1 SAMUEL 17:45 - AMÜSÜH HÜM CL Bible (BSI)

⁴⁵ Tüshe Davidnü Goliath ki tha, “Nünü nukshang, thsüh tüsho thsühshang shuhbah I kilim arang; tüshe I a nünü mükhemükimkhi Israel bonungrü Thrünpuh Wuto Atungpuh mung chingnü arübah.

1 SAMUEL 17:45 Iomraidhean Croise

2 KIUTHSÜYUKHEAN 14:10

Asanü api shorupü wukhiuk, tüsho Maresha ching Zephatha jindükhün ching arünü keochihpü thsakham.

2 KIUTHSÜYUKHEAN 32:8

Api lung bekhi ju shih yo bonungrü ah; isa lung bekhi a Atungpuh isa Thrünpuh, isa rungpü tüsho isa thsung thsüde keochihjihpü lah.” Juda kiulongthsüpuh Hezekianü athakhi yubo hode mihtsürübo mulong tode kam.

MUNGSHIKHÜN 124:8

Isa arung ju thüning tüsho alomi thrünrü Atungpuh mung ching lah.

MUNGSHIKHÜN 18:2

Atungpuh ju I lungto, I chipi tüsho I bekhitrü, I Thrünpuh, I sühmüh, shepü kheak I tsoyukcho, I tsung, tüsho I akhümkhit juh, I chipi.

MUNGSHIKHÜN 20:8

Arübo khukning tüsho keamdo; tüshe isa asürü tüsho langde zhiplah.

MUNGSHIKHÜN 3:8

Akhümkhit ju Atungpuh yo ah; nü müngühmühi nü mihtsürübo kheak lah.

MUNGSHIKHÜN 44:6

Tümüde I sanglüh kheak inü mükin, yungsho I nukshangnü I mükhümkhit.

MÜCHITMUDU 18:10

Atungpuh mung ju aheangsadam adüküng lah; thiyuro-lungkirünü ju lim shande yüchoh tüsho khümkhitchoh.

ISAIA 37:23

Nünü she kheak keangrümünekhea tüsho mükhemürangkhea? She azhihde nü düsheak zhikhea tüsho lülüshishide nü mük züngkihkhea? Amüsüh Israel Thrünpuh azhihde ah!

ISAIA 37:28

“ Inü nü asürükhi tüsho nü binkhi, nü wukhiukkhi tüsho yüzahkhi, tüsho I azhihde bukakhiukkhi mükheahlah.

2 KORINT 10:4

Isa thirithsü thsühnukbo ju alomi yo yung tüshe chipibo thsümünimbe Thrünpuh wu lah.

2 KORINT 3:5

Isanü tümükhüh lang she isa küdahnü athsükhukkhi lah de alümkhi müla; isanü athsükhukpü ju Thrünpuh kilimnü lah.

FILIPI 4:13

I sühmüh jihbuh hode inü lüpdükhi thsükhuklah.

1 SAMUEL 17:10

Tüsho Filistiabuhnü tha, “ Khihni inü Israel duklangkhi münitchoh! I kilim mihtsürü khülang jihang, tüsho ike keochihbah.”

1 SAMUEL 17:26

Davidnü api ki zhiprü mihtsürübo ki tha, “ Mihtsürü khürünü ha Filistiabuh laksahkhi hode Israel chingnü mulong masühkhi hanbah tsosho api tümü ngüba? Tümüde ha tsütamübahkhi Filistiabuhnü arhang Thrünpuh bonungrü azhihpü api she a?”

1 SAMUEL 17:36

Nü yamlarünü kekhüzü tüsho kuto ane chido laksahdo; tüsho ha tsütamübahkhi Filistiabuh she arü ruk labah, tümütüsho apinü arhang Thrünpuh ki wüntre müjih.”

1 SAMUEL 17:6

Api jing ching müwayinchi khümyuk tüsho müwayinchi thsüh adubuh kheak han.