1 SAMUEL 15:23 - AMÜSÜH HÜM CL Bible (BSI)

²³ Tümüde azhihde arhimokhi ju thümüthiyi nangde neak tüsho nihnihrarakhi ju amülimkhi tüsho sangthsü kingaünkhi ruk ah. Tümütüsho nünü Atungpuh yu bahyukdo, apinü nü she kiulongthsürü chingnü bahyukdo.”

1 SAMUEL 15:23 Iomraidhean Croise

THRÜNTAN 31:19

Kheakü Laban anihbuh yo namfimihnu nam rhippü yüa lakheah, tüsho Rachelnü abuh yo yambuk thrünpuhbo ahüh-a lu.

THRÜNTAN 31:34

Kheakü Rachelnü yambuk thrünpuhbo lubah kemel düthsün kheak binpung khüp yuk tüsho jurü kheak bin. Labannü khimyam alala ching kheah tüshe jurü müyimkhit.

2 SAMUEL 12:9

Api miki amütsü lakhi tümüde nünü Atungpuh yu amülim kamshihkhea? Nünü Hitbuh Uria nukshangnü laksahdo; nünü aniube ju nü niube thsüpü ludo, tüsho Amonrü nukshangnü api laksahdo.

2 SAMUEL 7:15

Tüshe nü mikinü luakhinkhi Saul kheaknü chamachihkhi nangde I amuzho api kheaknü müchamachih.

1 KIUTHSÜYUKHEAN 10:13

Junangde api thiyuro mülakhi dünkheaknü Saul sheabah; apinü Atungpuh yukhüm mani, ju lang yung, apinü mesherü ki limbeshihpü keokhi,

1 KIUTHSÜYUKHEAN 28:9

“Tüsho nü, I tsührü Solomon, nü buh Thrünpuh mükheahang, tüsho lümkhi khülang tüsho akünkhi mulongnü api tankihang; tümüde Atungpuhnü sulüm aban yimchoh, lümkhi tüsho lümzülümdo aban mükheahchoh. Nünü api yimsho, api nünü angübah; tüshe nünü api bahyuksho, apinü lünnü nü bahyukbah.

JOB HU H T ANYU 34:37

Tümüde apinü anihbuh neak ching azhihpü yukajakchoh; apinü isa bolung akhah damchoh, tüsho Thrünpuh azhihde api yubo alü kamshihchoh.

MUNGSHIKHÜN 107:11

tümütüsho arünü Thrünpuh yubo azhih, tüsho Khide Achang lümthiyan bahyuk,

ABEKHIT 22:18

“Wurük-huhrü sheshe rhangdung dülashih.

ISAIA 19:3

arü bolung Ijiprü me mülade akambah, tüsho inü arü lümkhibo akeangkeang kamshihbah; arünü sangthsübo tüsho ashekhi mebo tüsho mesherü le mebo ki keokhibah;

ISAIA 8:19

Küyimki mihtsürübonü dapdaprururü mesherü tüsho me-larü ki keoang de nü ki thabanü, mihtsürübonü arü Thrünpuh ki mükeobea de? Tümüde arhang larü thsung thsüde asherü ki keokhicho?

JEREMIA 16:12

tüsho nüsanü jipürü kheaknü amütsübe yakli huh, tümüde nüsa mihbüm abannü I ki anipü thsunglode, nihbuh lümkhi anihnih amütsü yanchoh.

JEREMIA 28:16

Jumonü Atungpuhnü ha thachoh: Inü nü alomi kheaknü yihkhita bahpü thsüchoh. Ha kam ching nü ashebah, tümütüsho nünü Atungpuh azhihde asukdo.”

JEREMIA 29:32

jumonü Atungpuhnü ha thachoh: Inü Nehelamrü Shemaia tüsho api tsühsoniusobo thsümüchipü thsüchoh; inü I mihtsürü ki atsü rhimopü lakhi kheahpü thsüde ha mihtsürü bolung api a sheshe alapü yung, Atungpuhnü thachoh, tümüde apinü Atungpuh azhihde asukdo.

HOSEA 13:11

Inü I bukakhiukkhi ching nü kilim kiulongthsürü khülang jih, tüsho I mulong zhipzhip ching inü api lude tso.

HOSEA 3:4

Hanangde Israel mihtsürünü kim ashang kiulongthsürü yungsho limberü mülade, shuhmülanga kingaünkhi yungsho amüsüh lung dungjingbo mülade, sangthsübo yungsho müchitpü mejakbo mülade alabah.

