1 SAMUEL 17:18 - AMÜSÜH HÜM CL Bible (BSI)

¹⁸ tüsho niuhke kingkung 10 ha lubah chithürü kurung limthobuh kilim jihang. Nü khiung pürü küruk lanü kheahang tüsho tsüde alakhi amütsan tümükhüh arü kilimnü lubah arang.”

1 SAMUEL 17:18 Iomraidhean Croise

THRÜNTAN 37:13

Tüsho Israelnü Josep ki tha, “Nü khiung pürübo Shekem ching namfimihnubo kümchoh yung de? Arang, inü nü arü kilim yüshihanü.” Jumonü api ki alo, “I ha kheak lah.”

THRÜNTAN 37:14

Apinü anihbuh ki tha, “Nü khiung pürü le namfimihnubo tsüde lanahnü muzhobah yünü kheahang, tüsho I kilim thiyusheak lubah arüloang.” Jumonü apinü Hebron jindükhün chingnü thiyia wukhiukshih, tüsho apinü Shekem lim yü.

2 SAMUEL 17:29

mukhuke, niuhke zhihzhih, namfimihnu, tüsho mihnubo chingnü niuhke kingkung David tüsho api lung mihtsürübo khilim lubah arü; tümüde arünü tha, “Bonungrübo sunglo ching khümkethüride keaka lah.”

ESTER 2:11

Animokhün Mordekainü alibe ju küde kamcho tüsho tümü dünjibaki de thüyam limkhuh yüla arülade kheahde tsah.

JOB HU H T ANYU 10:10

Nünü niuhke nangde I dungkhitkhi yung de, tüsho niuhke kingkung nangde kingkungshihkhi yung de?

ABEKHIT 18:7

Jumonü Mosa akü shorupü wukhiuk, tüsho api miki mükhümbah müthsüp. Tüsho arünü tsüde alakhi keoachihbah khimyam ching yüzah.

YUNIRÜBO RHIMO 15:36

Tüsho nimung anükhüh dunglim Paulnü Barnaba ki tha, “Arang, ikenü Atungpuh yu zhiyukpung kiuto aban ching keoniorübo küde lanü rhua kheahanü.”

MAHKHAPRÜ 18:15

Jumonü arünü rholobah athrününgtsüng Levibuh lapung, Mika yam ching arü tüsho api ki salüm jih.

1 SAMUEL 16:20

Jessenü donki lubahle yikhap, shihküp qiuqiu tüsho mihnu nunubo hah thsükihbah David kheaknü mühah-a Saul kilim yüshih.

1 SAMUEL 17:19

Kheakü Saul le arübo, tüsho Israelrü alala Ela jindükhün ching Filistiarü bebah keochihde alakheah.

1 SAMUEL 25:5

Jumonü Davidnü athrününgtsüng 10 yüshih; tüsho Davidnü athrününgtsüngbo ki tha, “ Karmel lim wutuang, tüsho Nabal kilim yübah I mung chingnü salüm jihang.

1 SAMUEL 30:21

Judüki Davidnü api müyankhukde Besor ayung ching bahbah atsokhi arü mihtsürü 200 kilim arü. Arünü David tüsho api lung tsahkhi mihtsürübo shorupü wukhiuk. Küyimki Davidnü mihtsürübo phünide ayükheanü apinü arü ki salüm jih.