1 SAMUEL 16:12 - AMÜSÜH HÜM CL Bible (BSI)

¹² Apinü thiyia yüshihbah anihbuh bede yüzah. Kheakü api shihphü atsü, mük akheahakham, tüsho trungdung atsü lakheah. Atungpuhnü tha, “Wusuang tüsho api mujude-mokhitang; tümüde ha buh ah.”

1 SAMUEL 16:12 Iomraidhean Croise

THRÜNTAN 39:6

Junangde api lakhi alala Josep khah ching jih, tüsho anihbuhnü tsühyungkhi kheak hode apinü tümü mümükheahde alakheah. Tüsho Josep ju trungdung tüsho akheahpü atsü lakheah.

2 SAMUEL 23:1

Kheakü harübo David akheam yubo ah: Jesse tsührü Davidnü müchitkhi yu, Thrünpuhnü ashuhkihbuh mihtsürünü müchitkhi yu, Jakob Thrünpuhnü mujude-mokhitbuh, Israel ching khün thsürü khülang:

2 SAMUEL 7:8

Kheakü jumonü nünü ha I yamlarü David ki thaang: Wuto Atungpuhnü ha thachoh: Inü nü mükeak ching namfimihnu dunglim yande alakhi chingnü I mihtsürü Israel kurungkheak yakzan shuhshihpü lukheah;

1 KIULONG THSÜRÜ 1:34

Ju ching amükeambuh Zadok tüsho wukihbuh Nathan anenü api Israel kurungkheak kiulongthsürü thsüpü mujude-mokhitshang; jushu hulipungpung khungang, tüsho thaang, ‘ Kiulongthsüpuh Solomon kutsüpde laang!’

MUNGSHIKHÜN 2:2

Alomi kiulongthsürübonü arü jing jungpung thsüa luchoh, yakzanshuhrübonü Atungpuh , tüsho apinü mujude-mokhitkhi kiulongthsürü azhihde rukhüh lümkhi asahde thachoh,

MUNGSHIKHÜN 2:6

“I amüsüh wung, Zion kheak inü I kiulongthsüpuh zolah.”

MUNGSHIKHÜN 78:70

Apinü ayamlarü David mokhit, tüsho namfimihnu bolungnü api bea lu;

ABEKHIT 2:2

Tüsho alibenü api khilim tsührü athrürü khülang zübejih. Küyimki alibenü khungarü ju athrürü atsü ngükhea, anihbenü api khinu mahsam müyima zo.

KHÜNBOLUNGKHÜN 5:10

I tsübuh a müyelah tüsho mürümmürido lah, chithürü bolung khülang ah.

TÜZHOKHI 4:7

Anihbe yakzanshuhrübo phürüm kheaknü ayinbe, niuhke kheaknü amüyebe lakheah; arü pangbo mürümmuchu kheaknü alü mürümmüride, arü kuyü shotolung-bluk nangde alakheah.

ZEKARIA 4:14

Jushu apinü tha, “Hane ha alomi athrünkhi Tungpuh ki zhiprü mujude-mokhitkhi ah.”

YUNIRÜBO RHIMO 4:27

Tümütüsho ha kiuto ching nünü mujude-müsühkhitkhi, amüsüh nü yamlarü Jisu azhihde khiungkerü tüsho Israel mihtsürü lungnü Herod tüsho Pontia Pilat ane chido mukhung,

YUNIRÜBO RHIMO 7:20

Ju kim ching Mosa zübe, tüsho Thrünpuh miki akhamde alakheah. Tüsho api ju abuh yam ching khinu mahsam mütrü;

IBRI 11:23

Akin hode Mosa zübechoki api bebuhrünü khinu mahsam müyima zo, tümütüsho khungarü ju akheahakham lakheah; tüsho arünü kiulongthsüpuh yukhüm mütrede alakheah.

1 SAMUEL 16:18

Athrününgtsüng khülangnü tha, “Inü Bethlehemrü Jesse tsührü khülang akingsorü, mulong torü, athrungrü, thiyu ching ayuk, tüsho trungdung akheahakhamkhi ngüdo; tüsho Atungpuh api lung lah.”

1 SAMUEL 17:42

Küyimki Goliathnü David ngükhea, apinü münejih, tümüde api athunu, mürümmürido tüsho trungdung atsü lakheah.

1 SAMUEL 17:55

Küyimki Davidnü Goliath azhihde ayükhi Saulnü angükhea, apinü bonungrü limthobuh Abner ki tha, “ Abner, ha shepü tsührü a?” Abnernü tha, “O kiulongthsüpuh, nü rhangdung la khiungde, inü mümükheah.”

1 SAMUEL 9:17

Küyimki Samuelnü Saul ngükhea, Atungpuhnü api ki tha, “ Ha ching inü nü ki thakhi mihtsürü lah. Apinü I mihtsürü kurungkheak yakzan shuhbah.”