1 SAMUEL 16:1 - AMÜSÜH HÜM CL Bible (BSI)

¹ Atungpuhnü Samuel ki tha, “ Külokhüh nü Saul dünkheak tüzhoba? Inü api Israel kurungkheak kiulongthsüpü chingnü bahyukdo. Nü shihjuh ching oliv müdangke yukang tüsho tsahmusuang; inü nü Bethlehem ching Jesse kilim yüshihbah, tümüde api tsührü bolungnü inü kiulongthsürü khülang mokhitdo.”

1 SAMUEL 16:1 Iomraidhean Croise

1 KIULONG THSÜRÜ 8:16

‘Inü I mihtsürübo Ijip chingnü abekhitkhi nimungnü, thüyam khülang thsüpü thsüde inü Israel trük püpü bolungnü kiuto mumokhit; tüshe I mihtsürü Israel kurungkheak lashihpü inü David mokhit.’

2 KIULONG THSÜRÜ 9:1

Judüki wukihbuh Elishanü wukihrü bolung khülang ji tüsho api ki tha, “Nü chim rüma lung; ha müdangke pung nü khah ching luang, tüsho Ramoth-gilead ching yüang.

2 KIULONG THSÜRÜ 9:3

Jushu müdangke pung lubah aku kheak dungkihang, tüsho thaang, ‘Atungpuhnü ha thachoh: Inü Israel kurungkheak kiulongthsürü thsüpü nü mujudemokhitchoh.’ Jushu khimdopü khimshuhbah alihde tsoang; dashu.”

2 KIULONG THSÜRÜ 9:6

Jumonü Jehunü asürü tüsho alunglim yüzah; athrününgtsüng junü aku kheak müdangke dungkihde api ki tha, “Atungpuh Israel Thrünpuhnü ha thachoh: Atungpuh mihtsürü, Israel kurungkheak kiulongthsürü thsüpü inü nü mujude-mokhitchoh.

1 KIUTHSÜYUKHEAN 11:3

Jumonü Israel azothsürübo alala Hebron ching kiulongthsüpuh ki arü, tüsho Davidnü Hebron ching Atungpuh miki arü kheak tangzüng khülang thsü. Tüsho Atungpuh yu yande arünü Israel kurungkheak kiulongthsürü thsüpü Samuel hode David mujude-mokhit.

1 KIUTHSÜYUKHEAN 28:4

Tütüshe Israel kurungkheak lünnü kiulongthsürü thsüpü Atungpuh Israel Thrünpuhnü isa jipürü yamkhün alala chingnü I mokhit; tümüde apinü Juda limberü mokhit, tüsho I buh Juda yamkhün ching, I buh tsührü bolung ching apinü I Israel alala kurungkheak kiulongthsürü thsüshihpü kün.

ISAIA 11:1

Jesse sangme kheaknü adübit khülang chinbah tüsho api yingbo kheaknü akhah khülang akhiukbah.

ISAIA 11:10

Ju nimung Jesse ying kheaknü mihtsürübo kilim amütsan khülang nangde alabah; trükshihbonü api ki shomukhungbah, tüsho api lapung müretahde alabah.

ISAIA 55:4

Kheahang, inü api ki mihtsürübo thiyumütsan thsüjihdo, limberü khülang tüsho mihtsürübo thsungkheak limthorü lah.

JEREMIA 11:14

Jumonü, ha mihtsürübo thsungkheak dümushu, yungsho arü thsung thsüde düzhi yungsho dütamkhüntamnü, tümüde arü küpkhuk kim ching arünü I jikhi inü mani.

JEREMIA 15:1

Judüki Atungpuhnü I ki tha: Mosa tüsho Samuel I miki zhipzhip she, I mulong ha mihtsürü kilim murholo. I mikinü arü wukhiukshang, tüsho arübo tsoshang!

JEREMIA 6:30

Arübo “Abahyukkhi shotoyinchi” de jichoh, tümüde Atungpuhnü arü bahyukdo.

