1 SAMUEL 17:51 - AMÜSÜH HÜM CL Bible (BSI)

⁵¹ Judüki Davidnü shande yübah Goliath kheak zhip; api nukshang kheak tholobah nuktrüp chingnü dukkhit, tüsho api laksah; tüsho apinü aku lipshak. Küyimki Filistiarübonü arü wühkenobuh shekhi ngükhea, arünü shande tso.

1 SAMUEL 17:51 Iomraidhean Croise

2 SAMUEL 23:21

Tüsho apinü Ijiprü mihtsürü trungdung atsü khülang laksah. Ijipbuh ju akhah ching thsüh shuhkheah; tüshe Benaianü api azhihde yübah tso khülangnü Ijipbuh khah chingnü thsüh ju lakkhia bahjih, tüsho anihbuh thsühnü api ju laksah.

2 SAMUEL 4:7

Kheaküshe api yappung khiungshak dükhüm kheak binde alachoki ayam ching arü; anenü api laksah tüsho aku lipshaka lu. Jushu anenü aku lubah tsüngreroro Araba limro lim tso.

ESTER 7:10

Junangde Haman ju anihbuhnü Mordekai sheshihpü süksahdung thsükhi kheak zhinde sheshih. Jushu kiulongthsüpuh bukakhiukkhi keamlo.

IBRI 11:34

mo aniukhi zünmüt, nukshang chingnü tsokhi, yiuhyiuhde sühmüh lakhi kuk, thirithsü ching thrungde kam, khiungkerü thiriribo alihde tsoshih.

IBRI 2:14

Jumonü tsührübonü shih tüsho thiyih ching shihcham luchoh, junangde apinü she ashe wu lakhi, ashekhi hode amünean dükheakshihpü mihtsürü yakli ching shihcham lu,

1 SAMUEL 17:50

Jumonü Davidnü nukshang mushuhde lunghitliu khülang tüsho lung khülangnü Goliath kinga lungshih tüsho api laksah.

1 SAMUEL 21:10

Davidnü asürübah ju nimung Saul kheaknü tsoabah; api Gath kiulongthsüpuh Akish kilim yü.

1 SAMUEL 21:9

Amükeambuhnü tha, “Nünü Ela jindükhün chingnü alaksahbuh Filistiarü Goliath nukshang, ha ching amükeamrü khim dunglim khim ching düma zolah; nünü lusho, ju luang, tümüde ju khüh yungsho ha ching tümü müla.” Davidnü tha, “ Ju ruk püpü müla; ju I kilim jihang.”

1 SAMUEL 31:9

Arünü aku lipkhi, api thsühnuk yihkhia lu, tüsho Filistiarü lomi ching thiyusheak atsü hanbah arü sangthsübo tüsho mihtsürübo kilim yüshihpü yunithsürübo thiyi.