1 SAMUEL 16:18 - AMÜSÜH HÜM CL Bible (BSI)

¹⁸ Athrününgtsüng khülangnü tha, “Inü Bethlehemrü Jesse tsührü khülang akingsorü, mulong torü, athrungrü, thiyu ching ayuk, tüsho trungdung akheahakhamkhi ngüdo; tüsho Atungpuh api lung lah.”

1 SAMUEL 16:18 Iomraidhean Croise

THRÜNTAN 39:2

Josep lung Atungpuh lakheah, tüsho api akuk ngürü mihtsürü lakheah; tüsho api ju anihbuh putungrü Ijiprü yam ching lakheah.

THRÜNTAN 39:23

Rihyam aheangrünü Josep khah ching lakhi tümü she mükheahlüng, tümütüsho Thrünpuh api lung lakheah; tüsho tümüpürü apinü arhimokheanü, Atungpuhnü ju akuk ngüshih.

2 SAMUEL 14:20

Kheakü apungani müthripü thsungkheak nü yamlarü Joabnü ha rhimokheah. Tüshe alomi kheak lakhi alala mükheahpü thsüde Thrünpuh yunirü lümlung nangde I tungpuh a lümlung lah.”

2 SAMUEL 17:10

Judüki athrungrü thirithsürü, kekhüzü mulong nangde alarübo atrekhinü shahde niuthünakbah; tümüde nü buh ju thirithsürü tüsho api lung larübo ju thirithsürü athrungrü ah de Israel alalanü mükheahlah.

2 SAMUEL 17:8

Hushainü thalo, “Nü buh tüsho api mihtsürübo thirithsürübo ah de nünü mükheahlah, tüsho arübo thulu ching kuto anunubo jangkhikhi nangde bukmüke ah. Ju lang yung, nü buh ju thirithsüpü ching athsüso; apinü azhing ching bonungrü lung mülachoh.

MÜCHITMUDU 12:8

Mihtsürü ju api lümlung ayannü shijihchoh, tüshe lüm amütsü mihtsürü a khenoabahchoh.

MATHI 1:23

Kheahang, atsangkhitkhi khülang mübünkeangde akambah tüsho tsührü khülang zübebah, tüsho arünü api mung Immanuel de ajibah, ju amütsan, “Thrünpuh isa lung lah.”

MATHI 28:20

inü nüsa ki thiyukhüm jihkhi alala anipü arü ki thsangyuang; tüsho kheahang, I nüsa lung kamruhroro, lün akheam khiungde alabah.”

1 SAMUEL 10:7

Kheakü küyimki harü amütsanbo nünü ashoruba, nünü tsüde angükhi thsang, tümüde Thrünpuh nü lung lah.

1 SAMUEL 16:12

Apinü thiyia yüshihbah anihbuh bede yüzah. Kheakü api shihphü atsü, mük akheahakham, tüsho trungdung atsü lakheah. Atungpuhnü tha, “Wusuang tüsho api mujude-mokhitang; tümüde ha buh ah.”

1 SAMUEL 16:17

Jumonü Saulnü ayamlarübo ki tha, “Shepünü tsüde khungsolanü yimang tüsho api I kilim bebah arang.”

1 SAMUEL 16:19

Jumonü Saulnü Jesse kilim yunithsürü yüshih, tüsho tha, “Nü tsührü David shepü namfimihnu lung lanü I kilim arüshang.”

1 SAMUEL 17:12

Kheakü David ha Juda ching lakhi Bethlehem chingnü Ephrarü Jesse tsührü ah, api tsührü 8 lakheah. Saul kiulongthsüchoki ha buh mihtsürü ha khide shina lakheah.

1 SAMUEL 3:19

Samuel zode akamchoki, Atungpuh api lung lakheah tüsho api yu tümü lang she alo kheak mayokhishih.