1 SAMUEL 14:13 - AMÜSÜH HÜM CL Bible (BSI)

¹³ Judüki Jonathannü api thsühnuk hanbuh adunglim tsahshihbah akhah le ajingnü künde yükih. Filistiarü ju Jonathan müngüh ayokhi, tüsho thsühnuk hanbuh api dunglim arübuhnü arübo laksah.

1 SAMUEL 14:13 Iomraidhean Croise

MUNGSHIKHÜN 18:29

Am, nü hode inü bonungrü zünakbah; tüsho I Thrünpuh hode inü chipi kheak jukbah.

ROMRÜ KILIM PAULNÜ ATHRÜTKHI KIHÜM HUHTANYU 8:31

Dale tüsho isanü ha küde athaba? Thrünpuh ju isa thsungkheak a sho, isa azhihrü she la?

YUZÜNGTHALO 28:7

“Nüsa azhihrü thiriribo Atungpuhnü nüsanü akukshihbah; arünü nüsa azhihde limbeak khülang chingnü akhiukbah tüsho nüsa müngüh limbeak thüne chingnü alihde atsobah.

YUZÜNGTHALO 32:30

Atungpuh arü Thrünpuhnü arü yinkhi yungsho, tüsho Atungpuhnü arü jihabahkhi yungsho, küde thsah khülangnü chithürü yande müshampü, tüsho mahnenü chithürü thürü alihde atsoshihpü?

IBRI 11:34

mo aniukhi zünmüt, nukshang chingnü tsokhi, yiuhyiuhde sühmüh lakhi kuk, thirithsü ching thrungde kam, khiungkerü thiriribo alihde tsoshih.

JIHUSUA 23:10

Nüsa khülangnü lang she mihtsürü chithürü alihde tsoshihkhuklah, tümütüsho apinü thiyuchihchimkhi nangde, Atungpuh nüsa Thrünpuhnü nüsa thsung thsüde keochihchoh.

MAHKHAPRÜ 9:54

Judüki apinü nahde api thsühnuk hanrü athrününgtsüng mihtsürü ki tha, “Nü nukshang dukkhitang tüsho I laksahang, jude yungsho mihtsürübonü athabah, ‘ Azoberü khülangnü api laksah-a lah.’” Jumonü api yo athrününgtsüngbuhnü api chinkhitde düchip tüsho sheabah.

1 SAMUEL 14:12

Thiriribonü Jonathan tüsho api thsühnuk hanbuh ane ki tha, “Isa kilim atung, tüsho isanü nüke ki tümükhüh huhbah.” Jonathannü thsühnuk hanbuh ki tha, “I dunglim arang; tümüde Atungpuhnü arübo Israel khah ching jihdo.”

1 SAMUEL 14:14

Akhuhbe laksahkhi ching Jonathan le thsühnuk hanbuh anenü thulu khinkhüh bankhi dükeak chingnü mihtsürü 20 bande laksah.