1 SAMUEL 18:14 - AMÜSÜH HÜM CL Bible (BSI)

¹⁴ Davidnü arhimokhi alala ching akuk ngü; tümüde Atungpuh api lung lakheah.

1 SAMUEL 18:14 Iomraidhean Croise

THRÜNTAN 39:23

Rihyam aheangrünü Josep khah ching lakhi tümü she mükheahlüng, tümütüsho Thrünpuh api lung lakheah; tüsho tümüpürü apinü arhimokheanü, Atungpuhnü ju akuk ngüshih.

2 SAMUEL 5:10

Tüsho David atobe tüsho atobe kam, tümüde Atungpuh Wuto Thrünpuh api lung lakheah.

2 KIULONG THSÜRÜ 18:7

Atungpuh api lung lakheah; api yüpung alala ching akuk ngü. Apinü Asiria kiulongthsüpuh azhih tüsho api mütankih.

1 KIUTHSÜYUKHEAN 18:13

Apinü Edom ching bonungrü binpung thsü; tüsho Edomrü alala David mihtsürü kam. Tüsho api yüpung alala ching Atungpuhnü David kilim akuk ngüshih.

1 KIUTHSÜYUKHEAN 18:6

Judüki Davidnü Damaska ching lakhi Siria ching bonungrü binpung thsüjih; tüsho Siriarü ju David mihtsürü kamabah, tüsho ruk handarü. Api yüpungbo ching Atungpuhnü David kilim akuk ngüshih.

2 KIUTHSÜYUKHEAN 17:3

Jehoshaphat lung Atungpuh lakheah, tümütüsho apinü adüso abuh limrobo ching tsah; apinü Baalbo müyim,

MUNGSHIKHÜN 101:2

Inü khiukdahkhi limro ching lümlung lade yakli huhbah. O, nü küyimki I kilim arüba? Inü I mulong khiukdahkhinü I yam ching tsahbah.

MATHI 1:23

Kheahang, atsangkhitkhi khülang mübünkeangde akambah tüsho tsührü khülang zübebah, tüsho arünü api mung Immanuel de ajibah, ju amütsan, “Thrünpuh isa lung lah.”

MATHI 28:20

inü nüsa ki thiyukhüm jihkhi alala anipü arü ki thsangyuang; tüsho kheahang, I nüsa lung kamruhroro, lün akheam khiungde alabah.”

YUNIRÜBO RHIMO 18:10

tümüde I nü lung lah, tüsho mihtsürü shenü she nü trünthsüpü mukuk; tümüde ha kiuto ching I mihtsürü ahihkhüh lah.”

JIHUSUA 6:27

Junangde Atungpuh Jihusua lung lakheah, tüsho api mungshimungthu lomi athrünkhi ching soride yü.

MAHKHAPRÜ 1:19

Junangde Atungpuh Juda lung lakheah. Tüsho arünü müzüng lomi ching larü alala yankhitabah, tüshe arünü lokeam ching larübo a müyankhitkhuk tümütüsho arübo yinchi khora-lolungbebo lakheah.

1 SAMUEL 10:7

Kheakü küyimki harü amütsanbo nünü ashoruba, nünü tsüde angükhi thsang, tümüde Thrünpuh nü lung lah.

1 SAMUEL 16:18

Athrününgtsüng khülangnü tha, “Inü Bethlehemrü Jesse tsührü khülang akingsorü, mulong torü, athrungrü, thiyu ching ayuk, tüsho trungdung akheahakhamkhi ngüdo; tüsho Atungpuh api lung lah.”

1 SAMUEL 18:15

Küyimki apinü akuk ato ngükhi Saulnü angükhea, api trede anihbuhnü zhip.

1 SAMUEL 19:8

Kheaküshe judüki thirithsü lakheah, tüsho Filistiarü bede keochihpü David wukhiuk. Apinü khide müzhakde arü yan, junangde arübo api müngüh tso.

1 SAMUEL 3:19

Samuel zode akamchoki, Atungpuh api lung lakheah tüsho api yu tümü lang she alo kheak mayokhishih.