1 SAMUEL 18:23 - AMÜSÜH HÜM CL Bible (BSI)

²³ Jumonü Saul yamlarübonü harü yubo ramde David ki thaa huh. Tüsho Davidnü tha, “I zhochihrü mihtsürü tüsho tümü mükamrü khülangnü kiulongthsüpuh tsühmeakrü thsüpü anikhüh nangde nüsanü kheahcho de?”

1 SAMUEL 18:23 Iomraidhean Croise

THRÜNTAN 29:20

Jumonü Jakobnü Rachel dünkheak kam thüne tankih, tüshe apinü alibe muzhokhinü jurü nimung anükhüh nangde alakheah.

THRÜNTAN 34:12

I ki adün tüsho thsambah hihde kheangang, tüsho nüsanü I ki thakhi yande inü nüsa kilim jihbah; tüshe anünübe I niube thsüpü jihang.”

MUNGSHIKHÜN 119:141

I anikhüh ah tüsho mükhemükima lah, tütüshe inü nü yukhümbo mümih.

MÜCHITMUDU 14:20

Zhochihrü mihtsürü ju nihbuh yamhingrünü she thraneanchoh, tüshe alarü a müyamrü ahihdo lah.

MÜCHITMUDU 29:5

Mihtsürü shepünü api yamhingrü mülapyukchonü anihbuh jing thsungkheak azheang zochoh.

1 JOHAN 3:1

Isa Thrünpuh tsührü de ajipü thsüde Abuhnü küdükhüh isa muzholanü kheahang; tüsho junangde isa lah. Alominü isa mümükheahkhi amütsan ju api mümükheahkhinü ah.

1 SAMUEL 18:18

Davidnü Saul ki tha, “I kiulongthsüpuh tsühmeak thsüpü thsüde Israel ching I le I keoniorübo tüsho I buhtsührübo ju she a?”

1 SAMUEL 18:22

Saulnü ayamlarübo ki thiyukhüm jih, “Bemuwuhbah David ki thaang, ‘ Kheahang, kiulongthsüpuhnü nü kheak asühlah, tüsho ayamlarü alalanü nü muzholah; jumonü kheakü kiulongthsüpuh tsühmeakrü kamang.’”

1 SAMUEL 18:24

Saul yamlarübonü Davidnü athakhi api ki thaa huh.

1 SAMUEL 9:21

Saulnü alo, “I Israel trük akheamkhibe Benjamin chingnü lang ah, tüsho I yamkhün ju Benjamin trük bolung ching akheamkhibe ah. Dale tümüde nünü I ki ha ruk thacho?”