1 SAMUEL 16:13 - AMÜSÜH HÜM CL Bible (BSI)

¹³ Judüki Samuelnü oliv müdangke pung lu, tüsho akhiungmungrü mikinü api mujude-mokhit; tüsho ju nimungnü Atungpuh me ju wu chingnü David kheak arü. Jushu Samuelnü tsahmusu tüsho Rama lim yü.

1 SAMUEL 16:13 Iomraidhean Croise

2 SAMUEL 12:7

Nathannü David ki tha, “Mihtsürü ju nü ah! Atungpuh Israel Thrünpuhnü ha thachoh: Inü nü Israel kurungkheak kiulongthsürü thsüpü mujude-mokhit, tüsho inü nü Saul khah chingnü khümkhit;

2 SAMUEL 2:4

Judüki Juda mihtsürübo arü tüsho arünü Juda kurungkheak kiulongthsürü thsüshihpü David mujude-mokhit. Tüsho arünü David ki tha, “Jabesh-gilead mihtsürünü Saul kiuyuka bahkheah.”

2 SAMUEL 23:1

Kheakü harübo David akheam yubo ah: Jesse tsührü Davidnü müchitkhi yu, Thrünpuhnü ashuhkihbuh mihtsürünü müchitkhi yu, Jakob Thrünpuhnü mujude-mokhitbuh, Israel ching khün thsürü khülang:

2 SAMUEL 5:3

Jumonü Israel azothsürü alala Hebron ching kiulongthsüpuh ki arü; tüsho kiulongthsüpuh Davidnü Hebron ching Atungpuh miki arü kheak tangzüng khülang thsü, tüsho arünü Israel kurungkheak kiulongthsüshihpü David mujude-mokhit.

2 KIULONG THSÜRÜ 9:6

Jumonü Jehunü asürü tüsho alunglim yüzah; athrününgtsüng junü aku kheak müdangke dungkihde api ki tha, “Atungpuh Israel Thrünpuhnü ha thachoh: Atungpuh mihtsürü, Israel kurungkheak kiulongthsürü thsüpü inü nü mujude-mokhitchoh.

1 KIUTHSÜYUKHEAN 11:3

Jumonü Israel azothsürübo alala Hebron ching kiulongthsüpuh ki arü, tüsho Davidnü Hebron ching Atungpuh miki arü kheak tangzüng khülang thsü. Tüsho Atungpuh yu yande arünü Israel kurungkheak kiulongthsürü thsüpü Samuel hode David mujude-mokhit.

MUNGSHIKHÜN 89:20

Inü I yamlarü David ngüdo; inü I yo amüsüh müdangkenü api mujude-mokhitdo,

MUNGSHIKHÜN 89:21

I khah hode api labah; I binnü api düküngshihbah.

WÜHKHE 11:17

Tüsho I akibahle ju ching inü nü kheak asukachihbah, tüsho nü kheak lakhi me khürü inü lubah arü kheak yukjihbah; tüsho arünü mihtsürü hahmülang nü lung hanrungbah, junangde nü zangrünü lang mühan.

WÜHKHE 27:18

Tüsho Atungpuhnü Mosa ki tha, “Nun tsührü Jihusua, me lakhi mihtsürü nünü bedarübah nü khah api kheak nimang;

JOHAN 3:34

Tümüde shepü Thrünpuhnü athiyikheanü Thrünpuh yubo asukchoh, tümütüsho Thrünpuhnü me ju adünbah müjihchoh.

YUNIRÜBO RHIMO 13:22

Küyimki apinü anihbuh yihkhita bahkhea, arü thsungkheak apinü kiulongthsürü thsüpü David asürüshih; Thrünpuhnü api dünkheak tha, ‘Inü alümkhi alala rhimopü, inü amulongkhi mihtsürü khülang, Jesse tsührü David inü yimkhitdo.’

IBRI 1:9

Nünü thiyuro-lungki muzhodo tüsho amülim thraneando; jumonü nü Thrünpuhnü nü müyamrübo kheaknü alü thsüde asühkhi müdangkenü nü mujujihdo.”

IBRI 11:32

Tüsho kheaküshe inü tümü thaba? Inü Gideon, Barak, Samson, Jephtha, David, Samuel tüsho wukihrübo dünkheak thapü kim müla,

MAHKHAPRÜ 11:29

Judüki Atungpuh me Jephtha kheak arü, tüsho apinü Gilead tüsho Manase tsahho, tüsho Gilead ching Mizpa tsahho; tüsho Gilead ching Mizpa chingnü Amon mihtsürübo kilim yü.

MAHKHAPRÜ 13:25

Tüsho Zora le Eshtaol dükeak Mahane Dan ching A TUN GPU H menü api kheak thurumusupü tankih.

MAHKHAPRÜ 14:6

Atungpuh me api kheak tode arü, tüsho akhah ching tümü mülalashe mihnu nunu chakrüpkhi nangde apinü kekhüzü chakrüp. Tüshe apinü arhimokhi abuh le abe ki mütha.

MAHKHAPRÜ 3:10

Atungpuh me api kheak arü, tüsho apinü Israel mahkhap; api thirithsü ching yü, tüsho Atungpuhnü Mesopotamia kiulongthsüpuh Kushan-rishathaim api khah ching jihde akuk ngüshih.

1 SAMUEL 1:19

Arünü mükikde asürü tüsho Atungpuh miki kingaün; tüsho arünü Rama ching arü yam lim alode yü. Elkananü aniube Hanna kheak nung tüsho Atungpuhnü atamkhüntamnü alojih.

1 SAMUEL 10:1

Judüki Samuelnü oliv müdangke lubah aku kheak dungkihjih, tüsho api kheak müthsüpbah tha: “Atungpuhnü api yamrüplurüp Israel mihtsürü kurungkheak yakzan shuhpü nü mujude-mokhitdo yung de?

1 SAMUEL 10:6

Jushu Atungpuh me nü kheak labah, tüsho nü she arü lung müchitmudude akambah tüsho mihtsürü püpü kambah.

1 SAMUEL 11:6

Küyimki Saulnü harü yubo sokhea, Thrünpuh me api kheak arü, tüsho api bukakhiukkhi alü kam.

1 SAMUEL 16:18

Athrününgtsüng khülangnü tha, “Inü Bethlehemrü Jesse tsührü khülang akingsorü, mulong torü, athrungrü, thiyu ching ayuk, tüsho trungdung akheahakhamkhi ngüdo; tüsho Atungpuh api lung lah.”

1 SAMUEL 18:12

Saulnü David tre tümüde api lung Atungpuh lakheah tüshe Saul kheaknü a chamkhiabah.

1 SAMUEL 2:35

Inü I thsungkheak athülünkhi amükeamrü khülang mokhitbah, apinü I mulong ching tüsho I lümkhi ching lakhi yande arhimobah. Inü api kilim amütsankhi thüyam thsüjihbah, tüsho apinü lünnü inü amüsühkhitkhi miki tsahbah.