1 SAMUEL 17:46 - AMÜSÜH HÜM CL Bible (BSI)

⁴⁶ Khihni ha nimung ching Atungpuhnü nü I khah ching yukjihbah, tüsho inü nü kinga yapshihbah tüsho nü ku lipshakbah; tüsho inü Filistia bonungrü ashemibo ha nimung ching thüning ching lakhi wuhnubo tüsho alo kheak lakhi mütüm shiwühbo kilim jihbah, junangde Israel ching Thrünpuh khülang lah de alomi alalanü amükheahbah,

1 SAMUEL 17:46 Iomraidhean Croise

THRÜNTAN 40:19

Nimung mahsam dükeak chingnü Pharaonü nü bekhitbah tüsho nü sangdung khülang kheak zhinbah; tüsho wuhnubonü nü shih tsühbah.”

2 SAMUEL 18:28

Judüki Ahimaaznü kiulongthsüpuh ki zhi, “Alala tsüde lah!” Apinü kiulongthsüpuh miki akin jihde alo kheak khukning tüsho tha, “Atungpuh nü Thrünpuh müngühmühi thsüang! Apinü I tungpuh kiulongthsüpuh azhihrü mihtsürü jihabahdo.”

2 SAMUEL 21:10

Judüki yimlukhi kim chingnü mumükin tsüng marüyi khiungde Aia tsührü Rizpanü shungliukhim lubah anihbe thsungkheak lungto khülang kheak dütrüta pinga zo; alibenü animung wuhnubo mibo kheak marüshih, yungsho azhing ching mütüm shiwüh marüshih.

1 KIULONG THSÜRÜ 8:43

judüki nü lapung yinmi chingnü sojang, tüsho khiungkerünü nü ki jikhi yande alala rhimoang, junangde nü mihtsürü Israelnü arhimokhi ruk, lomi mihtsürü alalanü nü mung mükheahbah tüsho nü trebah, tüsho junangde inü athsükhi ha yam ching nü mung jia lah de arünü amükheahbah.

1 KIULONG THSÜRÜ 8:60

junangde lomi mihtsürü alalanü Atungpuh ju Thrünpuh ah de amükheahbah; ju ching püpü müla.

2 KIULONG THSÜRÜ 19:19

O Atungpuh isa Thrünpuh, jumonü kheakü api khah chingnü isa khümkhitang de inü nü ki tamkhüntamnüchoh, junangde O Atungpuh , alomi kiulongthsübo alalanü nü lang Thrünpuh de amükheahbah.”

2 KIULONG THSÜRÜ 5:15

Judüki api le api borü alala Thrünpuh mihtsürü kilim alode arü; apinü arübah amiki zhip tüsho tha, “ Kheakü Israel kheak hode alomi alala ching Thrünpuh müla de inü mükheahlah; muzhobah nü yamlarü kilimnü thsambah khülang leangkhijang.”

MUNGSHIKHÜN 31:8

tüsho I riri khah ching I muyukjih; nünü I jing amülih dangpung ching zojih.

MUNGSHIKHÜN 46:10

Zhikde laang, tüsho I Thrünpuh ah de mükheahang; trükshih bolung I shuhkihbah, alomi ching I shuhkihbah!

ABEKHIT 9:16

Tüshe ha thsungkheaknü inü nü asürüshihkheah, junangde I wu nü kheak huhbah tüsho alomi alala ching I mung khipkhitbah.

ISAIA 37:20

Jumonü kheakü, O Atungpuh isa Thrünpuh, api khah chingnü isa khümkhitang, junangde alomi kiulongthsübo alalanü nü lang Thrünpuh ah de amükheahbah.”

ISAIA 52:10

Atungpuh amüsüh khah trükshih alala miki akhiuka lah; tüsho alomi alalanü isa Thrünpuh akhümkhit ngübah.

ISAIA 56:9

Nüsa mütüm shiwüh alala, murung ching mütüm shiwüh alala, amuyupü arang!

JEREMIA 19:7

Tüsho ha dangpung ching inü Juda tüsho Jirusalem lümkhibo akeangkeang kamshihbah, tüsho arübo arü riri müngüh nukshang tüsho arü rhangdung yimrü khah hode akeamshihbah. Inü arü ashemibo thüning wuhnubo tüsho alomi shiwühbo kilim jim thsüpü jihbah.

JEREMIA 34:20

arü riri tüsho arü rhangdung yimrübo kilim jihbah. Arü ashemibo ju thüning wuhnubo tüsho alomi mütüm shiwüh jim kambah.

DANIEL 2:47

Kiulongthsüpuhnü Daniel ki tha, “Tsükjide nü Thrünpuh ju thrünpuhbo bolung Thrünpuh tüsho kiulongthsürübo bolung Atungpuh tüsho aramyu thakhita huhrü lah, tümüde nünü ha aramyu thakhita huhkhukdo.”

DANIEL 3:29

Jumonü trükshih khürü mihtsürü yungsho thiyutha shepünü Shadrak, Meshak tüsho Abednego Thrünpuh azhihde tümükhüh thabanü adütre kamde akhapbah tüsho arü yambo sünit-bahpung kamshihbah de inü thiyuzüng khülang thsüchoh, tümüde püpü thrünpuh shenü she hanangde mükhümkhitkhuk.”

MATHI 24:28

Tümütüsho kürü ching ashemibo abanü, ju ching müleangbo shomukhungbah.

YUZÜNGTHALO 28:26

Nüsa ashemibo ju thüning ching wuhnubo tüsho alo kheak shiwühbo jim thsübah, tüsho arübo shenü she müzüna mütsoshih.

YUZÜNGTHALO 7:2

tüsho küyimki Atungpuh nüsa Thrünpuhnü arübo nüsa khah ching jihbanü arübo shahde adükheakkhambah. Nüsanü arü kheak tümü tangzüng düthsü yungsho mihmüthsüm dühuh.

YUZÜNGTHALO 7:23

Tüshe arübo müyinnimde müdükheakkhamyi khiungde Atungpuh nüsa Thrünpuhnü arübo nüsa kilim jihbah.

JIHUSUA 10:8

Atungpuhnü Jihusua ki tha, “ Arübo dütre, tümüde inü arübo nü khah ching jihdo; arübo shenü she nü azhihde müzhipkhuk.”

JIHUSUA 4:24

Ha hode alomiküp ching mihbüm abannü Atungpuh wu-sühmüh ato mükheahbah, tüsho Atungpuh nüsa Thrünpuh nüsanü lünnü wüntre jihbah.”

1 SAMUEL 14:6

Jonathannü api thsühnuk hanbuh athrününgtsüngbuh ki tha, “ Arang, ike harü tsütamübahkhi thiriri boto kilim wutuanü; khükia Atungpuhnü ike thsung thsüde arhimobah; tümüde hihang yungsho nükang Atungpuhnü akhümkhitpü ching tümünü she müzhipdokhuk.”

1 SAMUEL 17:44

Goliathnü David ki tha, “I kilim arang, tüsho inü nü shihtsü thüning wuhnubo tüsho thulu ching lakhi mütüm shiwühbo kipanü.”