1 SAMUEL 12:25 - AMÜSÜH HÜM CL Bible (BSI)

²⁵ Tüshe nüsanü judü lang amütsü rhimosho, nüsa le nüsa kiulongthsüpuh chido phüta bahbah.”

1 SAMUEL 12:25 Iomraidhean Croise

JOB HU H T ANYU 36:12

Tüshe arünü manisho, arübo nukshangnü adükheakbah, tüsho mükheahmudu mülade ashebah.

ISAIA 1:20

tüshe nüsanü reanglosho tüsho azhihsho, nukshangnü nüsa muyubah; tümüde Atungpuh münnü asukdo.

ISAIA 3:11

Amülimrü ayokhe! Küdükhüh she arü kuhi amütsü la, tümüde arü khahnü tümü rhimodünü arü kheak rhimobah.

HOSEA 10:3

Tümüde kheakü arünü athabah: “ Isa kiulongthsürü müla, tümütüsho isanü Atungpuh mütre. Tüshe kiulongthsüpuhnü isa thsungkheak tümü thsükhukba?”

YUZÜNGTHALO 28:36

“Atungpuhnü nüsa tüsho nüsa kiulongthsüpuh, nüsa le nüsa jipürünü mümükheahkhi trükshih ching bede ayübah; ju ching nüsanü sang tüsho lungnü athsükhi thrünpuhbo tankihbah.

YUZÜNGTHALO 8:19

Tüsho ha ruk labah, Küdüküdüshe nüsanü A TUN GPU H nüsa Thrünpuh mihabahde püpürü thrünpuhbo yansho, tüsho arü tankihde kingaünsho, nüsa tsükjide adükheakbah de inü nüsa azhihde ha nimung thiyumütsan jihchoh.

JIHUSUA 23:16

Nüsanü Atungpuh nüsa Thrünpuhnü tangzüngkhi thsümünimbah püpü thrünpuhbo ki mükhümde kingaünsho Atungpuh bukakhiukkhi nüsa kheak alü labah, tüsho apinü nüsa kilim jihkhi lo atsü chingnü nüsa nahde adükheakbah.”

JIHUSUA 24:20

Nüsanü api bahyukde khiungkerü thrünpuhbo tankihsho, apinü nüsa ki atsü rhimo dunglim rholobah nüsa thsümüchide adükheakshihbah.”

1 SAMUEL 13:1

Küyimki Saul kiulongthsürü kamkhea, api kam 30 lakheah, tüsho apinü Israel kurungkheak kam yirükheak mahne kiulongthsü.