1 SAMUEL 17:43 - AMÜSÜH HÜM CL Bible (BSI)

⁴³ Judüki Goliathnü David ki tha, “I khihnu ah de lümbah tso shuhbah arücho de?” Tüsho Goliathnü api thrünpuhbo jide David muthrumünean.

1 SAMUEL 17:43 Iomraidhean Croise

THRÜNTAN 27:29

Mihtsürübonü nü tankihshang, tüsho trükshihbonü nü ki mükhümshang. Nü keoniorü alala kurungkheak aputungrü thsang, tüsho nü be tsührübonü nü ki mükhümshang. Nü athrurü muthrumüneanshang, tüsho nü müngühjihrü müngühshang!”

2 SAMUEL 16:5

Küyimki kiulongthsüpuh David Bahurim ching arükhea, Saul yamkhün chingnü mihtsürü khülang Gera tsührü Shimeinü athrude akhiuk.

2 SAMUEL 16:9

Judüki Zeruia tsührü Abishainü kiulongthsüpuh ki tha, “Tümüde ha ashekhi yihnunü I tungpuh kiulongthsüpuh athrupü? I yüshang tüsho api ku luanü.”

2 SAMUEL 3:8

Ishboshet yubonü Abner bukakhiukshih; apinü tha, “I Juda thsungkheaknü khihnu lümlung a de? Khihni inü nü buh Saul, akhiungmungrü, tüsho amüyamrü ki thiyuro-amuzho huhde lah tüsho nü David khah ching jihamübah; tüshe ha liberü dünkheaknü nünü I amülim jihchoh.

2 SAMUEL 9:8

Apinü akin jihde tha, “I khihnu ashemi she mumokhi kheak kheahpü thsüde nü yamlarü tümü a?”

1 KIULONG THSÜRÜ 20:10

Ben-hadadnü api kilim yüshih tüsho tha, “Mürangkhüh Samaria asungthulungnü I yanrü mihtsürübo müyi abansho thrünpuhbonü I kheak alü she rhimoshang.”

2 KIULONG THSÜRÜ 8:13

Hazaelnü tha, “Nü yamlarü tümü a, apinü ha ato rhimopü thsüde khihnu ju shepü a?” Elishanü alo, “Nü Siria kurungkheak kiulongthsürü thsüpü Atungpuhnü I ki huhdo.”

MÜCHITMUDU 26:2

Phinakhinde ayükhi khüjak nangde, aphinkhi kiurürüt nangde, amütsan mülade muthrumünean ju müdünjichoh.

WÜHKHE 22:6

Jumonü khülang ki arübah harü mihtsürübo athruang, tümüde arübo I thsungkheak khide wu-sühmüh lah. Judüalalashe inü arü kukbah tüsho lomi chingnü yankhita bahbah, tümüde nünü shepü kheak müngühjihbanü müngühjihchoh, tüsho shepü kheak nünü athruchonü muthrumüneanchoh de inü mükheahlah.”

MAHKHAPRÜ 9:27

Tüsho arünü thulu ching yübah kurungasolubo chingnü kurungasobo rho tüsho yukhu thsübah thünio la, tüsho arü thrünpuh yam ching yüzahbah tsühyungde Abimelek athruaji.

1 SAMUEL 14:12

Thiriribonü Jonathan tüsho api thsühnuk hanbuh ane ki tha, “Isa kilim atung, tüsho isanü nüke ki tümükhüh huhbah.” Jonathannü thsühnuk hanbuh ki tha, “I dunglim arang; tümüde Atungpuhnü arübo Israel khah ching jihdo.”

1 SAMUEL 24:14

Shepü azhihde Israel kiulongthsüpuh akhiukkhea? Nü shepü müshamcho? Ashekhi yihnu khülang a shi? Thüle khülang a shi?

1 SAMUEL 24:15

Jumonü Atungpuhnü mahkhapshang, tüsho ike dükeak alim jihshang. Apinü ju kheahshang tüsho I kheak muzhode I nü khah chingnü khümkhitshang.”