1 SAMUEL 17:28 - AMÜSÜH HÜM CL Bible (BSI)

²⁸ Akhiung azopü Eliabnü mihtsürübo ki apinü athakhi so; tüsho Eliabnü David kheak alü bukakhiuk. Apinü tha, “ Tümü thsüpü nü akikhea? Sunglo ching nünü namfimihnu anükhüh thsü she ki zojihla? Nü rük thsükhi tüsho nü mulong ching amütsü lümkhi inü mükheahlah; tümüde nü a le keochihkhi kheahpü lang akia lah.”

1 SAMUEL 17:28 Iomraidhean Croise

THRÜNTAN 37:11

Akhiung pürübonü api lungkhang, tüshe ju dünkheak abuhnü lüm ching zo.

THRÜNTAN 37:4

Tüshe küyimki arü abuhnü akeoniorübo alala kheaknü api alü muzhokhi akhiung pürünü angükhea, arünü api mükheahnede kam, tüsho api ki amuzho yu müthakhukde alakheah.

THRÜNTAN 37:8

Akhiung pürünü api ki tha, “Nünü isa kurungkheak kiulongthsüpü? Yungsho nünü isa kurungkheak yakzan shuhpü?” Jumonü api milimbo tüsho api yubo dünkheaknü arünü alü api mükheahnede kam.

2 KIUTHSÜYUKHEAN 11:18

David tsührü Jerimoth tsührü Mahalath ju Rehoboamnü aniube thsüpü lu, tüsho abe ju Jesse tsührü Eliab tsührübe Abihail.

MUNGSHIKHÜN 35:11

Mihmukhiuh thiyumütsanbo I azhihde arüchoh; inü mümükheahkhi arünü I ki keokhichoh.

MÜCHITMUDU 18:19

Keoniorünü arungkhi ju amüküp kiuto nangde lah, tüshe rukachihkhi ju chipiripit khrihbebo nangde lah.

MÜCHITMUDU 27:4

Bukmükekhi ju yihkhro tüsho bukakhiukkhi ju düchi, tüshe shepünü mükthsükhi müngüh zhipkhukba?

T H S AN GYU T H S AN GR ARÜ 4:4

Kheaküshe rhimokhi alala tüsho rhimo ching yeanzamkhi ha mihtsürü khülangnü püpürü ki mükthsükhi hode arüchoh de inü ngüdo. Ha she akeangkeang tüsho apung dunglim müshamchoh.

MATHI 10:36

Tüsho mihtsürü riribo ju nihbuh betsührü thsübah.

MATHI 27:18

Tümütüsho mükthsükhinü anihbuh kilim Jisu rama jihdo de apinü mükheah.

MARK 3:21

Tüshe küyimki api betsührübonü ha dünkheak sokhea, arünü api tholopü wukhiuk, tümüde arünü tha, “Api yingyinga lah.”

JUDNÜ ATHRÜTKHI KIHÜM HUHTANYU 1:10

Tütüshe harü mihtsürübonü arünü manikhitkhi azhihde asukchoh; tüsho shiwüh lüm nangde arünü amükheahkhinü arü thsümünimchoh.

1 SAMUEL 16:13

Judüki Samuelnü oliv müdangke pung lu, tüsho akhiungmungrü mikinü api mujude-mokhit; tüsho ju nimungnü Atungpuh me ju wu chingnü David kheak arü. Jushu Samuelnü tsahmusu tüsho Rama lim yü.

1 SAMUEL 16:7

Tüshe Atungpuhnü Samuel ki tha, “ Api jak-ku yungsho trungdung dükheah, tümütüsho inü api bahyukdo, tümüde mihtsürünü akheahkhi nangde Atungpuhnü mükheah; mihtsürünü aleanglim kheahchoh, tüshe Atungpuhnü mulong kheahchoh.”

1 SAMUEL 17:29

Davidnü tha, “Inü tümü thsüa la? I akeokhi she mükeokhishihbea de?”