1 SAMUEL 14:27 - AMÜSÜH HÜM CL Bible (BSI)

²⁷ Tüshe Jonathannü abuhnü thirithsürü kheak thiyuchihchimde athakhi muso; jumonü apinü akhah ching zhimkhi tso mulo mukhukerüp ching athso, tüsho mukhuke ju tsüh; tüsho amükjibo rhüngrhüngde kam.

1 SAMUEL 14:27 Iomraidhean Croise

MÜCHITMUDU 24:13

I tsah-a, mukhuke tsühang, tümüde ha tsülah; mukhukerüp ching yo mukhuke ju nü mulo kheak niunglah.

MÜCHITMUDU 25:26

Thiyuro-lungki mihtsürü shepünü mihbukmuyuk ki ayeachihchonü akhimniuhniuh kenü yungsho azhihzhihkhi kekhip nangde lah.

1 SAMUEL 14:28

Judüki bonungrü khülangnü tha, “Nü buhnü thirithsürü kheak müküpde thiyuchihchimde tha, ‘Shepünü khihni yimtsühbanü muthrumünean thsang.’ Jumonü thirithsürübo yiuhyiuhlah.”

1 SAMUEL 14:29

Judüki Jonathannü tha, “I buhnü lomi küpkhukshihdo; kheahang I mükjibo küdükhüh rhüngrhüng la tümütüsho inü ha mukhuke anikhüh tsühakeakheah.

1 SAMUEL 14:43

Tüsho Saulnü Jonathan ki tha, “Nünü tümü rhimokheanü I ki thaang.” Jonathannü api ki tha, “I khah ching zhimkhi tso münkheam kheaknü inü mukhuke tsühakeakheahdo; I ha ching lah, I ashebah.”

1 SAMUEL 30:12

kheaküshe arünü api kilim khubaso yikhap khülang tüsho amukuhkhi kurungaso düchi mahne jih. Küyimki apinü atsühkhea, api sühmüh düküngde kam; tümüde api nimung mahsam tüsho tsüngre mahsam yikhap mütsüh yungsho ke muyungde alakheah.