1 SAMUEL 15:12 - AMÜSÜH HÜM CL Bible (BSI)

¹² Samuelnü Saul shorupü yapsu mükikde asürü, tüsho api ki tha, “Saul a anihbuh thsungkheak apinü lung khima zopung Karmel lim yüdo, tüsho alodarüchoki api Gilgal lim yükido.”

1 SAMUEL 15:12 Iomraidhean Croise

THRÜNTAN 21:14

Jumonü Abrahamnü yapsu mükikde asürü, tüsho yikhap le shihküp-keluh lubah Hagar dubuh kheak yihkihjih tüsho azübuh ju bebah thiyia tsoshih. Alibenü chamachih tüsho Beersheba sunglo ching rümde tsah.

2 SAMUEL 18:18

Kheakü Absalomnü api rhangdung lachoki dungjing khülang lubah Kiulongthsüpuh Jindükhün ching khima zo, tümüde apinü tha, “I mung lümkhitpü thsüde I tsührü athrürü müla”; apinü dungjing ju anihbuh mungnü ji. Khihni khiungde Absalom Mümih-lung de jichoh.

2 SAMUEL 23:35

Karmelrü Hezro; Arbrü Paarai;

1 KIULONG THSÜRÜ 18:42

Jumonü Ahabnü wutubah tsüh tüsho yung. Elijanü Karmel mujuk kheak wutu; ju ching apinü alo kheak khukning tüsho amiro api mukhukbo dükeak yüzah.

2 KIUTHSÜYUKHEAN 26:10

Apinü sunglo ching aheangsadam thsü tüsho kekungbo ahihdo kiu, tümüde Shephela tüsho adükhün ane chido ching moshibo hihde alakheah, tüsho api yo thulu-thsürü le kurungasolu wochakrü awungbo ching tüsho atsü lobo ching lakheah, tümütüsho apinü alo muzhode alakheah.

JIHUSUA 15:55

Maon, Karmel, Ziph, Jutta,

1 SAMUEL 13:12

inü tha, ‘ Kheakü Filistiarü I kilim Gilgal ching akibah, tüsho inü Atungpuh ki mushude mükheang’; jumonü inü I zangrü lümkihbah taka kingaün jih.”

1 SAMUEL 13:15

Tüsho Samuel ju Gilgal chingnü tsoabah. Aningkhi mihtsürübonü bonungrü lung bepü Saul dunglim yan; arübo Gilgal chingnü Benjamin ching lakhi Gibea lim wutu. Saulnü api lung lakhi mihtsürübo 600 ngüm khekhit.

1 SAMUEL 17:20

Davidnü yapsu mükikde asürübah namfimihnu ju aneakrü ki zojih, tüsho tsühyungbe lubah Jessenü thiyukhüm jihkhi nangde yü. Bonungrübo keochihpung ching ahode ayüchoki api ju binkheampung ching arü.

1 SAMUEL 25:2

Ju ching nihbuh lakhit-kukruk Karmel ching larü mihtsürü khülang Maon ching lakheah. Mihtsürü ju khide alarü lakheah; api namfimihnu 3000 tüsho mihnu 1000 lakheah. Api Karmel ching mihnu nam nipde alakheah.

1 SAMUEL 7:12

Judüki Samuelnü lung khülang lubah Mizpa tüsho Shen dükeak khim, tüsho ju Ebenezer de ji; tümüde apinü tha, “ Ha khiungde Atungpuhnü isa rungdo.”