1 SAMUEL 16:14 - AMÜSÜH HÜM CL Bible (BSI)

¹⁴ Kheakü Atungpuh me Saul kheaknü chamachih, tüsho A TUN GPU H kilimnü amünean me arübah api thsurang.

1 SAMUEL 16:14 Iomraidhean Croise

2 SAMUEL 7:15

Tüshe nü mikinü luakhinkhi Saul kheaknü chamachihkhi nangde I amuzho api kheaknü müchamachih.

1 KIULONG THSÜRÜ 22:19

Judüki Mikaianü tha, “Jumonü Atungpuh yu aniang: Inü Atungpuh api kiulongthsü-binkiu kheak, tsülim tüsho huzulim yinmi aputungrü alala zhipbah abinkhi ngü.

1 KIULONG THSÜRÜ 22:22

Atungpuhnü api ki keokhi, ‘ Küde thsah?’ Apinü alo, ‘Inü awukhiukbah tüsho anihbuh wukihrübo mün ching akeangyu tharü me thsübah.’ Judüki Atungpuhnü tha, ‘Nünü api mulomülapbah, tüsho nünü api bephülapbah; wukhiukang tüsho ju rhimoang.’

MUNGSHIKHÜN 51:11

Nü mikinü I yana dütsoshih, tüsho I kheaknü me amüsüh lude dütsojih.

HOSEA 9:12

Arünü tsührübo mütrümususu she, sheshe maningyi khiungde inü arü tüzhoshihbah. I arü kheaknü chamachihchoki atsütsü arü are!

MAHKHAPRÜ 16:20

Tüsho alibenü tha, “Samson! Filistiarü arüchoh.” Jumonü apinü ayapkhi chingnü asürü, tüsho tha, “Püpüki nangde inü awukhiukbah tüsho zuzu thsüde aphapbah!” Tüshe Atungpuh api kheaknü chamachihdo de apinü mümükheah.

MAHKHAPRÜ 16:29

Tüsho Samsonnü arüngyam phulung duhlokhi dungjing mahne ki yü, tüsho khülang tsülim tüsho püpü huzulim thsübah düngde tholo.

MAHKHAPRÜ 9:23

Tüsho Thrünpuhnü Abimelek le Shekem mihtsürübo dükeak amütsü me khülang yüshih; tüsho Shekem mihtsürübonü Abimelek kheak mülapyukde rhimo;

1 SAMUEL 11:6

Küyimki Saulnü harü yubo sokhea, Thrünpuh me api kheak arü, tüsho api bukakhiukkhi alü kam.

1 SAMUEL 16:15

Tüsho Saul yamlarübonü api ki tha, “ Kheakü kheahang, Thrünpuh kilimnü amünean me arübah nü thsurangchoh.

1 SAMUEL 16:16

Kheakü isa tungpuhnü yamlarübo thiyukhüm jih-a bingkhung khungsorü yimshang; tüsho küyimki Thrünpuh kilimnü amünean me nü kheak arübanü, apinü ju khungbah, tüsho nü tsüde akambah.”

1 SAMUEL 16:23

Tüsho küyimki Thrünpuh kilimnü amünean me Saul kheak arüde alakhea, Davidnü bingkhung ju akhahnü shuhbah khung, tüsho Saul keamramde la tüsho tsüde kam, tüsho amünean me api kheaknü chamachih.

1 SAMUEL 18:10

Ashidopü amünean me Thrünpuh kilimnü Saul kheak arü tüsho api yam ching abünrü nangde thazüthado, judüki David a nimung aban khungkhi nangde bingkhung ju khung. Saul a akhah ching thsüh zhima lakheah;

1 SAMUEL 18:12

Saulnü David tre tümüde api lung Atungpuh lakheah tüshe Saul kheaknü a chamkhiabah.

1 SAMUEL 28:15

Judüki Samuelnü Saul ki tha, “ Tümü thsükhi nünü I küpkhuk jihde bede atukhea?” Saulnü alo, “I lümthsünü ato ching lah, tümüde Filistiarünü I bede keochihchoh, tüsho Thrünpuhnü I kheaknü tsoabahbah wukihrü yungsho milim müchitrü hodü she I ki malojih; jumonü inü tümü rhimobeanü ju thashihpü nü jikheah.”