1 SAMUEL 17:4 - AMÜSÜH HÜM CL Bible (BSI)

⁴ Judüki Filistiarü binkheampung chingnü Gathrü Goliath de thsübah athrungrü khülang akhiuk, api leang ju kipying 9 kheak kip 1 lakheah.

1 SAMUEL 17:4 Iomraidhean Croise

1 KIUTHSÜYUKHEAN 11:23

Tüsho apinü Ijiprü atoshang mihtsürü, ashanglim khahnap 5 lakhi laksah; Ijipbuhnü akhah ching thsüh ju dükim nangde shuh; tüshe Benaianü tso khülang shuhbah api azhihde yübah thsüh ju Ijipbuh khah chingnü jangkhia lujih, tüsho anihbuh thsühnü api laksah.

AMOS 2:9

Tütüshe inü arü müngühnü cedar sang nangde achang tüsho thülamsang nangde amüküp lakhi Amorrü dükheakshih; inü api kumung aso, tüsho alunglim ayingbo thsümünimjih.

YUZÜNGTHALO 3:11

(Bashan kiulongthsüpuh Og ju lang Rephaimrü lungnü ashe aningkhi lakheah. Api kiuyuk ju yinchinü thsü tüsho ashanglim khahnap thürükheak mahsam akumung tüsho atolim khahnap thuruk. Ha Amonrü kiuto Rabba ching khihni khiungde lah.)

JIHUSUA 11:22

Israel ching larü Anakimrü sheshe maningshih; tüshe, Gaza, Gath, tüsho Ashdod ching larü anükhüh aningjih.

1 SAMUEL 17:23

Apinü arü ki asukachihchoki, athrungrü Gathrü Filistiabuh, Goliath ju Filistiarü bolungnü akhiuk, tüsho püpüki yu nangde tha. Tüsho Davidnü jurü so.

1 SAMUEL 17:3

Filistiarü awung thripkhüh lim zhip, tüsho arü dükeak jindükhün zahbah Israelrü awung püpü thrip zhip.

1 SAMUEL 17:5

Api ku kheak suna lungnü athsükhi kuthran thran, tüsho thirithsü pangkhümpü khüm; pangkhümpü ju khahngak 17 lakheah.

1 SAMUEL 27:4

Küyimki David Gath lim tsoabahdo de Saul ki thakhea, apinü küyimkishe David müyimdebah.