1 SAMUEL 15:28 - AMÜSÜH HÜM CL Bible (BSI)

²⁸ Tüsho Samuelnü api ki tha, “ Ha nimungnü Atungpuhnü Israel kiulongthsü nü kheaknü rukrüpdo, tüsho ju nü kheaknü atsübe, nü yamhingrü kilim jihabahdo.

1 SAMUEL 15:28 Iomraidhean Croise

2 SAMUEL 3:10

Saul yamkhün chingnü kiulongthsü luakhinbah, tüsho Dan chingnü Beersheba khiungde Israel tüsho Juda kurungkheak David kiulongthsü zojihbah.”

2 SAMUEL 3:18

Kheakü ju rhimoang; tümüde Atungpuhnü David ki thiyuchihchim: I yamlarü David hode Filistiarü, tüsho arü riri alala khah chingnü I mihtsürü Israel khümkhitbah.”

2 SAMUEL 3:9

Jumonü Thrünpuhnü Abner kheak rhimoshang tüsho khide amütsübe she kamshang! Tümüde Atungpuhnü tümü David ki thiyuchihchimkhea, ju inü api thsungkheak akuk ngübah,

2 SAMUEL 6:21

Davidnü Mikal ki tha, “Ha Atungpuh miki nü buh tüsho api yamkhün müthri Atungpuh mihtsürü Israel kurungkheak kiulongthsürü thsüshihpü mokhitkheah, jumonü inü Atungpuh miki tsünkheah.

1 KIULONG THSÜRÜ 11:11

Jumonü Atungpuhnü Solomon ki tha, “Tümütüsho nünü ha rhimodo tüsho inü nü ki thiyukhüm jihkhi I tangzüngkhi tüsho I yakzanbo mani, tsükjide inü nü kiulongthsü nü kheaknü thorüpbah tüsho nü yamlarü kilim jihbah.

1 KIUTHSÜYUKHEAN 10:14

tüsho Atungpuh limbekhi müyim. Jumonü Atungpuhnü api sheshih tüsho kiulongthsü Jesse tsührü David kilim jihabah.

JOB HU H T ANYU 34:24

Apinü mükeokhide sühmüh larübo adütre kamshihchoh, tüsho arü müthri püpürü zochoh.

DANIEL 4:17

Ha aheangrü, yunirü khülang yuzüng lah, junangde Khide Achangbuhnü mihtsürü kiulongthsü kurungkheak yakzan shuhchoh, tüsho apinü amulongrü ki jihchoh, tüsho akheamkhibe mihtsürü kurungkheak she zojihchoh de mihtsürü lüpdükhinü amükheahbah.’

DANIEL 4:32

Mihtsürü bolungnü nü yana bahbah, tüsho mütüm shiwüh bolung nü labah. Moshipung nangde nü rim rhipa tsühshihbah, nü ayinke ajipbah, tüsho Khide Achangbuhnü mihtsürü kiulongthsü kurungkheak yakzan shuhchoh tüsho apinü amulongrü kilim ju jihchoh de nünü manikhityi khiungde kam thüne rünkhitbah.”

JOHAN 19:11

Jisunü alo, “Akulimnü nü kilim müjih-a lasho nünü I azhihde tümü wu müla. Jumonü shepünü I nü kilim jihkheanü neak atobe lah.”

YUNIRÜBO RHIMO 13:22

Küyimki apinü anihbuh yihkhita bahkhea, arü thsungkheak apinü kiulongthsürü thsüpü David asürüshih; Thrünpuhnü api dünkheak tha, ‘Inü alümkhi alala rhimopü, inü amulongkhi mihtsürü khülang, Jesse tsührü David inü yimkhitdo.’

ROMRÜ KILIM PAULNÜ ATHRÜTKHI KIHÜM HUHTANYU 13:1

Mihtsürü abannü thiyukhümsühmüh khüp laang. Tümütüsho Thrünpuhnü amülüjihkhi kheak hode thiyukhüm-sühmüh püpü müla, tüsho sherü lanü Thrünpuhnü amokhitkhi lah.

1 SAMUEL 13:14

tüshe kheakü nü kiulongthsü tukloabahbah; Atungpuhnü amulongkhi mihtsürü khülang yimkhitdo; tüsho Atungpuhnü amihtsürü kurungkheak yakzan shuhshihpü api mokhitdo, tümütüsho nünü Atungpuhnü thiyukhüm jihkhi mani.”

1 SAMUEL 16:12

Apinü thiyia yüshihbah anihbuh bede yüzah. Kheakü api shihphü atsü, mük akheahakham, tüsho trungdung atsü lakheah. Atungpuhnü tha, “Wusuang tüsho api mujude-mokhitang; tümüde ha buh ah.”

1 SAMUEL 18:8

Saulnü khide bukakhiuk, tümüde ha thakhinü api masühde kam. Apinü tha, “ Arünü David ki chithürü thürübo tha, tüsho I ki chithürübo tha; arünü api ju kiulongthsürü kamshihpü thsüchoh!”

1 SAMUEL 25:30

Küyimki apinü nü dünkheak atsü alala thakhi, tüsho nü Israel kurungkheak kiulongthsürü thsüpü mokhitkhi yande Atungpuhnü I tungpuh kheak rhimobanü,