1 SAMUEL 12:17 - AMÜSÜH HÜM CL Bible (BSI)

¹⁷ Khihni ha wheat hi yimluchoh yung de? Inü Atungpuh ki jibah, junangde apinü tsüngmuk tüsho tsüng arüshihbah; tüsho nüsanü Atungpuh miki kiulongthsürü kheangde amütsü rhimokhi tolah de nüsanü angübah.”

1 SAMUEL 12:17 Iomraidhean Croise

MUNGSHIKHÜN 99:6

Mosa tüsho Aron api amükeamrübo lung lakheah, tüsho Samuel ju api mung jirü bolung lakheah; arünü Atungpuh ki ji, tüsho apinü arü ki alojih.

ABEKHIT 32:30

Ashidopü Mosanü mihtsürübo ki tha, “Nüsanü tode neak yihbeakdo. Tüshe kheakü I Atungpuh kilim wutubah; khükijua inü nüsa neak dünthsükhijihbah.”

MÜCHITMUDU 26:1

Muzhu ching phürüm tüsho yimlu ching tsüng lakhi nangde makharü thsungkheaknü mungshipü maye.

JEREMIA 15:1

Judüki Atungpuhnü I ki tha: Mosa tüsho Samuel I miki zhipzhip she, I mulong ha mihtsürü kilim murholo. I mikinü arü wukhiukshang, tüsho arübo tsoshang!

JIHUSUA 10:12

Atungpuhnü Israel mihtsürü kilim Amorrü kheak akuk ngüshihkhi nimung mihtsürübo lungnü Jihusuanü Atungpuh ki tha, “ Ani, Gibeon kumung dütsahde zhipang; khinu, Aijalon jindükhün ching zhipang.”

1 SAMUEL 12:13

Kheahang, shepü nüsanü amokhitkhea tüsho akeokhikhea, kiulongthsüpuh ha ching lah; kheahang, Atungpuhnü kiulongthsürü khülang nüsa kurungkheak zojihlah.

1 SAMUEL 12:19

Mihtsürü alalanü Samuel ki tha, “Nü yamlarübo thsungkheaknü Atungpuh nü Thrünpuh ki tamkhüntamnüjang, junangde isa müshe; tümüde isa thsungkheaknü kiulongthsürü khülang kheangkhi hode isa neakbo kheak yukajakde alü yihbeaklodo.”

1 SAMUEL 2:10

Atungpuh azhihrü dükheakshihbah; Khide Achangbuhnü thüning ching tsüng mukbah. Atungpuhnü alomi alala mahkhapbah; apinü api kiulongthsüpuh kilim reangzahshihbah, tüsho apinü amüsühkhitkhi wu shuhkihbah.”

1 SAMUEL 7:5

Judüki Samuelnü tha, “Israel alala Mizpa ching bemukhungang, tüsho inü nüsa thsungkheak Atungpuh ki tamkhüntamnüjihbah.”

1 SAMUEL 8:6

Tüshe arünü, “Isa kurungkheak yakzan shuhshihpü isa kilim kiulongthsürü khülang jihang” de athachoki Samuel masühde kam. Jumonü Samuelnü Atungpuh ki tamkhüntamnü,

1 SAMUEL 8:7

tüsho Atungpuhnü Samuel ki tha, “ Mihtsürübonü nü ki thakhi arü düsheak alala ching anijang; tümüde arünü nü mübahyuk, tüshe arü kurungkheak kiulongthsürü zokhi hode I bahyukdo.