1 SAMUEL 12:15 - AMÜSÜH HÜM CL Bible (BSI)

¹⁵ tüshe nüsanü Atungpuh yu manide api yukhüm azhihsho, nüsa jipürü kheak azhihkhi nangde Atungpuh khahnü nüsa le nüsa kiulongthsüpuh azhihbah.

1 SAMUEL 12:15 Iomraidhean Croise

2 KIUTHSÜYUKHEAN 15:2

Apinü Asa shorupü wukhiuk, tüsho api ki tha, “I ki aniang, Asa, tüsho Juda alala tüsho Benjamin: Atungpuh nüsa lung lah, nüsa api lung lah. Nüsanü api yimsho, nüsanü api ngübah, tüshe nüsanü api bahyuksho, apinü nüsa bahyukbah.

ISAIA 1:20

tüshe nüsanü reanglosho tüsho azhihsho, nukshangnü nüsa muyubah; tümüde Atungpuh münnü asukdo.

ISAIA 3:11

Amülimrü ayokhe! Küdükhüh she arü kuhi amütsü la, tümüde arü khahnü tümü rhimodünü arü kheak rhimobah.

TÜZHOKHI 1:18

Atungpuh alungki ching lah, tümüde inü api yu azhihdo; tüshe aniang, nüsa mihtsürü alala, tüsho I thsünükhi kheahang; I yo anünürü tüsho athrününgtsüng mihtsürübo aramkhi ching yüdo.

YUZÜNGTHALO 31:27

tümüde nüsanü azhihkhi tüsho yihkhrokhi inü mükheahlah. Khihni I nüsa lung lachokiyamnü nüsanü Atungpuh azhihde lado, dale I sheshu a küdükhüh laba?

JIHUSUA 24:20

Nüsanü api bahyukde khiungkerü thrünpuhbo tankihsho, apinü nüsa ki atsü rhimo dunglim rholobah nüsa thsümüchide adükheakshihbah.”

MAHKHAPRÜ 2:15

Küyimki arü wukhiukbanü Atungpuhnü athakhi tüsho thiyuchihchimkhi nangde thsümütsüpü Atungpuh khah arü azhihde lakheah. Tüsho arü tode lümthsünü.

1 SAMUEL 12:9

Tüshe arünü Atungpuh arü Thrünpuh mihabah; tüsho apinü arübo Hazor kiulongthsüpuh Jabin bonungrü limthobuh Sisera, Filistiarü, tüsho Moab kiulongthsüpuh khah ching yinabah; tüsho arünü arü azhihde keochih.

1 SAMUEL 5:9

Tüshe arünü ju Gath lim hanbah arüshu Atungpuh khah kiuto kheak azhihde zukleangnü treshih; apinü kiuto ching larü azürü tüsho azorü alala kheak mü akhiukshih.