1 SAMUEL 14:25 - AMÜSÜH HÜM CL Bible (BSI)

²⁵ Thirithsürü alala murung ching arü; tüsho alo ching mukhuke lakheah.

1 SAMUEL 14:25 Iomraidhean Croise

ABEKHIT 3:8

Ijiprü khah chingnü arü khümkhitpü tüsho ju lomi chingnü bekhitbah alomi atsü tüsho niuhke le mukhuke bukkhi Kananrü, Hitrü, Amorrü, Perizrü, Hivrü tüsho Jebusrü lapung bede ayüpü I akikheah.

MÜCHITMUDU 25:16

Nünü mukhuke ngüsho, nü kün thülün lang tsühang, jude yungsho hihde tsühbah nü amülümbah.

WÜHKHE 13:27

Tüsho arünü Mosa ki tha, “Nünü athiyikhi lomi ching isa yüdo. Dükde ju ching niuhke tüsho mukhuke bukchoh, tüsho ha ju ching yo sangaso ah.

YUZÜNGTHALO 9:28

jude yungsho nünü isa bebah arüpung lonü athabah, Tümütüsho Atungpuhnü arü ki thiyuchihchimkhi lo ching arü bebah müyü, tümütüsho apinü arü thranean, apinü arü sunglo chingnü alaksahpü bekhit.

MAHKHAPRÜ 14:9

Apinü ju chakkhia akhah ching lu tüsho tsühde yü. Küyimki api abuh le abe kilim arükheanü apinü ane kilim anükhüh jih, tüsho ane she tsüh. Tüshe apinü kekhüzü ashemi kheaknü mukhuke lukhi ane ki mütha.

1 SAMUEL 14:24

Kheakü ju nimung Israelrü lümthsünü ching lakheah, tümüde Saulnü bonungrü kheak thiyuchihchimde tha, “ Arelim mükamchoki tüsho inü I riri kheak romüyimlochoki shepünü yimtsühbanü api kheak muthrumünean yükihang.” Jumonü bonungrü shenü she jim mütsühake.

1 SAMUEL 14:26

Küyimki thirithsürübo murung ching arükhea, mukhuke ju jungkhit; tüshe arünü arü khah nihbuh mün ching muyuk, tümüde arünü thiyuchihchimkhi tre.