1 SAMUEL 13:5 - AMÜSÜH HÜM CL Bible (BSI)

⁵ Filistiarünü Israel kheak keochihpü thsüde khora-lolungbe 30,000, khoraberü 6000 tüsho thirithsürü mih hihde keyean loyi nangde trüngmukhung; arünü atu tüsho Beth-aven aniakhiuklim Mikmash ching bin.

1 SAMUEL 13:5 Iomraidhean Croise

THRÜNTAN 22:17

müngühmühi ching inü nü müngühjihbah, tüsho wühjabuja ching thüning ching chiningbo tüsho keyean loyibo nangde nü tsühsoniusobo bushihbah; tüsho nü tsühsoniusobonü arü riri kiutobo müküh-a lubah.

2 SAMUEL 17:11

Tüshe inü athsunganahpü lakhi jua, Israel alala keto yean loyi nangde boto Dan chingnü Beersheba khiungde nü ki mukhungbah nünü mihbüm abande keochih ching bebah yüang.

1 KIULONG THSÜRÜ 20:27

Küyimki Israelrübo she jimukhungbah thsühnuk thsakhamkhea, arünü arübo shorupü wukhiuk; Israel mihtsürübo a mihnu boto anini mahne nangde arü mikhuh ching binkheam, Siriarü a lomi mi.

2 KIUTHSÜYUKHEAN 1:9

O Atungpuh , Thrünpuh, nünü I buh David ki alokhikhibo kheakü dünjishang, tümüde alo asungthulung nangde ahihkhi mihtsürübo kurungkheak nünü I kiulongthsürü kamshihdo.

ISAIA 10:28

Arü Ai ching arüdo; arü Migron hode yüdo, Mikmash ching arü hah zolah;

ISAIA 48:19

Nü tsührü loyi nangde alabah, tüsho nü tsühsoniuso hibümbo nangde alabah; arü mung küyimkishe yihdoa mübah yungsho I mikinü müdükheakshih.

JEREMIA 15:8

Arü khimoberübo keto loyi kheaknü hihdakde kamdo; animuro inü athunu mihtsürü berübo azhihde athsümünim handarübah; zukleangnü inü arü kheak thsünü tüsho atrebe handarübah.

HOSEA 10:5

Samaria ching larü ju Beth-aven moshi nunu dünkheaknü ajanchoh. Mihtsürübonü ha dünkheak tüzhobah, tüsho ha kheaknü müretah tsokhi dünkheak ju kingaünrü amükeamrübonü mitripbah.

HOSEA 4:15

Nünü yüliyüra ahoriri she, O Israel, Juda amülim dükamshih. Gilgal ching düyüzah, yungsho Beth-aven ching duwutu, tüsho “Atungpuh lale,” de thiyuchihchim düthsü.

HOSEA 5:8

Gibea ching shihjuh mütang, Rama ching hulipungpung mütang. Beth-aven ching arhunganim düsheak thsang; nü dunglim mürüngang, Benjamin!

ROMRÜ KILIM PAULNÜ ATHRÜTKHI KIHÜM HUHTANYU 9:27

Tüsho Isaianü Israel dünkheak zhi: “Israel tsührübo khekhi ju loyi nangde lalashe, arü aningkhi lang akhümkhitbah;

JIHUSUA 11:4

Arübo nihbuh bonungrü ke yean loyi nangde be tüsho khora le keochih-lolungbebo she hihdakde lubah arü.

JIHUSUA 18:12

Dukulim arü lo aredung ju Jordan kheaknü tankihlah; aredung ju dukulim Jirikho lo düpheak thrip yü tüsho aniyüzahlim awung lomi hode Beth Aven khiunglah.

JIHUSUA 7:2

Jihusuanü mihtsürü khürü aniakhiuklim Beth-aven phünide alakhi Ai lim Jirikho chingnü yüshihde tha, “Wutuang tüsho lomi züta kheahang.” Tüsho mihtsürübonü yübah Ai züta kheah.

MAHKHAPRÜ 7:12

Tüsho Midiarü le Amalekrü tüsho aniakhiuklim mihtsürü alala tangkhobo nangde hihdakde jindükhün ching bin; arü kemelbo ju keyean loyi nangde mükhebinbe lakheah.

1 SAMUEL 13:11

Samuelnü tha, “Nünü tümü rhimokhea?” Saulnü alo, “ Küyimki inü mihtsürübo I kheaknü chamkhiabahde angükhea, tüsho nünü atsüngdokhi nimungbo dükeak ching nü marükhea, tüsho Filistiarü Mikmash ching trüngmukhungkhea,

1 SAMUEL 13:2

Israel bolung ching Saulnü 3000 mokhit; 2000 ju Mikmash tüsho Bethel awung lomi ching Saul lung lakheah, tüsho 1000 ju Benjamin lomi Gibea ching Jonathan lung lakheah; aningkhi mihtsürübo apinü nihbuh khimyambo ching thiyia yüshih.

1 SAMUEL 14:23

Jumonü ju nimung Atungpuhnü Israelrü kilim akuk ngüshih tüsho keochihkhi ju Beth-aven ching akhinde yü.

1 SAMUEL 14:52

Saul nimung alala ching Filistiarü bede müküpde keochihkhi lakheah; tüsho küyimki Saulnü khürü sühmüh lade yungsho thirithsürü athrungrü ngübanü, api tankihpü ching lu.

1 SAMUEL 17:1

Kheakü Filistia bonungrü thirithsüpü shomukhung; arübo Juda ching lakhi Soko ching mukhung, tüsho Ephes-dammim ching lakhi Azeka le Soko dükeak binkheam.

1 SAMUEL 7:13

Jumonü Filistiarü junoabah tüsho Israel lo ching müyüzahlo; Samuel kim amuyung Atungpuh khah Filistiarü azhihde alakheah.