1 SAMUEL 12:1 - AMÜSÜH HÜM CL Bible (BSI)

¹ Samuelnü Israel alala ki tha, “Nüsanü I ki thakhi alala ching inü anijihdo, tüsho inü kiulongthsürü khülang nüsa kurungkheak zojihlah.

1 SAMUEL 12:1 Iomraidhean Croise

HOSEA 13:11

Inü I bukakhiukkhi ching nü kilim kiulongthsürü khülang jih, tüsho I mulong zhipzhip ching inü api lude tso.

1 SAMUEL 10:1

Judüki Samuelnü oliv müdangke lubah aku kheak dungkihjih, tüsho api kheak müthsüpbah tha: “Atungpuhnü api yamrüplurüp Israel mihtsürü kurungkheak yakzan shuhpü nü mujude-mokhitdo yung de?

1 SAMUEL 10:24

Samuelnü mihtsürü alala ki tha, “Atungpuhnü amokhitkhi ha nüsanü ngüchonah? Api nangde mihtsürü alala bolung she müla.” Tüsho mihtsürü alalanü zhi, “ Kiulongthsüpuh kutsüpshang!”

1 SAMUEL 8:9

Jumonü kheakü, arü düsheak anijang; nünü lang arü ki düshihde dühdang, tüsho arü kurungkheak yakzan shuhpü lakhi kiulongthsüpuh limrobo arü ki huhang.”