1 SAMUEL 18:7 - AMÜSÜH HÜM CL Bible (BSI)

⁷ Tüsho aliberübonü asühachihchoki khülangnü khülang ki khün thsü, “Saulnü chithürübo laksah, tüsho Davidnü chithürü thürübo laksah.”

1 SAMUEL 18:7 Iomraidhean Croise

2 SAMUEL 18:3

Tüshe mihtsürübonü tha, “Nü duwukhiuk. Tümüde isa shande tsosho, arünü isa müküm. Isa chamkhüh shesho, arünü isa müküm. Tüshe nü a isa chithürü thürü dün ah; jumonü nünü kiuto chingnü isa kilim arung arüshihpü tsülah.”

2 SAMUEL 23:1

Kheakü harübo David akheam yubo ah: Jesse tsührü Davidnü müchitkhi yu, Thrünpuhnü ashuhkihbuh mihtsürünü müchitkhi yu, Jakob Thrünpuhnü mujude-mokhitbuh, Israel ching khün thsürü khülang:

2 SAMUEL 6:5

David tüsho Israel yamkhün alalanü arü sühmüh alalanü khün thsüde, bingkhung, bingshang, züpzüppü, akingbe tüsho larüp shuhbah A TUN GPU H müngüh tsün.

ABEKHIT 15:21

Tüsho Mariamnü arü ki khün thsü: “Atungpuh ki khün thsang, tümüde apinü müretahde kukdo; khora tüsho aberü apinü keto ching jipyuk.”

1 SAMUEL 21:11

Akish yamlarübonü api ki tha, “ Ha alomi kiulongthsüpuh David yung de? Arünü khülangnü khülang khün thsüde atsünkhi yung de, ‘Saulnü chithürübo laksah tüsho Davidnü chithürü thürübo laksah?’”

1 SAMUEL 21:12

Davidnü harü yubo mulong ching lu tüsho Gath kiulongthsüpuh Akish khide tre.

1 SAMUEL 29:5

Ha David yung de, shepü ki arü khülangnü khülang ki tsünde khün thsükhea, ‘Saulnü chithürübo laksah, tüsho Davidnü chithürü thürübo laksah?’”