1 SAMUEL 14:23 - AMÜSÜH HÜM CL Bible (BSI)

²³ Jumonü ju nimung Atungpuhnü Israelrü kilim akuk ngüshih tüsho keochihkhi ju Beth-aven ching akhinde yü.

1 SAMUEL 14:23 Iomraidhean Croise

2 KIULONG THSÜRÜ 14:27

Tüshe yinmi bukkhüpnü Israel mung nana bahbah de Atungpuhnü mütha, jumonü apinü Jehoash tsührü Jeroboam khah hode arü khümkhit.

1 KIUTHSÜYUKHEAN 11:14

tüshe api le Davidnü alopung phulung ching zhipbah tsunglo, tüsho Filistiarü laksah; tüsho Atungpuhnü akuk ngükhi ato jihde arü khümkhit.

2 KIUTHSÜYUKHEAN 32:22

Jumonü Atungpuhnü Hezekia tüsho Jirusalem ching larübo Asiria kiulongthsüpuh Sennakerib tüsho api riri alala khah chingnü khümkhit; apinü thrip abande arü ki mungtsü jih.

ABEKHIT 14:30

Jumonü Atungpuhnü ju nimung Ijiprü khah chingnü Israel khümkhit, tüsho Ijiprübo keyean shea lakhi Israelnü ngü.

HOSEA 1:7

Tüshe inü Juda yamkhün kheak muzhobah; inü arübo sanglüh, yungsho nukshang, yungsho thirithsü, yungsho khorabo, yungsho khoraberü hode mükhümkhit; tüshe I Atungpuh arü Thrünpuh hode arü khümkhitbah.”

YUZÜNGTHALO 20:4

tümüde Atungpuh nüsa Thrünpuh nüsa khümkhitpü thsüde thiriri bede keochihpü nüsa lung yüchoh.’

JIHUSUA 7:2

Jihusuanü mihtsürü khürü aniakhiuklim Beth-aven phünide alakhi Ai lim Jirikho chingnü yüshihde tha, “Wutuang tüsho lomi züta kheahang.” Tüsho mihtsürübonü yübah Ai züta kheah.

MAHKHAPRÜ 2:18

Küyimki Atungpuhnü arü thsungkheaknü mahkhaprü arüshihkhea, Atungpuh ju mahkhaprü lung la, tüsho apinü arübo mahkhaprü nimungbo alala ching arü riri khah chingnü khümkhit; tümütüsho arü junode thsümüchirü dünkheaknü tüzhochoki Atungpuhnü mihmuzho huh.

1 SAMUEL 10:19

Tüshe khihni nüsanü nüsa Thrünpuh shepünü nüsa thsümütsü dünjikhi tüsho lümthsünübo chingnü khümkhitchonü api bahyuk; tüsho nüsanü tha, ‘Yung! tüshe kiulongthsürü khülang isa kurungkheak zojang.’ Jumonü kheakü nüsanü Atungpuh miki nüsa trükbo tüsho gukbo ayannü mukhungang.”

1 SAMUEL 13:5

Filistiarünü Israel kheak keochihpü thsüde khora-lolungbe 30,000, khoraberü 6000 tüsho thirithsürü mih hihde keyean loyi nangde trüngmukhung; arünü atu tüsho Beth-aven aniakhiuklim Mikmash ching bin.

1 SAMUEL 9:16

“Shido ha kim ching inü Benjamin lomi ching yo mihtsürü khülang nü kilim arüshihbah, tüsho nünü api Israel mihtsürü kurungkheak yakzan shuhshihpü mujudemokhitbah. Apinü I mihtsürübo Filistiarü khah chingnü akhümkhitbah; tümüde inü I mihtsürü thsünükhi ngüdo, tümütüsho arünü azhikhi I kilim arüdo.”