1 SAMUEL 15:24 - AMÜSÜH HÜM CL Bible (BSI)

²⁴ Saulnü Samuel ki tha, “Inü neak yihbeakdo; tümüde inü Atungpuh yukhüm tüsho nü yubo lakmihdo, tümütüsho inü mihtsürübo kheak trede arü yu anido.

1 SAMUEL 15:24 Iomraidhean Croise

THRÜNTAN 3:12

Judüki mihtsürünü alo, “Nünü I lung lashihkhi alibenü sangdung kheaknü sangaso I kilim jih tüsho inü tsüh.”

THRÜNTAN 3:17

Apinü Adam ki tha, “Tümütüsho nünü nü niube yu anide inü nü ki dütsüh de thiyukhüm jihkhi sangdung chingnü tsühdo: nü dünkheaknü alo muthrumüneana lah; nü rhangdung amuyung khisahbah lang atsühbah.

2 SAMUEL 12:13

Davidnü Nathan ki tha, “Inü Atungpuh azhihde neak yihbeakdo.” Nathannü David ki tha, “Kheakü Atungpuhnü nü neak bahjihdo; nü müshe.

JOB HU H T ANYU 31:34

tümütüsho boto trekhinü inü zhipa lasho, tüsho gukbonü abahyukkhinü I müzüna lasho, junangde inü khimdopü hode muwukhiukde zhikde laa lasho–

MUNGSHIKHÜN 51:4

Nü azhihdü lang inü neak yihbeakdo, tüsho nü miki tümü amütsüanü rhimodo. Junangde nünü asukchoki nü alim ngübah; tüsho nünü mahkhapchoki amudopü müla.

ABEKHIT 10:16

Judüki Pharaonü niokheamde Mosa tüsho Aron jibah tha, “Inü Atungpuh nüsa Thrünpuh tüsho nüsa azhihde neak yihbeakdo.

ABEKHIT 23:2

Amütsü rhimopü nünü boto düyan; yungsho thiyumütsan jihchoki thiyuro bephülappü thsüde boto kilim dütsang.

ABEKHIT 9:27

Tüsho Pharaonü Mosa le Aron jibah tha, “Ha kim ching inü neak yihbeakdo. Atungpuh ju thiyurolungki tüsho I mihtsürübo le I mihbukmuyuk ah.

MÜCHITMUDU 29:25

Mihtsürü trekhinü müthrim handarüchoh, tüshe shepünü A TUN GPU H kheak kinchonü akhümkhitbah.

JEREMIA 38:5

Kiulongthsüpuh Zedekianü tha, “ Kheahang api nü khah ching lah; tümüde kiulongthsüpuhnü nüsa müzhipdokhuk.”

WÜHKHE 22:34

Tüsho Balaamnü Atungpuh yunirü ki tha, “ Inü neak yihbeakdo, tümüde I azhihde nü limro ching zhipkhi inü mümükheah. Jumonü nü miki amülim thsüa lasho, I alode ayübah.”

MATHI 27:4

Apinü tha, “Amülim mülarü yinatsühde thiyih bukshihkhi hode inü neak yihbeakdo.” Arünü alo, “Isanü ju tümü thsüjihpü? Ju nü küdah thsang!”

GALATIA 1:10

Kheakü inü mihtsürü asühshihpü a shi Thrünpuh asühshihpü mürangcho? Yungsho inü mihtsürü asühshihpü mürangcho de? Inü mihtsürü asühshihchokhülaa, I Khrista yamlarü müthsüde alabah.

AMIKHEAKAKHIUKKHI 21:8

Tüshe mulong müzahrü, akin-mülarü amüneankhi, mihlaksahrü, müzammüramrü, wurük-huhrü, sangthsü kingaünrü tüsho akeangyu tharü thsungkheak a arü shihcham ju mahnekipü shekhi, mo tüsho yinchike bede atrukhi modüjim labah.”

1 SAMUEL 15:15

Saulnü tha, “ Arübo Amalek chingnü hande arükheah; tümüde mihtsürübonü Atungpuh nü Thrünpuh laksah-a kingaünpü thsüde namfimihnu tüsho moshi atsüdakbo aningshih; tüshe aningkhi püpü a isanü shahde laksahkhamdo.”

1 SAMUEL 15:30

Judüki Saulnü tha, “Inü neak yihbeakdo; judüalalashe kheakü I mihtsürü azothsürü tüsho Israel miki I wüntre jihang, tüsho I kilim rholoang, junangde inü Atungpuh nü Thrünpuh kingaünbah.”

1 SAMUEL 15:9

Saul tüsho mihtsürübonü Agag aningshih, tüsho namfimihnu le moshibo, tüsho moshi nunu le namfimihnunu atsüdakbo mülaksah, tüsho tümükhüh atsübo müthsümünim; yihnüpü mülakhi yungsho athülih-kukrukbo arünü shahde thsümünim.

1 SAMUEL 2:29

Dale küde thsah inü thiyukhüm jihkhi laksah-a kingaünkhi tüsho jihchungkhibo kheak mükhütde kheahcho, tüsho I mihtsürü Israelrünü kingaünkhi atsüdakbe shihcham lude nüsa shih kihde I kheaknü nü tsührübo ki wüntre jihcho?’

1 SAMUEL 26:21

Judüki Saulnü tha, “Inü amülim rhimodo; I tsührü David alode arang, tümüde kheaküa inü nü müthsümünim, tümütüsho khihni I rhangdung nü miki shoto lakheah; I bünkeangbünrudo, tüsho amülim ato khülang thsüdo.”