JEREMIA 7:16

Nünü harü mihtsürü thsungkheak dütamkhüntamnüjih, arü thsung thsüde düzhi yungsho dütamkhüntamnü, tüsho I ki dümushu, tümüde inü nü ki mani.

ZEKARIA 4:14

Jushu apinü tha, “Hane ha alomi athrünkhi Tungpuh ki zhiprü mujude-mokhitkhi ah.”

ROMRÜ KILIM PAULNÜ ATHRÜTKHI KIHÜM HUHTANYU 15:12

tüsho kheaküshe Isaianü thachoh, “Jesse tsühsoniuso arübah; khiungkerü yakzan shuhpü api arübah tüsho api kheak arünü mulonglam labah.”

IBRI 11:32

Tüsho kheaküshe inü tümü thaba? Inü Gideon, Barak, Samson, Jephtha, David, Samuel tüsho wukihrübo dünkheak thapü kim müla,

1 JOHAN 5:16

Khürünü nihbuh keoniorü ashepü müthsüde neak yihbeakde ngüsho, apinü tamkhüntamnüjang tüsho Thrünpuhnü api kilim rhangdung jihbah. Inü ha amüshebe neak ki thachoh. Ashepü thsüde neak khülang lah. Ju dünkheak apinü tamkhüntamnübeah de inü thachoh yung.

1 SAMUEL 10:1

Judüki Samuelnü oliv müdangke lubah aku kheak dungkihjih, tüsho api kheak müthsüpbah tha: “Atungpuhnü api yamrüplurüp Israel mihtsürü kurungkheak yakzan shuhpü nü mujude-mokhitdo yung de?

1 SAMUEL 15:11

“Inü Saul kiulongthsürü kamshihkhi I mulong ashichoh, tümüde apinü I ru yankhi chingnü rholodo, tüsho I yukhümbo mürhimo.” Samuelnü bukakhiuk; tüsho tsüngreroro Atungpuh ki zhi.

1 SAMUEL 15:23

Tümüde azhihde arhimokhi ju thümüthiyi nangde neak tüsho nihnihrarakhi ju amülimkhi tüsho sangthsü kingaünkhi ruk ah. Tümütüsho nünü Atungpuh yu bahyukdo, apinü nü she kiulongthsürü chingnü bahyukdo.”

1 SAMUEL 15:26

Samuelnü Saul ki tha, “Inü nü kilim murholo; tümüde nünü Atungpuh yu bahyukdo, tüsho nü Israel kurungkheak kiulongthsürü chingnü Atungpuhnü bahyukdo.”

1 SAMUEL 15:35

Samuelnü api shekhün ching yüzahde Saul müngüdebah, tüshe apinü Saul dünkheak tüzho. Tüsho Atungpuhnü Saul ju Israel kurungkheak kiulongthsürü thsüshihkhi dünkheak api mulong ashide lüm.

1 SAMUEL 16:15

Tüsho Saul yamlarübonü api ki tha, “ Kheakü kheahang, Thrünpuh kilimnü amünean me arübah nü thsurangchoh.

1 SAMUEL 16:23

Tüsho küyimki Thrünpuh kilimnü amünean me Saul kheak arüde alakhea, Davidnü bingkhung ju akhahnü shuhbah khung, tüsho Saul keamramde la tüsho tsüde kam, tüsho amünean me api kheaknü chamachih.

1 SAMUEL 17:12

Kheakü David ha Juda ching lakhi Bethlehem chingnü Ephrarü Jesse tsührü ah, api tsührü 8 lakheah. Saul kiulongthsüchoki ha buh mihtsürü ha khide shina lakheah.

1 SAMUEL 9:16

“Shido ha kim ching inü Benjamin lomi ching yo mihtsürü khülang nü kilim arüshihbah, tüsho nünü api Israel mihtsürü kurungkheak yakzan shuhshihpü mujudemokhitbah. Apinü I mihtsürübo Filistiarü khah chingnü akhümkhitbah; tümüde inü I mihtsürü thsünükhi ngüdo, tümütüsho arünü azhikhi I kilim arüdo.”