abe ki alo, “Tümüde Shunamrü Abishag ju Adonija thsungkheak nünü keokhicho? Api thsungkheaknü kiulongthsü she keokhiang! Tümüde api I khiung azopü ah; api thsungkheak lang dükeo tüshe amükeambuh Abiathar tüsho Zeruia tsührü Joab thsungkheak she keokhiang!”

ESTER 3:5

Mordekainü amiki mukhukningkhi dünkheak Haman abukakhiuk,

MÜCHITMUDU 13:10

Lülüshishikhinü rukachihpü lang akhiukshihchoh, tüshe tsüde thsangdankhi ju lümlung ah.

MÜCHITMUDU 27:4

Bukmükekhi ju yihkhro tüsho bukakhiukkhi ju düchi, tüshe shepünü mükthsükhi müngüh zhipkhukba?

T H S AN GYU T H S AN GR ARÜ 4:4

Kheaküshe rhimokhi alala tüsho rhimo ching yeanzamkhi ha mihtsürü khülangnü püpürü ki mükthsükhi hode arüchoh de inü ngüdo. Ha she akeangkeang tüsho apung dunglim müshamchoh.

WÜHKHE 11:1

Tüsho mihtsürübonü arü küpkhukkhi dünkheak Atungpuhnü sode dapdapneangneang; tüsho küyimki Atungpuhnü asokhea, api bukakhiuk tüsho arü bolung Atungpuh mo takshih, tüsho binkheampung mühi mühit khürü takabah.

WÜHKHE 22:34

Tüsho Balaamnü Atungpuh yunirü ki tha, “ Inü neak yihbeakdo, tümüde I azhihde nü limro ching zhipkhi inü mümükheah. Jumonü nü miki amülim thsüa lasho, I alode ayübah.”

JAKOB 4:5

Yungsho amüsühyunü, “Thrünpuhnü isa kheak lashihkhi menü mükthsüpü künchoh,” de athakhi akeangkeang ah de nüsanü lümcho shi?

1 SAMUEL 13:14

tüshe kheakü nü kiulongthsü tukloabahbah; Atungpuhnü amulongkhi mihtsürü khülang yimkhitdo; tüsho Atungpuhnü amihtsürü kurungkheak yakzan shuhshihpü api mokhitdo, tümütüsho nünü Atungpuhnü thiyukhüm jihkhi mani.”

1 SAMUEL 15:28

Tüsho Samuelnü api ki tha, “ Ha nimungnü Atungpuhnü Israel kiulongthsü nü kheaknü rukrüpdo, tüsho ju nü kheaknü atsübe, nü yamhingrü kilim jihabahdo.

1 SAMUEL 16:13

Judüki Samuelnü oliv müdangke pung lu, tüsho akhiungmungrü mikinü api mujude-mokhit; tüsho ju nimungnü Atungpuh me ju wu chingnü David kheak arü. Jushu Samuelnü tsahmusu tüsho Rama lim yü.

1 SAMUEL 18:9

Jumonü Saulnü David kheak ju nimungnü mükthsüde kam.

1 SAMUEL 19:1

Saulnü atsührü Jonathan tüsho ayamlarü alala ki David laksahpü dünkheak tha. Tüshe Saul tsührü Jonathannü David kheak khide asühde alakheah.

1 SAMUEL 20:31

Tümüde alomi kheak Jesse tsührü rhangdung lakhi khiungde nü yungsho nü kiulongthsü mülakhuk. Kheakü yüshang tüsho api I ki bede arang, tümüde api tsükjide ashebah.”