1 SAMUEL 12:14 - AMÜSÜH HÜM CL Bible (BSI)

¹⁴ Nüsanü Atungpuh tresho tüsho api tankihsho tüsho api yu anide Atungpuhnü thiyukhüm jihkhi mazhihsho, tüsho nüsa le nüsa kurungkheak kiulongthsüpuhnü Atungpuh nüsa Thrünpuh yansho, ju atsübah;

1 SAMUEL 12:14 Iomraidhean Croise

2 KIUTHSÜYUKHEAN 15:2

Apinü Asa shorupü wukhiuk, tüsho api ki tha, “I ki aniang, Asa, tüsho Juda alala tüsho Benjamin: Atungpuh nüsa lung lah, nüsa api lung lah. Nüsanü api yimsho, nüsanü api ngübah, tüshe nüsanü api bahyuksho, apinü nüsa bahyukbah.

MUNGSHIKHÜN 105:28

Apinü amiting yüshih, tüsho ju mitingde kam; tüsho arünü api yu mazhih.

ISAIA 3:10

Thiyuro larü ki arü kuhi lakhi thaang, tümüde arünü arü rhimokhi sangaso tsühbah.

TÜZHOKHI 1:18

Atungpuh alungki ching lah, tümüde inü api yu azhihdo; tüshe aniang, nüsa mihtsürü alala, tüsho I thsünükhi kheahang; I yo anünürü tüsho athrününgtsüng mihtsürübo aramkhi ching yüdo.

ROMRÜ KILIM PAULNÜ ATHRÜTKHI KIHÜM HUHTANYU 2:7

Atsü rhimode, müretah, wüntre, tüsho amüshebe rhangdung yimrü kilim apinü lün rhangdung jihbah.

YUZÜNGTHALO 13:5

Tüshe wukihrü yungsho milim müchitrü ju asheshihbah, tümütüsho apinü Atungpuh nüsa Thrünpuh shepünü nüsa Ijip chingnü bekhit tüsho azhorü yamkhün chingnü rhokhitkhea, apinü thiyukhüm jihkhi limro chingnü tüsho api kheaknü chamkhide atsoshihpü nüsa ki thado. Junangde nüsanü amütsü rhimo nüsa bolungnü yihkhita bahang.

JIHUSUA 24:14

“Jumonü Atungpuh wüntreang, tüsho rhüngrhüngde tüsho thiyuronü api tankihang; nüsa jipürünü ke thripkhüh tüsho Ijip ching kingaünkhi thrünpuhbo bahkhiang tüsho Atungpuh tankihang.

JIHUSUA 24:20

Nüsanü api bahyukde khiungkerü thrünpuhbo tankihsho, apinü nüsa ki atsü rhimo dunglim rholobah nüsa thsümüchide adükheakshihbah.”