1 SAMUEL 15:17 - AMÜSÜH HÜM CL Bible (BSI)

¹⁷ Samuelnü tha, “Nü ju nü mük ching aninikhüh thsüa lalashe, nü Israel trükbo kurungkheak aku khülang yung de? Atungpuhnü nü Israel kurungkheak kiulongthsürü thsüshihpü mujude-mokhitkhi yung de?

1 SAMUEL 15:17 Iomraidhean Croise

HOSEA 13:1

Küyimki Ephraimnü asukkhea, mihtsürünü ajan; api Israel ching shuhkih; tüshe apinü Baal hode mülimkhi alü kam tüsho sheabah.

MATHI 18:4

Jumonü shepünü ha azürü nunu nangde nihbuh azhihayihde kamchonü yinmi kiulongthsü ching atobe ah.

MAHKHAPRÜ 6:15

Jumonü anihbuhnü api ki tha, “I tungpuh, küde thsah inü Israel khümkhitpü? Manase ching I guk anükbe ah, tüsho I buh yamkhün ching I aninibe ah.”

1 SAMUEL 10:1

Judüki Samuelnü oliv müdangke lubah aku kheak dungkihjih, tüsho api kheak müthsüpbah tha: “Atungpuhnü api yamrüplurüp Israel mihtsürü kurungkheak yakzan shuhpü nü mujude-mokhitdo yung de?

1 SAMUEL 10:22

Jumonü kheaküshe arünü Atungpuh ki keokhi, “ Mihtsürü ha ching marüyi de?” Tüsho Atungpuhnü alo, “ Kheahang, api hah thsükhi bolung jiklah.”

1 SAMUEL 15:16

Judüki Samuelnü Saul ki tha, “Zhikdang! Yishih Atungpuhnü I ki tümü thakheanü nü ki thabah.” Apinü alo, “ Thaang.”

1 SAMUEL 9:21

Saulnü alo, “I Israel trük akheamkhibe Benjamin chingnü lang ah, tüsho I yamkhün ju Benjamin trük bolung ching akheamkhibe ah. Dale tümüde nünü I ki ha ruk thacho?”