LEVI 20:27

Athrürü yungsho aliberü shepü mesherü yungsho thümürü thsübanü, dükde arübo lungnü arusahbah. Arü thiyih ju arü kheak kihbah.

LEVI 20:6

Shepünü mesherü tüsho thümürü kilim yübah arü kheak yüliyürabanü, inü arü azhihbah tüsho arübo mihtsürü bolungnü khekhita bahbah.

WÜHKHE 14:9

Atungpuh azhihdü lang duwusu; tüsho lomi ching larü mihtsürü dütre, tümüde arübo isa thsungkheaknü yikhap ah; arü tsungdojihbuh Thrünpuh arü kheaknü akhinabahdo, tüsho Atungpuh isa lung lah; arübo dütre.”

YUNIRÜBO RHIMO 13:22

Küyimki apinü anihbuh yihkhita bahkhea, arü thsungkheak apinü kiulongthsürü thsüpü David asürüshih; Thrünpuhnü api dünkheak tha, ‘Inü alümkhi alala rhimopü, inü amulongkhi mihtsürü khülang, Jesse tsührü David inü yimkhitdo.’

2 KORINT 6:16

Thrünpuh arüngyamnü sangthsübo kheak arihkhi tümü la? Tümüde isa ju arhang Thrünpuh arüngyam; Thrünpuhnü tha, “I arü kheak labah tüsho arü bolung tsahbah, I arü Thrünpuh thsübah tüsho arü I mihtsürü thsübah.

GALATIA 5:20

sangthsü kingaün, wurük, mükihachihkhi, rukachih, mükthsü, bukakhiuk, yihnelune, achamnakbo,

YUZÜNGTHALO 9:24

Inü nüsa mükheahkhi nimungnü ründe nüsanü Atungpuh azhihde arüdo.

YUZÜNGTHALO 9:7

“Nüsanü künangde sunglo ching Atungpuh nüsa Thrünpuh bukakhiukshihkheanü lümkhitang tüsho dümih; nüsa Ijip lomi ching chamachihkhi nimungnü ha dangpung khiungde arüchoki dükeak ching nüsanü Atungpuh azhihde arüdo.

JIHUSUA 22:15

Arübo Reuben, Gad, tüsho aniyüzahlim Manase mihtsürübo yimde Gilead ching arü,

AMIKHEAKAKHIUKKHI 21:8

Tüshe mulong müzahrü, akin-mülarü amüneankhi, mihlaksahrü, müzammüramrü, wurük-huhrü, sangthsü kingaünrü tüsho akeangyu tharü thsungkheak a arü shihcham ju mahnekipü shekhi, mo tüsho yinchike bede atrukhi modüjim labah.”

AMIKHEAKAKHIUKKHI 22:15

Aleangkheak a khihnubo, wurük-huhrü, müzammüramrü, mihlaksahrü, sangthsü kingaünrübo, tüsho arükchih rhimobo muzhorü lah.

1 SAMUEL 13:14

tüshe kheakü nü kiulongthsü tukloabahbah; Atungpuhnü amulongkhi mihtsürü khülang yimkhitdo; tüsho Atungpuhnü amihtsürü kurungkheak yakzan shuhshihpü api mokhitdo, tümütüsho nünü Atungpuhnü thiyukhüm jihkhi mani.”

1 SAMUEL 16:1

Atungpuhnü Samuel ki tha, “ Külokhüh nü Saul dünkheak tüzhoba? Inü api Israel kurungkheak kiulongthsüpü chingnü bahyukdo. Nü shihjuh ching oliv müdangke yukang tüsho tsahmusuang; inü nü Bethlehem ching Jesse kilim yüshihbah, tümüde api tsührü bolungnü inü kiulongthsürü khülang mokhitdo.”

1 SAMUEL 2:30

Jumonü Atungpuh Israel Thrünpuhnü thachoh: ‘Nü yamkhün tüsho nüsa jipürü yamkhün lünnü I miki yüzahbah tüsho awukhiukbah de inü thiyuchihchim thsü’; tüshe kheakü Atungpuhnü thachoh: ‘I kheaknü limshuabahang; tümüde shepünü I wüntrecho inü wüntrebah, tüsho shepünü I khenochonü junode arhimobah.

1 SAMUEL 28:3

Kheakü Samuel sheabah, tüsho Israel alalanü api thsungkheak tüzho tüsho anihbuh kiuto Rama ching kiuyukabah. Saulnü mesherü tüsho kuhi-kheahrübo lomi chingnü yankhitabah.