1 SAMUEL 14:40 - AMÜSÜH HÜM CL Bible (BSI)

⁴⁰ Apinü Israel alala ki tha, “Nüsa thripkhüh thsübah tüsho I le I tsührü Jonathan püpü thrip thsübah.” Mihtsürübonü Saul ki tha, “Nü ki tümü atsüanü rhimoang.”

1 SAMUEL 14:40 Iomraidhean Croise

2 SAMUEL 15:15

Kiulongthsüpuh torübonü api ki alo, “Isa tungpuh kiulongthsüpuhnü tümüpürü akhuchonü nü yamlarübonü arhimopü thsakhamlah.”

1 SAMUEL 1:23

Ayamkhünbuh Elkananü api ki tha, “Nünü atsükhi thsang, api tsühyungpü mütsühyi khiungde aleangang; tüsho Atungpuhnü thiyuchihchimkhi dükde dünjishang.” Jumonü alibenü thüyam ching la tüsho atsührü mütsühyung khiungde niuh duhde mütrü.

1 SAMUEL 14:36

Tüsho Saulnü tha, “Isanü Filistiarü kilim azhing ching yükianü tüsho yapsu müyinkhi khiungde yananü; isanü arü khülang she maningshihnü.” Arünü tha, “Nü ki tümü atsüanü rhimoang.” Tüshe amükeambuhnü tha, “Isanü akhuhde Thrünpuh ki keokhianü.”

1 SAMUEL 14:39

Tümüde Atungpuh lale, shepünü Israel khümkhitcho, I tsührü Jonathan thsüthsü she, api tsükjide ashebah!” Tüshe mihtsürü alala bolungnü api yu alorü sheshe mülade alakheah.

1 SAMUEL 14:41

Tüsho Saulnü tha, “O Atungpuh Israel Thrünpuh, tümüde nünü nü yamlarü ki khihni malojih le? Ha amülim I yungsho I tsührü Jonathan kheak lasho, O Atungpuh Israel Thrünpuh, Urimnü alojang; tüshe ha amülim Israel mihtsürü kheak lasho, Thummimnü alojang.” Tüsho Jonathan le Saul kheak azan thsükhit tüshe mihtsürübo a dükde la.

1 SAMUEL 14:7

Api thsühnuk hanbuhnü tha, “Nü mulong ching lakhi alala rhimoang. Jumonü yüang; nünü amulongkhi nangde, I ha ching nü lung lah.”