1 SAMUEL 18:17 - AMÜSÜH HÜM CL Bible (BSI)

¹⁷ Judüki Saulnü David ki tha, “ Ha ching I tsührü adüjibe Merab lah; inü api nü kilim yamkhünbe thsüpü jihbah; I thsungkheaknü mulong ato thsang tüsho Atungpuh thirithsü ching keochihang.” Tümüde Saulnü lüm, “Inü api azhihde khah muchung; Filistiarünü ju rhimoshang.”

1 SAMUEL 18:17 Iomraidhean Croise

2 SAMUEL 11:15

Kihüm ching apinü ha ruk thrüt, “Keochihkhi amuthsuk mikhuh limpeang, Uria yüshang, tüsho api kheaknü zuhloang, junangde api laksahshihbah.”

2 SAMUEL 12:9

Api miki amütsü lakhi tümüde nünü Atungpuh yu amülim kamshihkhea? Nünü Hitbuh Uria nukshangnü laksahdo; nünü aniube ju nü niube thsüpü ludo, tüsho Amonrü nukshangnü api laksahdo.

2 SAMUEL 6:16

Atungpuh sangdan David kiuto ching arüshu, Saul tsührü Mikalnü ayinripit chingnü abinkhita kheah, tüsho Atungpuh miki David kiulongthsüpuh jukde tüsho tsünde ngü; tüsho anihbe mulong ching api ki münejih.

MUNGSHIKHÜN 12:2

Mihbüm abannü api yamhingrü ki akeangyu thachoh; arünü münjipjipde mülapyukchoh.

MUNGSHIKHÜN 55:21

Api mün ching thiyubo ju shihkingkung kheaknü athünakbe, tüshe api mulong ching thirithsü lakheah; api yubo ju müdangke kheaknü athünakbe tütüshe jurübo ayuk nukshangbo lakheah.

MÜCHITMUDU 26:24

Rükthsürükheanrünü tsaktsakruru yubo dunglim anihbuhnü athraneankhi rama zochoh;

MÜCHITMUDU 26:25

küyimki apinü muzhode asukbanü, api kheak akin düla, tümüde api mulong ching athraneanbe thüne lah;

MÜCHITMUDU 26:26

apinü athraneankhi ju akeangyunü lüpdodo she api mihbukmuyukkhi amukhungrü alala miki akhiuka huhbah.

WÜHKHE 21:14

Jumonü Atungpuh thirithsü hüm ching thaa lah, “Waheb ju Supha ching, Arnon ayungbo,

WÜHKHE 32:20

Mosanü arü ki tha, “Nüsanü ha rhimosho, tüsho tsungthsüh thsakhambah Atungpuh müngüh yüsho,

WÜHKHE 32:27

tüshe nü yamlarü thirithsürübo a, isa tungpuhnü athakhi nangde Atungpuh müngüh thsühnuk hanbah keochihpü yübah.”

WÜHKHE 32:29

Tüsho Mosanü arü ki tha, “ Gad tüsho Reuben tsührübonü nüsa lung Jordan hode, keochihrü Atungpuh miki yübahle nüsa müngüh alo yankhisho, nüsanü arü kilim arü lapung lo thsüshihpü Gilead lomi jihang.

YUZÜNGTHALO 17:7

Api sheshihpü thsungkheaknü thiyumütsan jihrünü akhuh khah chungbah, tüsho jushu mihtsürübonü khah chungbah. Junangde nüsanü amütsü mihtsürü nüsa lungnü yihkhita bahbeah.

1 SAMUEL 14:49

Kheakü Saul tsührübo ju Jonathan, Ishvi, tüsho Malkishua; tüsho atsührü aliberü mahne mung: adüjibe mung Merab, tüsho akheambe mung Mikal.

1 SAMUEL 17:25

Israelrübonü tha, “Nüsanü ha buh mihtsürü atua la ha ngünah? Tsükjide api Israel müneahpü atua lah. Shepünü ju buh laksahbanü kiulongthsüpuhnü thsambah ato jihbah, tüsho api kilim atsührü aliberü jihbah tüsho Israel ching api yamkhün zuzu lashihbah.”

1 SAMUEL 17:36

Nü yamlarünü kekhüzü tüsho kuto ane chido laksahdo; tüsho ha tsütamübahkhi Filistiabuh she arü ruk labah, tümütüsho apinü arhang Thrünpuh ki wüntre müjih.”

1 SAMUEL 17:47

tüsho junangde Atungpuhnü nukshang tüsho thsühnü mükhümkhit de ha amukhungrübonü amükheahbah; tümüde thirithsü ju Atungpuh yo tüsho apinü nüsa ju isa khah ching jihbah.”

1 SAMUEL 18:21

Saulnü lüm, “Inü anihbe api kilim jihbah alibe ju anihbuh thsungkheak qimürip thsüshihanü tüsho Filistiarünü api laksahbah.” Jumonü mahne kipü Saulnü David ki tha, “ Kheakü nü I tsühmeak thsübah.”

1 SAMUEL 18:25

Judüki Saulnü tha, “Nüsanü David ki ha thaang, ‘ Kiulongthsüpuhnü yihlukhi dünkheak tümü mulune tüshe Filistiarü küp 100 lang lunelah, junangde apinü kiulongthsüpuh riri kheak royimbah.’ ” Kheakü Saulnü David ju Filistiarü khah hode akeamshihpü lümkhi thsü.

1 SAMUEL 18:27

Davidnü amihtsürübo lungnü yü tüsho Filistiarü 200 laksah; tüsho Davidnü api kiulongthsüpuh tsühmeak thsüpü thsüde arü yoküpbo khemütsana kiulongthsüpuh kilim handarü jih. Saulnü api kilim yamkhünbe thsüpü atsührü Mikal jih.

1 SAMUEL 25:28

Muzhobah nü yamlaberünü alakmihkhi neak bahjang; tümüde Atungpuhnü tsükjide I tungpuh kiulongthsürü kamshihbah, tümütüsho I tungpuhnü Atungpuh thirithsü keochihchoh; tüsho nü lakhi amuyung nü kheak amütsü rhimo müngü.

1 SAMUEL 30:26

Küyimki David Ziklag ching arükhea, apinü ayankhikhi shihcham amüyamrübo, Juda azothsürübo kilim mühahde tha, “ Ha A TUN GPU H riribo kheaknü ayankhikhi nüsa thsungkheak thsambah khülang ah”;