1 SAMUEL 14:47 - AMÜSÜH HÜM CL Bible (BSI)

⁴⁷ Küyimki Saulnü Israel kurungkheak kiulongthsü ngükhea, apinü mühirü api riribo alala, Moab, Amon, Edom, Zoba kiulongthsübo, tüsho Filistiarü kheak keochih; kürü ching api yükheanü apinü arübo küpkhuk jih.

1 SAMUEL 14:47 Iomraidhean Croise

THRÜNTAN 19:37

Adüjibenü athrürü zübe tüsho api mung Moab de ji; khihni khiungde api ju Moabrü abuh ah.

THRÜNTAN 19:38

Akheambenü she athrürü zübe tüsho api mung Ben-ammi de ji; khihni khiungde api ju Amon mihtsürü abuh ah.

THRÜNTAN 36:1

Ha Esau lünkhe (ju Edom).

THRÜNTAN 36:19

Harü Esau (ju Edom) tsührübo, tüsho arü akubeatorübo.

THRÜNTAN 36:8

Jumonü Esaunü (ju Edom) Seir awung lomi ching la.

2 SAMUEL 1:22

Alaksahkhi thiyih chingnü, wuto müdang chingnü, Jonathan sanglüh murholo, yungsho Saul nukshang akeangkeang malodarü.

2 SAMUEL 10:6

Küyimki Amonrünü arübo David riri kamdo de amükheahkhitkhea, Amonrünü thiyia yüshih tüsho Beth-rehob tüsho Zoba ching Siriarü, jingtsahrü bonungrü 20,000, tüsho Maaka kiulongthsüpuh mihtsürü 1000, tüsho Tob mihtsürübo 12,000 muloa bebah arü.

2 SAMUEL 8:15

Jumonü Israel alala kurungkheak Davidnü kiulongthsü; tüsho Davidnü thiyuro tüsho alungkinü api mihtsürü alala ki rhimo.

2 SAMUEL 8:3

Kheaküshe Zobarü Rehob tsührü kiulongthsüpuh Hadadezer anihbuh lung khimkhi thsülopü Euphra lim yüde alachoki Davidnü laksah.

1 KIULONG THSÜRÜ 11:23

Solomon azhihrü püpü Eliada tsührü Rezon Thrünpuhnü akhiukshih, api ju nihbuh putungrü Zoba kiulongthsüpuh Hadadezer kheaknü atsokheah.

2 KIULONG THSÜRÜ 14:27

Tüshe yinmi bukkhüpnü Israel mung nana bahbah de Atungpuhnü mütha, jumonü apinü Jehoash tsührü Jeroboam khah hode arü khümkhit.

1 SAMUEL 12:2

Kheahang, nüsa becho ha kiulongthsüpuh ah; I shina lah tüsho ku buyiuka lah, tüshe I tsührübo nüsa lung lah: I athunu kim chingnü khihni khiungde inü nüsa bedo.

1 SAMUEL 13:1

Küyimki Saul kiulongthsürü kamkhea, api kam 30 lakheah, tüsho apinü Israel kurungkheak kam yirükheak mahne kiulongthsü.

1 SAMUEL 14:46

Judüki Saulnü Filistiarü yankhi chingnü tuklo; tüsho Filistiarü arü lapung ching yü.

1 SAMUEL 14:52

Saul nimung alala ching Filistiarü bede müküpde keochihkhi lakheah; tüsho küyimki Saulnü khürü sühmüh lade yungsho thirithsürü athrungrü ngübanü, api tankihpü ching lu.

1 SAMUEL 21:7

Kheakü Saul yamlarü khürü ju nimung Atungpuh miki tukloa bin; api mung Doeg, Edomrü, Saul mihnu neakrü atobuh lakheah.